YEHEZKIEL 36:2 - KITAB NU TUMPU ALLA LELE MA'IMAI'

^2-6 ‘Salatan to bansa-bansa anu haha aitu mae montumbuhimo mae ka' montololangimo belemiu, saba' aijo' sumo-sumomo aha nompopo'ambangmo Israel. Lame'mo na aha montaloakon, puge'nyo haha aita' anu salatanmo pe'e dunia aiya uuka aiya aha mo na tumpunyo. Mokonyo aijo' o, to bungku-bungkutnyo ka' mule' puge'nyo-puge'nyo, to panga-panga'nyo nu kaunyo tiba bangka'nyo, o, kota-kota' anu ihansunmo ka' anu pinala'ianmo nu miannyo ka' mule' tinololanganmo ka' mule pinopo'ambangmo nu bansa-bansa anu haha aitu mae, soba potombihing mae apaa na anu pinoto'imo nu Tumpu Anu Matangkas na Kuasanyo hi beleyum: I uno nu tambuha'-Ku anu taha-tahahumo aiya Ku pisala'imo hondo na bansa-bansa anu haha aitu mae hi belemiu, lebe-lebe Edom, kalana aha sinanangmo na mompopo'ambang ka' nongalamo ka' mule' nongalamo tano'-Ku ka' nongagoimo iwi-iwi na padang anu ko hemputnyo. Uuka aiya Aku motambuha'mo ka' mule' mongamu'mo kalana bansa haha aijo' talalomo ahi' na nompopo'ambang ka' madi'mo nompajuli belemiu.

YEHEZKIEL 36:2 ပူးပေါင်းရင်းမြစ်များ

PO'ULE' INGULIT 32:13

Ia nompotimbalimo aha mongkuasai iwi-iwi' na bungkutnyo; aha mongkaan isi nu ale' ka' monginum juu' nu uani' anu ola i bungkutnyo nu batu. Aha nohumpak lanya' nu kau' zaitun anu tumuu' i tano' anu ko batunyo.

YEHEZKIEL 35:10

Belemiu nontaloakonmo koonyo nu belemiu mau Yehuda kabai Israel tibamo tano'nyo belemiumo na mohaki ka' mule' belemiumo na jadi tumpunyo maumo ahi' Aku, Tumpu, na Tumpu nu aha.

YEHEZKIEL 25:3

Palentah na bansa aijo' da mohongo mae apaa na anu Ku poto'i hi aha,

HABAKUK 3:19

Belento na nombee'i aku kahosonan, sumomo tengke nu jonga, tengkengku pinohosonakonmo nu Belento. Belento nontaka'mo aku da madi' ko anu mompoposia. Tempo'nyo aku ilumajang aita' ibungkutnyo. 9

YEHEZKIEL 26:2

“O, manusia anu madi' tumuu' batu, aha mian anu jojoong i Tirus sola'mo nontaligalai ka' nontaloakon, ‘Yerusalem ihansunmo! Kamajuan nu aha baladagang imadi'anmo! Ia madi'mo moko ala mongkakanai mae kita!’ ”

YEREMIA 49:1

Sumo uuka na koo-Nyo nu Tumpu na aha Amon, “Kadaka' tano' nu aha tulunan nu bansa Gad ingalamo ka' jinojoonganmo nu aha to mia-mian anu monsombah Pilogot Milkom?

YESAYA 58:14

Sahingga belemiu lame'mo kalana nontulutimo Aku. Ku pojadimo na belemiu oholomati isongko-songko na dunia. Belemiu sanangmo na tumuu' kalana hasin nu tano' pusaka' i Yakub mompolee' nu belemiu. Aku, Tumpu na notataemo.”

MAZMUR 78:69

Ia nombaumo Laigan-Nyo susumo anu kajo-kajojoongan-Nyo kiita' i suluga' ka' susumo tano' mahoson sampe toka sidu-sidutu'.

YEHEZKIEL 35:12

Sahingga nu sumbu'je nu belemiu taalu' Akumo ahi' na Tumpu anu nohongomo belemiu nongalu tempo'nyo belemiu notatae: Iwi-iwi na bungkutnyo nu Israel iliingmo hondo ka' binee'mo da baumo kaanonto.

YEHEZKIEL 36:1

Tumpu notatae, “O manusia anu madi' tumuu' batu, potataemo hi bungkutnyo haha aita' i Israel ka' pokau na aha da mompotombing palentah nu Tumpu Anu Matangkas na Kuasanyo,

OBAJA 1:13

Madi' pantas na beleyum mompinsoopi kota' nu mian-Ku anu pinalesayamo ka' lewa' montaligalai to mia-mian anu hau-haunyo mongoa'i kasansala'an, apaa mule' lewa'mo montomang halata' nu aha isinaa kinasoe'anmo aijo'!

MAZMUR 83:13

kalana aha notataemo, “Imbo' da ojojoongintomo na tano' kajojoongan nu Tumpu.”