YEHEZKIEL 38:5 - KITAB NU TUMPU ALLA LELE MA'IMAI'

⁵ I tomundo' sinangaluan nu to sulu-suludadu nu aha Persia, Sudan tiba Libia, toto samian nomboa bajak tiba songko anu ko aja'nyo.

YEHEZKIEL 38:5 ပူးပေါင်းရင်းမြစ်များ

KAJADIAN 10:6

To ana-anak i Ham aijo'mo i Kus, i Mesir, i Libia ka' i Kana'an.

KAJADIAN 10:8

I Kus kino anak mo'ane sanggonyo i Nimrod anu momona binaani i dunia aiya.

1 TAWARIKH 1:8

To ana-anak mo'ane i Ham aijo'mo: i Kus, i Mesir, i Libia, ka' i Kana'an. Ahamo na mompolee' mae nu to bansa-bansa anu sinanggohanmo susumo sanggo nu aha.

2 TAWARIKH 36:20

Mian da'isan anu madi' pinatean pinaha boanyomo i Babel. Kiijo' mae aha binaumo posaihonnyo ka' mule' nubaumo posaihon nu lee'nyo saidi' mae sampe kalaja'an nu Persia nompalentahmo.

EZRA 1:1

Taun momonanyo salatan i Kores tomundo nu Persia nompalentahmo. Tumpu nombaumo apaa na anu pinoto'i-Nyomo hi Nabi Yeremia. Kinakeha'mo nu Tumpu na kinyonyoa i Kores da nombee'mo sulat palentah anu binasa'akonmo hi songko-songko na kalaja'an. Onyi'nyo sumo uuka:

YEHEZKIEL 27:10

To sulu-suludadu nu Persia, Lidia, tiba Libia tinimbalimo suludadu nu beleyum. Nu paha posambitmo nu aha na kanta ka' songko' nu aha anu ko aja'nyo i pagan mesen nu kota' nu beleyum. Tinulunganmo nu aha da pinatundu'mo na sampo iwi-iwi' sahingga nompaka talasanggomo na beleyum.

YEHEZKIEL 30:4

Balaa' anu daka' hondo montuda'mo mae Sudan. Kiijo' i Mesir ko anumo mahampate. Anu silaka singkapmo manimbandang; songko-songko na lipu' otololangimo ka' ohansunimo.

YEHEZKIEL 30:5

I uno nu pahampatean aijo' suele ahi' opateimo na to sulu-suludadu anu tinamboan lengkat mae i Sudan, Lidia, Libia, Arab, Kub ka' mule' posi bansang-Ku ahi'.”

DANIEL 8:20

Domba lakinyo anu tinoa nu beleyum aijo' anu ko tanduknyo ohua', aijo' mongibalatakon kalaja'an Media tiba Persia.

NAHUM 3:9

Tebe mompalentah Sudan tiba Mesir ka' mule' kakuasa'annyo madi' ko batasnyo; Libia tiba Put aijo'mo na sangalunyo.