YEHEZKIEL 4:16 - KITAB NU TUMPU ALLA LELE MA'IMAI'

¹⁶ Lapas aijo' Ia po ule' mule' notatae, “O, manusia anu madi' tumuu' batu, Aku nohansunimo palasadia'an anu okaan i Yerusalem. Sahingga bata-batamo na to mia-mian ka' mombatasimo anu okaan nu aha tiba uee anu nu inum nu aha.

YEHEZKIEL 4:16 ပူးပေါင်းရင်းမြစ်များ

2 TOMU-TOMUNDO' 25:3

I tanggan ko osio'nyomo bitu'on anu ko opatnyomo i taun aijo' salatan tinalalomo hondo na balaa' kasusa'an i anu o kaan, sahingga mian da'isan madi'mo hondo-hondo ko anu okaan,

2 TOMU-TOMUNDO' 6:25

sahingga anu okaan sinusa'mo i uno nu kota', sadang ubak nu keledai sa'angu' olinyo ualumpulu'mo na doi salaka, ka' ohua' na ons na kotolan nu malapati' olinyo olima' na doi salaka.

MAZMUR 105:16

Tumpu nompotokamo mae tempo' nu kakulangan i anu okaan i lipu' aijo', ka' anu pinosadiamo na anu okaan iwi-iwi' ingalamo.

MAZMUR 60:3

Belento madi'mo mae nongkalinga kami o Tumpu, ka' ka' nompojohokmo mae kami da opatundu'mo. Belento nontambuha'imo mae kami; uuka aiya po'ule' pokopinahon mae nakami.

YESAYA 3:1

Memang Tumpu Anu Daka' na Kuasanyo mongalamo iwi-iwi' na palasadia'an i Yerusalem tiba i Yehuda aijo'mo au okaan ka' mule' uee. Ka' suele iwi-iwi' na mian anu nu taha'imani nu aha:

YEREMIA 52:6

Itanggan kino osio'nyomo bitu'on ko opatnyomo tauno ai-aijo', tempo'nyo balaa' kasusa'an i anu okaan tinahahumo hondo sahingga mian da'isan madi'mo daagi' ko anu okaan,

MOHAANGI 1:11

I uno nu motusa' ka' mompele-pele'na miannyo anu jojoong i kiijo molio anu okaasan; balang anu ko halaga'nyo mahan pinontolosimo nu aha roti, ola kalana da aha tataap tumuu' ka' boli silaka. Yerusalem nolobo'mo, “O Tumpu, toa mae na aku, palahatikan mae na iwi-iwi' kasala'anku.”

MOHAANGI 5:4

Uee anu o'inum ka' kau' anu oposun tionyo ahi' o'oli mami.

MOHAANGI 5:9

I sambiha' nu kota', anu lewa' mompatei memo ahi' saja mololo; butong mami kahanda'mo nupatei nu aha de kami mamba molio mongkaan.

YEHEZKIEL 14:13

de sa'angu' na lipu' baladosa'mo ka' madi'mo tulu-tulutan mae hi beleng-Ku, Ku hukumo na lipu' aijo'. Ku hansunimo na palasadia'an nu anu okaan nu aha, ka' mule' mompotokamo mae balaa' kasusa'anmo i anu okaan ka' mule' mompateimo manusia kabai binatang.

YEHEZKIEL 4:15

Sahingga notataemo na Tumpu Allah, “Ma'ima'mo, salaku pombolosi sengkun nu manusia beleyum timbali mompake sengkun nu sapi' da bau pontunuan roti nu beleyum.”

YEHEZKIEL 5:16

Ku hansunimo na palasadia'an nu anu okaan nu beleyum ka' mule' mompojohokmo mian anu jojoong hi beleyum da susa'mo i anu okaan. Aha saidi' mae mongoa'imo mosia na kosakisanyo na mo'ohop sumomo ahi' hihis nu pana' anu matajom hondo na monsusuk ka' mompateimo beleyum.

IMAMAT 26:26

Kaanon nu belemiu saidi' mae mingkotmo, sahingga aha sampulu' na to bou-boune ola sa'angu' na tampat bau pontunuan roti anu daagi' hi aha. Kaanon aijo' ola ogantangi, ka' de belemiu moko kaanmo, belemiu daagi' ahi' mongoa'i mo'ohop.

AMOS 4:8

To pia-piangkuka na kota', miannyo anu jojoong i lundengmo nu megot, aha molio uee i kota' sangga'at, panyo uee ikiijo' madi' sukup. Maumo sumo aijo', belemiu madi' ahi' minsusule' mae hi beleng-Ku.

ANU PINOTO'I HI YOHANES 6:5

Lantas Anak nu Domba aijo' nombeak segen anu ko totolu'nyo. Ka' aku nohongo malaikat anu ko totolu'nyo notatae, “Imbo'!” Aku nontoa, lantas nondinmo sa'angu' na ajahan mo'itom. Anu nonsake'i nontoongi sa'angu' na timbangan i limanyo.