YEHEZKIEL 37:5 - KITAB NU TUMPU ALLA LELE MA'IMAI'

⁵ “Aku Tumpu Anu Matangkas na Kuasanyo mompuhakonmo santuu' mokiijo' i uno nu butong nu belemiu da belemiu po ule' mule' tumuu'.

YEHEZKIEL 37:5 ပူးပေါင်းရင်းမြစ်များ

KAJADIAN 2:7

Lapas aijo' Tumpu Allah nongalamo sangkiding na tano', lantas kinompon-Nyomo ka' tinimbalimo samian na manusia, lantas pinuhakon-Nyomo na sawo anu mompotumuu' i uno nu bolo' nu sungnyo; sahingga tinumuu'mo na manusia aijo'.

YEHEZKIEL 37:14

Aku mompuhakonmo santuu' i uno nu butong nu aha da aha tumuu'mo, lantas aha Ku pobee'mo jojoong iposi lipu' nu aha. Sahingga nu sumbu'je nu aha taalu' Akumo ahi' na Tumpu. Aku Tumpu notataemo ka' memang ahi' mompojadimo.”

YOHANES 20:22

Lantas Ia nompuuhakon sawo-Nyo hi aha ka' notatae, “Talimamo na Roh nu Tumpu.

EFESUS 2:5

sahingga tempo'nyo kita daagi' nate na rohaninto kalana kita saja' mombau kasala'an, Ia po'ule'mo nompotumuu' kita hingga-hinggat tiba i Kristus. Jadi, ola kalana ka'ima'an nu kinyonyoa nu Tumpu sahingga komiu pinosalamat-Nyomo.

ROMA 8:2

Kalana atulan nu Roh nu Tumpu na mombau kita tumuu' mosa'angu' tiba i Kristus Yesus nompobebasmo aku lengkat i atulan anu monsaduakon dosa' ka' kapatean.

ANU PINOTO'I HI YOHANES 11:11

Ilapas totolu' mintonga' na sinaa, tinokamo na napas bau pompotumuu' lengkat mae hi Tumpu ka' ninsoop mule' i uno nu ua-ua'aha na nabi aijo'. Aha mule' nobungkutmo ka' tinuminjomo, sahingga iwi-iwi' na mian anu nontoa aha nabuhukmo hondo.

YESAYA 26:19

Mian anu palesayamo hi Belento sisinilakamo saidi' mae po ule'mo tumuu', bangke-bangke' nu aha po ule'mo tumuu'. Mian anu ilamunmo i uno nu tano' saidi' mae po ule'mo tumuu' ka' lame'mo na lewa' molo ais. Sumomo dondu'ok mompoloopmo tano', Belento mompotumuu'mo mian anu palesayamo hi Belento anu pini-pininmo na sinilaka.