YEHEZKIEL 4:14 - KITAB NU TUMPU ALLA LELE MA'IMAI'

¹⁴ Panyo tinaamankumo, “Ebeh Tumpu Anu Matangkas Na Kuasanyo! Daagi' pe'e ise-ise' sampe tempo uuka aiya na aku ma'isa toho' nohumimi'i butongku pa' nongkaanmo binatang anu nosipate kabai tuha' nu anu kinaanmo nu binatang anu mahangas Ma'isa toho' aku nongkaan kaanon anu o'anggap madi' toho' okaan.”

YEHEZKIEL 4:14 ပူးပေါင်းရင်းမြစ်များ

NOSABATMO 22:30

ka' suele sapi' ka' domba lakinyo anu momona inganakakon. Pobee' pe'e na binatang haha aijo' mojajalan tiba tinanyo pitun sinaa na kopinnyo lantas bee'mo mae hi beleng-Ku i sinaa ko ialunnyomo.

NOSABATMO 22:31

Belemiu mian anu pinalesayamo hi beleng-Ku, kalana aijo' mau mule' binatang apaa na anu nu sa'u nu sangko binatangnyo, madi' timbali okaan nu belemiu na antoknyo; bee'mo na aijo' hi to dede-dedeng.”

YESAYA 65:4

De pihimo aha mambamo i liang ka' i kubulan da mompoita pokinde' i santuu' nu mian anu sinilakamo. Aha mongkaan bau' ka' monginum boulonnyo anu madi' timbali okaan.

YESAYA 66:17

Tumpu notatae, “Iwi-iwi' na mian anu momposusi'mo butongnyo ka' modoso'mo lantas mambamo i ale' anu lewa' ponsomban pilogot ka' monsombahmo aha saidi' mae mingkotmo tiba to mia-mian anu mongkaan bau' tiba bokoti' ka' mule' anu okaan sangga'at oka-okahumimi'i.

YEREMIA 1:6

Aku nontaamimo, “O Tumpu Anu Matangkas Na Kuasanyo, aku madi' peletan na motatae kalana aku daagi' anak.”

YEHEZKIEL 20:49

Panyo aku i Yehezkiel nompoto'imo kabalatanku ka' notataemo, “O, Tumpu Anu Matangkas na Kuasanyo, boli mae mompalentah aku mompoto'i han aijo'! Iwi-iwi' na mian notusa'mo kalana aku saja' mompake ibalat sahingga susa' na opoko ala opangalati'i.”

YEHEZKIEL 4:15

Sahingga notataemo na Tumpu Allah, “Ma'ima'mo, salaku pombolosi sengkun nu manusia beleyum timbali mompake sengkun nu sapi' da bau pontunuan roti nu beleyum.”

YEHEZKIEL 44:31

Tomonsi' tiba binatang sangga'at anu mosi pate, kabai anu nu sa'u nu binatang anu mahangas madi' timbali nu kaan nu to ima-imam.”

YEHEZKIEL 9:8

Tempo'nyo aha lewa' pinatean aijo' aku sausa'ku daagi' ikiijo'. Aku tinolodadupumo ka' notataemo daka-daka', “O, Tumpu Anu Matangkas na Kuasanyo, taalu' sumo atina' na Belento nontambuha'imo Yerusalem sahingga Nu pateimo iwi-iwi' na mian anu daagi' aiya i Israel?”

DANIEL 1:8

Kalana tinulunganmo nu Tumpu, i Daniel nu kanonongi ka' nu kalibosi i Aspenas. I Daniel madi' hondo mongka'oho' ohumimi'i na butongnyo nu anu okaan ka' monginum anggur i laigan nu tomundo' kalana aijo' ia nomoitamo hi Aspenas da timbali mohumpak kaanon sangga'at.

IMAMAT 17:15

Batu-batu aha mian Israel kabai mian anu lengkat mae i salipu'an anu mongkaan antoknyo nu binatang anu nosi pate kabai nate sina'u nu binatang mahangas anu mongkaan sangko binatangnyo tionyo ahi' mombaso'i baju'nyo lantas mindi', ka' jojoong sangkutnyo sinaa makakinsapmo, atina'je ka' ia binelesi'mo.

IMAMAT 19:7

kalana antoknyo aijo' madi'mo timbali okaan. De antoknyo aijo' sabole-bole okaan, koloban aijo' madi' Ku ala.

IMAMAT 22:8

Ia opoliwa' boli mongkaan antok nu binatang anu mosi pate kabai anu sina'u nu binatang anu mahangas. De nu kaanmo, ia timbalimo mahumimi'. Akumo na Tumpu.

SISIKON NU TO RASUL-RASUL 10:14

Tinaaman i Petrus, “Madi', Tumpu! Ma'isa toho' aku nongkaan apa-apaa anu madi' timbali o kaan kabai anu pahengas.”

PO'ULE' INGULIT 14:21

Binatang anu mosi pate madi' timbali okaan nu belemiu, panyo mian anu lengkat mae i salipu'an anu jojoong atina' hi belemiu timbali mongkaan kabai opobaluk hi bansa anu lengkat mae i salipu'an. Belemiu mian anu pinosi pogala'mo nu Tumpu Allah da mombau anu Nu pokauhakon. Antoknyo nu anak nu domba kabai anaknyo nu mee' madi' timbali o kola' tiba susu nu tinanyo.”

PO'ULE' INGULIT 14:3

“Boli mongkaan binatang anu pinoto'imo nu Tumpu madi' toho' okaan.