YEHEZKIEL 37:9 - KITAB NU TUMPU ALLA LELE MA'IMAI'

⁹ Tumpu Allah notataemo mae hi belengku, “O manusia Anu Madi' tumuu' batu, potatemo hi mombun. Poto'i Aku Tumpu Anu Matangkas na Kuasanyo nompalentahmo ia da tokamo mae lengkat iyaya mae na tampat, da mompuhakonmo santuu' i uno nu butong haha aijo' anu daagi' mate sahingga aha po ule'mo tumuu'.”

YEHEZKIEL 37:9 ပူးပေါင်းရင်းမြစ်များ

MAZMUR 104:30

Panyo de aha nubee'imo nu Belento santuu', aha po'ule'mo opotimbali; Belento po'ule'mo, mombee'i kantumuu'an anu bu'ou i dunia.

NYANYIAN ANU TALASANGGO 4:16

Pobulamo o mombun nu utara, tokamo mae o mombun nu salatan! Tobuungmo mae toka i ale'ku; da nohongnyo simpogahanmo. Ku taha'imani da sindua'anku toka i ale'nyo, ka' mongkaan bua'nyo anu toto tami-tami'.

YEHEZKIEL 37:14

Aku mompuhakonmo santuu' i uno nu butong nu aha da aha tumuu'mo, lantas aha Ku pobee'mo jojoong iposi lipu' nu aha. Sahingga nu sumbu'je nu aha taalu' Akumo ahi' na Tumpu. Aku Tumpu notataemo ka' memang ahi' mompojadimo.”

YEHEZKIEL 37:4

Lantas Tumpu nompalentahmo aku da mompoto'i potuunon-Nyo sumo uuka hi buku haha aijo' anu nanggasmo,

YEHEZKIEL 37:5

“Aku Tumpu Anu Matangkas na Kuasanyo mompuhakonmo santuu' mokiijo' i uno nu butong nu belemiu da belemiu po ule' mule' tumuu'.

YEHEZKIEL 37:8

Hau-haunyo aku mompalahatikan, buku haha aijo' nontampu'unimo kino uatnyo ka' ningantokmo, lantas kinokilitnyomo panyo butong haha aijo' ma'isa kinosantuu'nyo.

DANIEL 11:4

Panyo de ia talalomo kaya kalaja'annyo mobagi-bagimo timbalimo opat na bahagian. To tomu-tomundo' anu misa' tulunan nu tomundo' mompalentahmo salaku bolosnyo ka' aha madi'mo mahoson susumo ia.

HOSEA 13:14

Bansa aiya madi'mo Ku posalamat i kakuasa'an nu dunia nu mian anu sinilakamo. O kasilaka'an loloakonmo na panyakit anu molele! Baumo na pakalaja'an nu beleyum anu lewa-lewa' mohansuni aijo'! Aku madi'mo daagi' mongkalibosi bansa aiya.

ZAKHARIA 6:5

Ia nontaami, “Aku nambamo i opat na tampat anu nu tujui nu aha de aha moko pangadapmo hi Tumpu nu songko-songko na dunia.

YOHANES 3:8

Mombun lumap pa' moya na nu kahanda'i; ohongonto na onyi'nyo, panyo madi' osumbu'to pa' iyamae na pinolengkatannyo, ka' pa' moya na kalambanannyo. Sumo aijo'mo na anu ohampeakon nu Roh nu Tumpu.”

ANU PINOTO'I HI YOHANES 10:11

Lapas aijo' aku pinalentahmo, “Po'ule' mule' bebakon na lele lengkat mae hi Tumpu mongkona to bansa-bansa, nega-negara, basa-basa', ka' to tomu-tomundo.”

ANU PINOTO'I HI YOHANES 11:11

Ilapas totolu' mintonga' na sinaa, tinokamo na napas bau pompotumuu' lengkat mae hi Tumpu ka' ninsoop mule' i uno nu ua-ua'aha na nabi aijo'. Aha mule' nobungkutmo ka' tinuminjomo, sahingga iwi-iwi' na mian anu nontoa aha nabuhukmo hondo.