YEHEZKIEL 40:14 - KITAB NU TUMPU ALLA LELE MA'IMAI'

¹⁴ Ia nongukun mule' dasanyo daka-daka' aijo': ko mantannyo sampulu' na meten. Sabatan nu dasanyo aijo' mokiijo' sasu popasan anu isambiha'nyo nu Laigan nu Tumpu.

YEHEZKIEL 40:14 ပူးပေါင်းရင်းမြစ်များ

1 TAWARIKH 28:6

Tumpu nompoto'imo hi belengku sumo uuka: “I Salomo anak nu beleyum na mombau laigan kajojoongan-Ku. Ia pinile'an-Kumo baumo anaku, ka' Aku baumo tuumanyo.

MAZMUR 100:4

Pinsoopmo montulu sabatannyo daka-daka' ka' onyanyi na nyanyian anu bau pontalima kaseh, i uno nu popasannyo ka' onyanyi na nyanyian anu bau pompuji'. Pontalima kasehmo hi Ia ka' puji'mo na Ia!

NOSABATMO 27:9

“Bau na popasannyo titikub Kemah-Ku, anu obalabati nu hude lenan anu bola ka' anu ma'ima' hondo. I sasu selatan, hude bola-bola aijo' ko mantannyo 44 meten,

NOSABATMO 35:17

hude bola-bola anu opake i natannyo, ohi'nyo tiba paningkokonyo, lalanse' nu sabatan daka' i natannyo,

YESAYA 62:9

Panyo beleyum ahi' na mongala anu pinadakmo, mongkaanmo hasinnyo ka' mompuji'mo Tumpu; ka' belemiumo ahi' na anu montipumo bua'nyo nu anggur, monginumo ueenyo ipopasan nu Laigan-Ku.”

YEHEZKIEL 40:13

Lantas mo'ane aijo' nongukunmo olotnyo lengkat mae i mesen sasu hikunyo sa'angu' na suo'nyo anu bau ponjaga'an tinoka-toka i mesen sasu hikunyo i suo'nyo anu bau ponjaga'an anu sasu sambiha'nyo 12,5 meten.

YEHEZKIEL 40:15

Olotnyo lengkat mae i sabatan daka' sasu sambiha'nyo toka-toka i mesen nu dasanyo daka-daka' aijo' i bahagian anu mongahopi Laigan nu Tumpu 25 na meten.

YEHEZKIEL 41:21

Iwi-iwi' na ohi' nu sabatan anu i Tampat Anu Susi' sulapa' opat. I ahop nu Tampat Anu Susi' hondo daagi' ko anu susumo mezbah te kau' na binau.

YEHEZKIEL 42:1

Lapas mule' mo'ane aijo' nomboamo aku ipopasan sasu sambiha'nyo ka' nontakamo aku namba ilaigan sangga'at anu isasu utara Laigan nu Tumpu, madi' majo'on ilaigan daka-daka' anu isasu kinsoban Laigan nu Tumpu aijo'.

YEHEZKIEL 8:7

Lantas binoa-Nyomo na aku isabatan pinsoopan ipopasan anu isambiha'nyo ka' mule' pinotoa-Nyomo mae na sa'angu' na bolo' ipagan mesen.

IMAMAT 6:16

Labinyo nu labu tionyo ahi' obaumo roti anu madi' ko raginyo ka' okaan nu to ima-imam i tampat anu samata-mata bau pongkaanan, aijo'mo i natan nu Kemah nu Tumpu. Aijo'mo na bagi nu to ima-imam anu binee'mo nu Tumpu hi aha anu ingala i koloban kaanon. Kaanon aijo' susi' hondo, sumomo koloban anu bau pongampuni dosa' ka' koloban bau polugi'i.