YEHEZKIEL 39:4 - KITAB NU TUMPU ALLA LELE MA'IMAI'

⁴ Aita' ibungkutnyo nu Israel i Gog tiba iwi-iwi' na suludadunyo tiba anu nosa'angu'mo tiba ia silakamo ka' bangke' nu aha Ku bee'mo hi iwi-iwi' na tomonsi' tiba hi binatang anu mahangas da nu kaan nu aha.

YEHEZKIEL 39:4 ပူးပေါင်းရင်းမြစ်များ

YESAYA 14:24

Tumpu Anu Daka na Kuasanyo notataemo, “Anu tinanga'an-Kumo aijo' tionyo ahi' jadimo.

YESAYA 14:25

Aha mian nu Asyur anu jojoong i Israel lipu'-Ku aijo' Ku silakaimo ka' anu jojoong aita'mae ibungkutnyo anu Aku na tumpunyo, Ku pahampeja'akonmo. Aku mompobebasmo bansang-Ku da boli lewa' osakisa ka' lewa' obee'i pakalaja'an anu maboat opa-opakisakon nu aha mian Asyur hi aha.

YEREMIA 15:3

Aku, Tumpu, nontantukanmo taalu' tampat nu hukuman anu okabuhuk hondo saidi' mae nu ta upmo nu aha; aha silakamo i uno nu pahampatean, bangke' nu aha nu hela'mo nu dedeng, nu tolukmo nu tomonsi', ka' nu ingkotimo nu binatang anu mahangas.

YEREMIA 25:33

Toka isinaa aijo' bangke' nu to mia-mian anu pinateanmo nu Tumpu motanatamo isongko-songko na dunia. Aha madi'mo ohangi ka' mule' madi'mo o ato da olamun, panyo olamo ahi' opojohok itano' susumo tambulan nu duhehe.

YEHEZKIEL 29:5

Lapas mae beleyum tiba iwi-iwi' na ikan haha atina' Ku alinmo mamba i padang tampat anu kaho bone'nyo. Butong nu beleyum manimbantamo itano' ka' silakamo ikiijo'. Madi' ko samian anu toka mae molamun beleyum. Butong nu beleyum Ku bee'mo hi to tomo-tomonsi' ka' hi binatang sangga'at da nu kaan nu aha.

YEHEZKIEL 33:27

Atas sanggong-Ku, Tumpu anu tumuu', Tumpu Anu Matangkas na Kuasanyo, to mia-mian anu jojoong i kota' haha aijo' anu singkapmo i hansun silakamo opatei. Aha anu jojoong i tampat padang anu ewa nu kaanmo nu binatang anu mahangas. Aha anu matisuluk i iwi-iwi na bungkutnyo ka' i to lia-liang silakamo kalana panyakit anu molele.

YEHEZKIEL 35:8

Bungkutnyo haha aita' ku paha potimpasimo bangke' nu belemiu, puge'nyo tiba bangka'nyo Ku pobuke'imo nu anu sinilakamo i uno nu pahampatean.

YEHEZKIEL 38:21

Lantas i Gog Ku potolokengkengmo nu ngangahan nu balaa'. Aku, Tumpu Anu Matangkas na Kuasanyo notataemo. Suludadunyo mompaha pate-pateimo na posi aha nu bajak nu aha.

YEHEZKIEL 39:5

Suludadu haha aijo' tombahangkangmo ka' silakamo sinin na ale'. Aku, Tumpu Anu Matangkas na Kuasanyo notataemo.

NAHUM 3:3

Tompukan nu suludadu anu nonsake'i ajahan binaanimo hondo na nontumbuhi, bajak jinoliotanmo ka' talombo' jinongkilabanmo. Mian anu sinilakamo madi'mo pinoko bilang na bangke' nu mian anu sika-sika tambun. Sahingga mian anu lumajang tosumpunmo.