YEHEZKIEL 4:4 - KITAB NU TUMPU ALLA LELE MA'IMAI'

^4-5 Lantas male'mo maninsohipi' sasu kewe' ka' Ku pokonamo na kasala'an nu bansa Israel hi beleyum. Kopinnyo 390 na sinaa, na beleyum matimale' susumo atina' ka' mongoa'i kasansala'an kalana kasala'an nu aha. Sansinaa na beleyum matimale' susumo atina' mongibalatakon sataun na hukuman nu aha bansa Israel.

YEHEZKIEL 4:4 ပူးပေါင်းရင်းမြစ်များ

YEHEZKIEL 4:8

Beleyum Ku pungumo sahingga madi'mo moko ala mombalik butong na beleyum lengkat ikewe' mo uukamae ikoanan kabai lengkat ikoanan mokiijo' ikewee' sampe Yerusalem madi'mo otumbuhi.

IMAMAT 10:17

“Kadaka' koloban bau pongampuni dosa' aijo' madi' kinaan nu belemiu i tampat anu susi'? Koloban aijo' talalo hondo susi', Tumpu nombee'mo hi belemiu, da dosa' nu aha mian Israel o ampunimo.

IMAMAT 16:22

Mee' aijo' nomboamo iwi-iwi' na dosa' nu bansa Israel i daerah anu mateges anu madi' ojoongi ka' tionyo ahi' opolapas na ia i padang bola aijo'.

NOMBILANGMO 14:34

Belemiu saidi' mae montanggungmo hukuman nu dosa' nu belemiu kopinnyo patompulu' na taun; sataun toto patompulu' na sinaa na olotnyo, sansinaa na opake monselidiki tano' aijo'. Osumbu'je nu belemiu mosia de Aku mongka'idekimo belemiu!

NOMBILANGMO 18:1

Tumpu notataemo hi Harun, “Beleyum, to ana-anak nu beleyum tiba aha mian nu Lewi tionyo ahi montanggungi kasala'an apaa na anu timbali i Kemah-Ku, panyo ola beleyum tiba to ana-anak nu beleyum na tionyo ahi' montanggungi de sala' na pakalaja'an nu to ima-imam.

MATIUS 8:17

I Yesus nombaumo iwi-iwi' aijo', ka' tiba jalan aijo' tinimbalimo apaa na anu tinaloakon i Nabi Yesaya, aijo'mo, “Ia montanggung kasala'anto ka' mompa'alin panyakito.”

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.