YEHEZKIEL 34:3 - KITAB NU TUMPU ALLA LELE MA'IMAI'

³ Susunyo o inum nu belemiu, bulunyo obau nu belemiu pakean, ka' domba anu molompo' hondo okolot ka' okaan nu belemiu. Belemiu madi' toho' mongkalesang domba nu belemiu haha atina.

YEHEZKIEL 34:3 ပူးပေါင်းရင်းမြစ်များ

2 TOMU-TOMUNDO' 21:16

Misa' ola nonsaduakonmo mian nu Yehuda binaladosa'mo hi Tumpu kalana binapilogotmo, panyo suele i Manasye nompateimo manjoo' hondo na mian anu madi' ko sala'nyo sahingga baso' no'ilimo iyaya mae i Yerusalem.

AMSAL 30:14

Daagi' ko mian anu molio Kaanon nu jalan anu talalo buhingison, aha talalo hondo buhingison ka' molio ka'untungan hi mian kasiasi ka' hi mian anu madi' moko ala mombau apa-apaa.

YESAYA 1:10

Yerusalem tiba to pola-polaya' ka' bansa nu belemiu tinimbalimo nimbalu-balu'mo mian nu Sodom ka' Gomora. Apaa na anu pinalentahkon nu Tumpu hi belemiu hongo mae; apaa na anu ingajanakonmo nu Tumpu-nto opalahatikan.

YESAYA 1:15

De komiu balado'a mohangkat lima nu belemiu, saba' Aku madi' mompalahatikan. Aku madi' mompajuli mau manjoo' na do'a nu belemiu, Aku madi' mohongo, kalana lima nu belemiu aijo'mo na anu pinatean nu belemiu.

YEREMIA 2:30

Ola palasuma' na belemiu Ku hukum, kalana belemiu madi' mongka'oho' montalima pokinde'. Pokakana susumo singa anu nangamu'mo, sumo aijo'mo na belemiu nompateimo to nabi-nabi nu belemiu.

YEREMIA 22:17

Panyo beleyum, Yoyakim, sangalasan. Beleyum ola molio posi ka untungan nu beleyum. Beleyum nompateimo mian anu madi' ko sala'nyo ka' talalo ahi' monsakisa mian da'isan nu beleyum ka' talalo ahi' singgi.

MOHAANGI 4:13

Panyo han aijo' jinadimo, kalana dosa' nu to ima-imam ka' to nabi-nabi. Aha nombubusakonmo baso', nu mian anu madi' ko sala'nyo.

YEHEZKIEL 19:3

Sa'angu' na anaknyo ingajannyomo, ka' pinogulu'nyomo da monsumbu' molio kaanonnyo. Sahingga jinadimo na ia singa anu dinaka'mo, pansa'u hondo ka' pangkaan hondo manusia.

YEHEZKIEL 19:6

Anak nu singa aijo' dinaka'mo, ka lewa'mo nosangalu tiba singa-singa sangga'at. Ia suele sola'mo nolio kaanonnyo, ka' suele pinangkaanmo mian.

AMOS 6:4

Silakamo na belemiu anu male' i kamale'an anu to ima-ima', ka' nombaumo bau-bauon nongkolotmo sapi' tiba domba anu daagi' bata'nyo!

ZEFANYA 3:3

To mia-mian daka' anu i kota' aijo' sumomo singa anu lewa' molohu'. To mia-mian kopiannyo sumomo to seri-serigala anu no'ohopmo, aha talalomo hondo nangoa sahingga sangkolong pe'e na buku madi'mo ko tuha'nyo anu okaan dodop.

ZAKHARIA 11:16

Kalana Aku mompokalajamo samian na polaya' nu potuu'on da monjagai dombang-Ku, panyo ia madi' mongkali-kalinga domba anu nokangkanmo; ia madi' molio domba anu tinalasmo, madi' mule' ahi' mompakuli'i domba anu binelaonmo ka' mule' madi' mombee'i pakan te domba anu daagi' tutuu'. Pakalaus ola nu kaan na antok nu domba anu molompo' hondo ka' nu paha gauti konukunyo nu binatang haha aijo'.

ZAKHARIA 11:5

Anu mongoli domba aijo' nompateimo domba haha aijo', pada han madi' kinohukumannyo. Aha anu nompobaluk antoknyo nu domba haha aijo' notatae, ‘Opuji' na Tumpu! Uuka aiya kita nompaka kayamo!’ Topo laya' potuu'on haha aijo' madi' kinokalibosan hi domba haha aijo' anu nu jagai nu aha.