YEHEZKIEL 38:12 - KITAB NU TUMPU ALLA LELE MA'IMAI'

¹² Beleyum montololangimo ka' mongagoimo sinin na balang nu aha anu jojoong ikota' anu u'utu mae ihansunmo aijo'. Mian anu jojoong ikiijo' pipinosihukmo lengkat mae iyaya na bansang uuka aiya kinohalata'mo manjoo' hondo tiba potuu'on ka' aha jinojoongmo i puso nu dunia.

YEHEZKIEL 38:12 ပူးပေါင်းရင်းမြစ်များ

YESAYA 10:6

Kusaimo na aha Asyur da mamba montumbuhi bansang-Ku anu madi'mo nompalesaya Aku ka' nonsabapimo da Aku notambuha'mo. Sinaing-Kumo na Asyur da mompahuhuakon mae ka' mule' da montomangi ka' mompahampeja'akon bansang-Ku susumo abu' aijo' ijalan.”

YEREMIA 30:16

Panyo uuka aiya iwi-iwi' na anu nolonyomo beleyum suele olonyomo ka' iwi-iwi' na sampobali' nu beleyum oboamo itampat pompojoongan. Aku mombee'imo kasansala'an anu nombee'imo kasansala'an beleyum. Aku montololangimo anu nontololangimo beleyum.

YEHEZKIEL 29:19

Mokonyo aijo' Aku Tumpu Anu Matangkas na Kuasanyo notataemo: Tano' nu Mesir Ku bee'mo hi Tomundo' Nebukadnezar. Ia montololangimo ka' mongagoimo ka' mule' mongatomo iwi-iwi' na kakaya'an nu Mesir salaku bau pontamboi suludadunyo.

YEHEZKIEL 38:8

Daagi' to pia-piangkuka na taun ia Ku palentahmo da montumbuhimo sa'angu' na lipu' anu ko miannyo jojoong ikiijo' po'u-po'ule'mo sinihuk sinule'akon mae lengkat hi aha bansang-bansang ka' jinojoongmo ilipu' aijo' ka' madi'mo ko anu sola' nompoposia. I Gog mongkuasaimo bungkutnyo iwi-iwi' nu aha Israel anu pininmo hondo na iliing ka' kahomo anu ihansun, panyo uuka aiya jinojoonganmo nu mian da'isan anu tinumuu' na'ima'.

AMOS 1:8

Mian anu jojoong ka' mongkuasai kota' Asdod ka' Askelon Ku alinimo. Kota' Ekron Ku hukumo ka' iwi-iwi' na tuha'nyo nu mian Filistin Ku hopu'imo.”

ZAKHARIA 1:12

Lantas malaekat aijo' notataemo, “O, Tumpu Anu Daka na Kuasanyo, Aku talalo hondo mongkalibosi ka' saja' monginau' kota' Yerusalem kota'-Ku anu susi'.

ZAKHARIA 1:17

Malaekat aijo' nonsaimo aku da mompoto'i potuunon aiya mule', “Tumpu Anu Daka' na Kuasanyo binalajanji'mo tukoo-Nyo to kota-kota'nyo po ule'mo mohumpak kasanangan i uno nu kantumuu'an ka' tukoo-Nyo mule' daagi' minsan na Ia montulungi Yerusalem ka' mongakui salaku tumpunyo Ia ahi'.”

ZAKHARIA 13:7

Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,

TO MIA-MIAN KOPIAN 9:37

Lantas po'ule' mule' notatae na i Gaal, “Totu-totu'u hondo! Daagi' ko mian anu nintudunmo mae lengkat i bungkutnyo ka' sa'angu' na gombuan hau-haunyomo mompanjolongi lengkat mae aijo' i kau' terpentin anu ko balakatnyo!”