YEHEZKIEL 4:3 - KITAB NU TUMPU ALLA LELE MA'IMAI'

³ Soba ala na kuhon besak; ka' pokoko na kuhon besak aijo' i olot nu beleyum tiba kota' Yerusalem, o'anggap au' aitu kuhon besak aijo' sa'angu' na pimpi' besak. Lapas aijo' ahopimo na kota' aijo' au'aitu beleyumo ahi' na montumbuhi. Aijo'mo na timbali sa'angu' na ibalat kona hi aha bansa Israel.

YEHEZKIEL 4:3 ပူးပေါင်းရင်းမြစ်များ

YESAYA 20:3

Salatan kota' Asdod tinikumo, Tumpu notataemo, “Posaihon-Ku Yesaya totolu'mo nataun na ilanggo ka' mule' madi' nisapatu. Aijo'mo na salaku tanda apaa na anu saidi' mae jadi hi aha Mesir tiba hi aha Sudan.

YESAYA 22:7

Iwi-iwi' na Bangka'nyo anu molumba' i daerah Yehuda kahomo kareta anu bau pahampate. Gombuan nu suludadu anu nonsake'i ajahan kahomo sasadia i iwi-iwi na sabatan daka' nu Yerusalem.

YESAYA 8:18

Aiya na aku tiba to ana-anak anu binee'mo nu Tumpu hi belengku. Tumpu Anu Daka' na Kuasanyo mompalentah i Bungkutnyo nu Sion nonsaimo mae kami da timbali tanda hi aha Israel.

YEREMIA 39:1

Ibitu'on kinosampulu'nyomo, taun kino osio'nyomo na i Zedekia nompalentah tempo'nyo ia tinimbalimo tomundo' nu Yehuda, i Nebukadnezar tomundo' nu Babel tiba suludadunyo iwi-iwi' tinokamo mae nontumbuhi Yerusalem.

YEREMIA 39:2

Itanggan osio' bitu'on kino osio'nyomo, bitu'on kino opatnyomo, taun kinosampulu'nyomo ka' sa'angu' na i Tomundo' Zedekia nompalentah, pagan mesen nu kota' ihobo'akonmo nu sampobali',

YEHEZKIEL 12:11

Otalangkanmo ahi' taalu' apaa na anu binaumo nu beleyum atina' salakumo bau tanda apaa na anu jadi saidi' mae hi aha, aijo'mo; aha saidi' mae timbalimo mian anu ohakopmo ka' oboamo pa' moya.

YEHEZKIEL 5:2

Sambagian tionyo ahi' nu papui itotonga' nu kota' aijo' de lapasmo na otumbuhi. Ka' sambagian mule' tionyo ahi' nu posusuk i bajak nu beleyum lantas nu lajangakonmo titikup ikota' aijo'. Ka' mule' sambagian anu imihi-mihinyo tionyo ahi' nu sambuangakon mokiita' ilanga, lantas Ku loloi'mo nu bajak-Ku.

DANIEL 11:17

Lapas aijo' tomundo' nu lipu' sasu utara momposadiamo iwi-iwi' na suludadunyo da montumbuhimo lipu' sasu salatan. Lantas ko kahanda'mo da mongkuasaimo songko-songko na kalaja'an nu sampobali'nyo, ia mombaumo kasangaja'an tiba ia da mompo osoakonmo anaknyo boune tiba tomundo' nu Mesir aijo', panyo tanga'annyo aijo' madi' ko gunanyo.

IMAMAT 2:5

De anu osombahkon aijo' roti anu opanggang i tampat pompanggangan, roti aijo' tionyo ahi' labu anu ma'ima' hondo na obau tiba lanya' nu zaitun panyo madi' timbali ogalo'i ragi.

LUKAS 2:34

I Simeon nombalakati aha, ka' notatae hi Maria tina nu Anak aijo', “Anak aiya pinile'anmo nu Tumpu da mombahayai ka' momposalamat manjoo' na mian nu Israel. Ia timbalije tanda lengkat mae hi Tumpu, anu nugagakon nu mian da'isan,

IBRANI 2:4

Ka' mumle' Tumpu nompaka pototu'umo apaa na anu sinakisianmo nu mian haha aijo', aijo'mo Tumpu nombaumo iwi-iwi' nu ngahan anu okabangangi ka' hahan anu madi' ko gampanyo ka' posi pongka'oho'-Nyo na nombagi-bagiakonmo to bala-balakat nu Roh nu Tumpu.