YEHEZKIEL 38:4 - KITAB NU TUMPU ALLA LELE MA'IMAI'

⁴ Ku hela'mo na ia nu kakait anu opokonamo ibagangnyo ka' monsabatakonmo mae ia tiba iwi-iwi' na suludadunyo. Manjoo' hondo na suludadunyo anu monsake'i ajahan ka' nompusokmo baju anu pokakana na buhitnyo. Toto samian na suludadunyo nomboa kanta tiba bajak.

YEHEZKIEL 38:4 ပူးပေါင်းရင်းမြစ်များ

2 TOMU-TOMUNDO' 19:28

Ku sumbu' na beleyum pinusamo hondo hi belengku, ka' i hongong-Kumo na beleyum talalomo kinobubu. Uuka aiya Ku pokonaimo kait i sung nu beleyum ka' tambang i nganga' nu beleyum da ku hela' na beleyum minsusule' po'ule' montulu jalan anu tinuluanmo mae nu beleyum.”

1 TAWARIKH 12:8

Tempo'nyo i Daud binabentengmo i padang anu mateges manjoo' na to sulu-suludadu anu toto pande-pande ka' anu tinalasanggomo aha tulunan nu bansa Gad tinokamo nosa'angu' hi ia. Aha to sulu-suludadu anu makolit hondo na montoongi kanta ka' talombo'; aha to babaani susumo singa ka' henggo nu aha lumpatan susumo jonga.

2 TAWARIKH 25:5

I Amazia nomposihukmo iwi-iwi' na aha tulunan mae nu bansa Yehuda ka' Benyamin lantas pinokaunyomo na aha tinuminjo posi-posi aha sa'anakan, nu kapalai nu samian na kapala nu suludadu anu konjoo'nyo aha samadala, ka' kapala nu anu mongkapalai aha sa'atu na suludadu. Lapas aijo' ia nompile'imo to mia-mian anu 20 mo na taun labi mokiita', anu mahoson na mahampate ka' makolit na montoongi talombo' ka' kanta. Konjoo'nyo aha 300.000 na mian.

YESAYA 37:29

ka' ihongong-Kumo na beleyum pinusamo ka' mule' tinakabunmo atina'. Uuka aiya Ku pokaitmo na kait atina' isung nu beleyum tambang bau pontambangi nganga' nu beleyum, da beleyum Kuhela'mo osule'akonmo montulu jalan anu tinulu mae nu belemiu tempo'nyo belemiu tinoka mae aiya.”

YESAYA 43:17

Ia nompalentahmo suludadu biasa tiba suludadu anu toto tangka-tangkas na pangkatnyo da mahampatemo, ka' aha nambamo notumbuhi sinumake ikareta anu nu hela' nu ajahan. Panyo aha tinombahangkangmo ka' madi'mo noko ala po ule' tinuminjo, aha sinilakamo susumo sumbu nu sulu' anu nopoho'mo.

YEREMIA 46:9

Popadeka'mo o to aja-ajahan! Bagalagimo o to kare-kareta! Donganmo mamba o to sulu-suludadu anu montoongi kanta lengkat mae i Sudan tiba Libia. Ka' suele belemiu o to mia-mian anu toto pande-pande na mompana' lengkat mae ilipu' Lidia.’ ”

YEHEZKIEL 23:12

I Oholiba suele talalo ahi' mongka'ima'i aha to mia-mian nu Asyur haha aijo' aijo'mo to oli-olitau anu olitau hondo na butong nu aha, te to sulu-suludadu anu monsake'i ajahan, to mia-mian daka' ka' mule' anu toto tangka-tangkas na pangkat nu aha, ka' mule' suludadu anu mibaju' mae pokakana na buhitnyo momea' mingkamumu'.

YEHEZKIEL 29:4

Ku pokaitmo na kakait ibagang nu beleyum ka' mompahapokampiti ikan atina' isonuku nu beleyum. Lantas beleyum Ku hela'mo da mosabat mae atina' i Kaunyo nu Nil tiba iwi-iwi' na ikan anu atina' kampi-kampit isonuku nu beleyum.

YEHEZKIEL 38:15

Beleyum mamba lengkat mae itampat kajojoongan nu beleyum majo'on sasu mae utara nu sangalui mae nu suludadu anu manjoo' hondo ka' to babaani, iwi-iwi' suludadu anu monsake'i ajahan lengkat mae ingangahan na bansang.

YEHEZKIEL 38:3

Poto'i hi ia taalu' Aku Tumpu Anu Matangkas na Kuasanyo te sampobali'nyo.

YEHEZKIEL 39:2

Ku hela'mo na ia, ka' momboamo ia osabatakon lengkat mae i daerah anu majo'on sasu utara mamba i bungkutnyo nu Israel.

YEHEZKIEL 39:20

I meja'-Ku aha mompobosumo kompong nu aha tiba iwi-iwi' na ajahan ka' anu monsake'i ajahan haha aijo' tiba to sulu-suludadu. Aku, Tumpu Anu Matangkas na Kuasanyo notataemo.”

DANIEL 11:40

De kakuasa'annyo nu tomundo' nu lipu' sasu utara ohanimo mingkot, saba' tomundo' nu lipu' sasu salatan montumbuhimo mae ia. Lantas tomundo' nu lipu' sasu utara mombalosimo aha anu nontumbuhimo mae aijo' ka' memang nu ideimo totu-totu'u. Manjoo' hondo na kareta anu bau pahampate; ajahan, tiba kapan, Nu tumbuhimo totu-totu'u susumo uee anu ingiaba'mo ka' mongkuasaimo manjoo' hondo na lipu'.

AMOS 4:2

Aku na Tumpu Anu Matangkas na Kuasanyo, ka' Tumpu anu susi' Aku binajanji'mo saba' belemiu nu konamo nu peka; belemiu iwi-iwi' sumomo ikan anu kinaitmo nu peka.