YEHEZKIEL 39:10 - KITAB NU TUMPU ALLA LELE MA'IMAI'

¹⁰ Jadi aha madi'mo daagi'mo mongala kau' anu oposun i ale' kalana sinin na toongon anu pinala'ianmo aijo' sukupmo na oposun. Aha montololangimo ka' mongagoimo halata' nu to mia-mian anu nontololangimo ka' nongagoimo halata' nu aha. Aku, Tumpu Anu Matangkas na Kuasanyo notataemo.”

YEHEZKIEL 39:10 ပူးပေါင်းရင်းမြစ်များ

NOSABATMO 12:36

Tumpu nompotimbalimo mian nu Mesir da mongkanonongi aha mian nu Israel, sahingga aha nombee'mo iwi-iwi' apaa na anu pinoitamo nu aha mian nu Mesir. Tiba jalan anu sumo aijo' mian nu Israel nomboamo kakaya'an nu aha mian nu Mesir nosabat nompala'imo lipu' aijo'.

NOSABATMO 3:22

Batu-batu boune nu Israel momoita hi anu mompaha ohani laigan mian nu Mesir ka' hi boune mian nu Mesir anu jojoong hingga-hinggat sa'angu' na laigan; baju' ka' mainan salaka, ka' mosoni'. Opopake miu na aijo' hi to ana-anak nu belemiu, tiba jalan sumo aijo' belemiu mompahuhuimo mian nu Mesir.”

YESAYA 14:2

Manjoo' na bansa montulungimo bansa Israel da minsusule'mo ilipu' anu binee'mo nu Tumpu hi aha ka' ikiijo' mae bansa haha aijo' baumo posaihon nu aha Israel. Israel mompahahakopakonmo aha to mia-mian anu toho'mo nohakop ia ka' mule' mompalentahmo aha to mia-mian anu toho'mo nonsakisa i uno nu pakalaja'an.

YESAYA 33:1

Silakamo na to sampo-sampobali'to! Aha mompahuhuakon maumo aha madi' opa huhuakon, ka' mombau palabuatan ma'idek maumo madi' obau apa-apaa na anu ma'idek hi aha. Panyo salatan moko pahuhuakonmo ka' mombaumo palabuatan anu ma'idek aha mule' ahi silakamo kalana sola' mompahuhuakon ka' mombau palabuatan anu ma'idek.

YEHEZKIEL 39:11

Tumpu notatae, “De iwi-iwi' aijo' jadimo Ku bee'imo na i Gog tano' bau polamunan i Israel, i Bangka'nyo nu Potapan anu kiijo' isasu kabete'an i Ambai Mate. Ikiijo'mo na i Gog tiba iwi-iwi' na suludadunyo olamun, ka' bangka'nyo aijo' osanggohimo ‘Bangka'nyo nu Suludadu i Gog’.

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

HABAKUK 2:8

Beleyum lewa'mo nompahuhuakon manjoo' na bansa-bansa, panyo sagala bansa anu madi' pinoko ala pinatundu' nu beleyum saidi' mae mompahuhuakon beleyum, kalana lewa'mo beleyum nompatei ka' kalana talalomo hondo na beleyum sininggi hi aha to lipu-lipu' ka' mule' hi to kota-kota' ka' hi miannyo anu jojoong ikiijo'.

HABAKUK 3:8

O Tumpu, pa' kalana ambai sahingga Belento pinusamo? Kabai o pa' kalana to Kau-kaunyo na nonsaduakon sahingga belento pinusamo? Sinake'anmo nu belento na kundom susumo ajahan, ka' kareta anu bau pahampate, salatan mian nu Belento anu pinalesayamo binee'anmo ka untungan nahampate.

ZAKHARIA 14:14

To momoane nu aha Yehuda mahampatemo monsangaja'i Yerusalem. To bala-balang anu pinahuhuakon nu aha; aha nongalamo iwi-iwi' na halata' nu to bansa-bansa anu mompaha ohani sumo mosoni', salaka ka' mule' pakean manjoo' hondo.

MATIUS 7:2

Kalana sumo komiu mompisala'i mian sangga'at, sumo aitu mule' na Tumpu mompisala'i komiu. Ka' sukat anu o pake miu hi mian sangga'at, tionyo o pake suele nu Tumpu hi komiu.

ANU PINOTO'I HI YOHANES 13:10

“Mian anu tionyo o hakop, memang tionyo o hakopmo. Ka' mian anu tionyo o patei nu bajak, memang o pateimo nu bajak. Mokonyo aijo' mian anu palesayamo hi Tumpu tionyo sabaan ka' tulu-tulutan.”

ANU PINOTO'I HI YOHANES 18:6

Obau na ia sumo pinombaunyomo belemiu; obalosi na ia pinduan lipat han iwi-iwi' na anu binaunyomo. Isi na mangko'nyo nu inumon pinduan lipat nu anu lebe molangui anu pinosadiakonnyomo hi belemiu.