YEHEZKIEL 4:9 - KITAB NU TUMPU ALLA LELE MA'IMAI'

⁹ Uuka aiya alamo na gandum, jelai, kacang merah, kacang polong, sekoi tiba gandum anu binaumo labu. Pogalo'mo na aijo' iwi-iwi' ka' baumo roti. Aijo'mo na anu nu kaan 390 na sinaa na kopinnyo na beleyum matimale' maninsohipi' sasu kewe atina'.

YEHEZKIEL 4:9 ပူးပေါင်းရင်းမြစ်များ

KAJADIAN 25:34

Lapas aijo', i Yakub nombee'imo ia roti, ka' sambagian na utan bue momea' aijo'. I Esau nongkaanmo ka' nonginumo lantas nambamo. Sumo aijo' na i Esau madi'mo nontapali haknyo salaku anak tumpe.

NOSABATMO 9:32

Panyo gandum ka' bua' anu ko batunyo madi' na'idek kalana misa' pe'e lonunyo.

YESAYA 28:25

De tano'nyo aijo' na'ima'mo na nomposadia, nu saumo na bine', umpamanyo jintan mo'itom ka' jintan mopute'. Ia montuganmo ohua' nangahannyo nu gandum opojiji' ka' isohipi'nyo osu' ani sosu'anon sangga'at.

YEHEZKIEL 4:13

Tumpu notatae, “Sumo aijo'mo na balu-balu'nyo na aha mian nu Israel saidi' mae mongkaanmo kaanon anu otewa' madi' timbali okaan susumo koonyo nu atulan i Musa, salatan aha Ku boamo ka' opojoongmo ilipu' nu mian anu isalipu'an.”

YEHEZKIEL 4:16

Lapas aijo' Ia po ule' mule' notatae, “O, manusia anu madi' tumuu' batu, Aku nohansunimo palasadia'an anu okaan i Yerusalem. Sahingga bata-batamo na to mia-mian ka' mombatasimo anu okaan nu aha tiba uee anu nu inum nu aha.