YEHEZKIEL 40:39 - KITAB NU TUMPU ALLA LELE MA'IMAI'

³⁹ Idasanyo aijo' daagi' ko meja' opat, toto ohua sambiha' ka' sambiha'. Aita' imeja' haha aijo' na pongkolotan binatang anu okolobanakon opotunu kabai koloban bau pohapusi dosa' kabai koloban pombolosi kalugi'an.

YEHEZKIEL 40:39 ပူးပေါင်းရင်းမြစ်များ

YESAYA 53:10

Tumpu mongkahanda' da ia sansala, ka' nombee'mo butongnyo susumo koloban pongalini dosa'. Sahingga ia mantan na umun ka' montoa tulunannyo, kalana ia sahingga kahanda' nu Tumpu timbalimo jadi.

YESAYA 53:5

Panyo ia binelaan kalana iwi-iwi na dosa'to, ka' dinoke kalana palabuatanto ma'i-ma'idek. Ia i hukum da kita oposalamat kalana belanyo haha aijo', kita i na'alinmo.

YEHEZKIEL 40:40

Isambiha'nyo nu dasanyo aijo' daagi' mule' ko meja' opat, toto ohu' sambiha' ka' sambiha' i sabatan daka' sasu utara aijo'.

YEHEZKIEL 40:41

Jadi iwi-iwi'mo ualu' na meja' tampat pongkolotan anu bau koloban: opat sasu unonyo, ka' opat mule sasu sambiha'nyo nu popasan.

YEHEZKIEL 40:42

Opa-opat na meja' anu kiijo' i suo'nyo sala-salaku pinontuangi anu opake momposadia koloban anu opotunu meja aijo' batu na pina'at. Meja aijo' ko tangkasnyo mintonga' na meten, ka' sasu aita' ibawonyo sulapa' opat, komantannyo ka' kobolanyo pokakana tiga perempat meten. Aijo'mo imeja haha aijo' na pompo'una'an pakakas bau pongkolot binatang anu okolobanakon.

YEHEZKIEL 41:22

Kotangkasnyo sa'angu' ka' mintonga' na meten, ka' kobolanyo sa'angu' na meten. Pasu'nyo iwi-iwi', salonyo tiba pimpi'nyo te kau' na binau. Mo'ane aijo' notataemo mae hi belengku, “Aiyamo na meja' anu i ahop nu katokaan nu Tumpu.”

YEHEZKIEL 42:13

Mo'ane aijo' notataemo mae hi belengku, “Ohu-ohua' na laigan aijo' susi'. Ikiijo'mo na to ima-imam anu timbali mangadap hi ahop nu Tumpu, mongkan koloban anu susi' hondo. Ikiijo'mo ahi' na pompo'una'an nu aha koloban anu susi' hondo, aijo'mo: koloban gandum tiba koloban pohapusi dosa' kabai koloban pombolosi lugi'.

YEHEZKIEL 44:16

Ola aha na timbali minsoop i uno nu Laigan-Ku mombau anu Ku palentahkon okalaja kiijo' i mezbah-Ku ka' mompimpin anu monsombah mae i Laigan-Ku.

YEHEZKIEL 46:2

Isinaa haha aijo' anu balakuasa tionyo ahi' minsoop mae montulu popasan anu isambiha'nyo montulu dasanyo lantas tuminjomo koko ohi' nu sabatan daka' hau-haunyo aijo' to ima-imam monsombahkonmo koloban anu opotunu tiba koloban paladamean anu binee' mae nu anu balakuasa. Isabatan daka' aijo' ia tolodadupumo ka' monsombah Tumpu, lantas mambamo. Lapas aitu sampe toka pihi sabatan daka' aijo' madi' timbali otumban.

IMAMAT 5:15

De daagi' ko mian madi' nontotonggolakon nombaumo dosa' ola kalana tinongkolilimo na nombee' anu tionyo ahi' osombahkon hi Tumpu, saba' mian aijo' tionyo ahi' momboa koloban bau polugi'i. Koloban aijo' tionyo ahi' sa'angu' na domba kabai mee' lakinyo anu madi' ko panyakitnyo ka' olinyo o angga'i susumo angga'nyo anu biasa obau i Kemah nu Tumpu.

IMAMAT 5:19

Aijo'mo na koloban bau polugi'i kalana kasala'an anu binaunyomo hi Tumpu.

IMAMAT 6:6

Koloban bau polugi'i, mian aijo' tionyo ahi' monsombahkon sa'angu' na domba kabai mee' lakinyo anu madi' ko panyakitnyo ka' o'una'i olinyo susumo angga'nyo anu biasa obau i Kemah nu Tumpu.

MALEAKHI 1:12

Panyo belemiu na ola ahi' mongalu Aku kalana monsangka mezbah-Ku anu madi' ko angga'nyo ka' monsombahkon ikiijo' kaanon anu madi'mo mingguna hi belemiu.

MALEAKHI 1:7

Tiba jalan nongkolobanakonmo anu okaan anu madi' pantas okolobanakon i mezbah-Ku. Lantas pinokilawamo nu belemiu, ‘Tiba jalan mosia na kami madi'mo nompajuli Belento?’ Tiba jalan nohenyuimo mezbah-Ku.

LUKAS 22:30

Ka' desumo aijo'mo, komiu timbalimo hingga-hinggat balasanang tiba Aku, de Aku timbalimo Tomundo. Ka' komiu saidi' mae sumuhangmo aita' i sampulu' ka' ohua' na kasuhangan nu Tomundo, da mompalentah sampulu' ka' ohua' na tulunan bansa nu Israel.”

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.