YEHEZKIEL 38:11 - KITAB NU TUMPU ALLA LELE MA'IMAI'

¹¹ Beleyum montantukanmo montumbuhi lipu' anu madi' ko bentengnyo aijo', anu miannyo ikiijo' tumuu' madi' koanu mompoposia ka' ma'ima' isinin na kota' anu madi' ko pagannyo mesen ka' mule' anu madi' ko posadiaon bau pahampate.

YEHEZKIEL 38:11 ပူးပေါင်းရင်းမြစ်များ

NOSABATMO 15:9

Notatae na sampobali', ‘Aha ku loloi'mo ka' ku hakopmo, kineatku na bajakku ka' pinateankumo na aha. Lantas iwi-iwi' na halata' nu aha ingagoankumo binagi-bagingkumo ka pinakengkumo sampe na osa.’

YEHEZKIEL 30:9

De sinaa aijo' tokamo mae ka' Mesir hansunmo, Ku saimo na mian osake' ikapan da mompotolokengkeng aha mian nu Sudan anu madi' ko sangka'an ko sampobali mae toka, sahingga aha mabuhukmo hondo. Memang totu'u sinaa aijo' tokamo mae!”

YEHEZKIEL 34:27

Iwi-iwi' na kau' mimbua'mo, iwi-iwi' na ale' ko hasinnyomo ka' iwi-iwi' na mian jojoong madi'mo ko anu mompoposia itano'nyo. De lante' anu pinompungu mian anu palesayamo hi beleng-Ku, Ku botu'akonmo ka' aha Ku pobebasmo da madi'mo nu botuani nu tomia-mian anu nombotuanimo aha, nusumbu'je nu aha taalu' Akumo ahi' na Tumpu.

YEHEZKIEL 38:14

Mokonyo aijo' Tumpu Anu Matangkas na Kuasanyo nonsaimo mae aku da mompoto'i hi Gog potuunon aiya, “Kakona mian Israel anu palesayamo hi beleng-Ku tinumuu'mo madi'mo ko anu nompoposia ka' na'ima'mo beleyum tokamo mae montumbuhi.

YEHEZKIEL 38:8

Daagi' to pia-piangkuka na taun ia Ku palentahmo da montumbuhimo sa'angu' na lipu' anu ko miannyo jojoong ikiijo' po'u-po'ule'mo sinihuk sinule'akon mae lengkat hi aha bansang-bansang ka' jinojoongmo ilipu' aijo' ka' madi'mo ko anu sola' nompoposia. I Gog mongkuasaimo bungkutnyo iwi-iwi' nu aha Israel anu pininmo hondo na iliing ka' kahomo anu ihansun, panyo uuka aiya jinojoonganmo nu mian da'isan anu tinumuu' na'ima'.

ZAKHARIA 2:8

Ihe na montumbuhi mae belemiu tantu aha montumbuhimo anu talalo hondo Ku kanonongi.” Sahingga Tumpu Anu Daka' na Kuasanyo nompalentahmo mae aku da mompotokakon potuunon-Nyo aiya hi to bansa-bansa anu nombulingimo mian anu palesayamo hi Ia,

ROMA 3:15

Langkas nu aha malia'mo, de kahanda'mo monsakisa ka' mompatei mian.

PO'ULE' INGULIT 12:10

De opoko taapmo miu na Kaunyo nu Yordan Tumpu Allah nu belemiu montulungimo belemiu monjojoongi ka' tataapmo i tano' anu i santoanyo nu kaunyo aijo'. Ia na monjagai belemiu da boli nupoposia nu aha anu monsampobali' belemiu, ka' belemiu sanangmo na tumuu' madi' ko anu mompoposia.

TO MIA-MIAN KOPIAN 18:27

Noko palaihakon i imam tiba to paka-pakakas anu opake monsombah anu pinosi bau i Mikha aijo' aha mian tulunan nu bansa Dan aijo' nambamo nontumbuhi Lais, kota anu kantumuu'an nu miannyo madi' ko anu lewa' mompoposia. (Kota aijo' kiijo' i sa'angu' na bangka'nyo tiba kota Bet-Rehob.) Aha mian nu Dan haha aijo' nompateimo iwi-iwi' na mian anu jojoong i Lais lantas nompapumo kota aijo'. Madi' ko anu tinoka mae nontulungi aha mian nu Lais aijo' kalana tampat nu aha nosi tade majo'on lengkat i Sidon. Lapas aijo' aha mian nu Dan po'ule'mo nombau kota aijo' ka' jinojoongmo ikiijo'.

TO MIA-MIAN KOPIAN 18:7

Lapas aijo' nambamo na aha olima' aijo' nokiijo' i Lais. Ikiijo' mae aha lewa'mo nompalahatikan miannyo. Lantas sinumbu'mo nu aha na kantumuu'an nu anu jojoong i Lais aijo' sumomo kantumuu'an nu bansa Sidon. Maumo aha madi'mo nogalum ka' najo'onmo lengkat hi bansa Sidon, aha tumuu' madi' ko anu mompoposia, madi' ko anu monsampobali', bilahi, ka' madi' ko kakulangan apa-apaa.”