YEHEZKIEL 32:7 - KITAB NU TUMPU ALLA LELE MA'IMAI'

⁷ Salatan Aku monsilakaimo beleyum, langit Ku kukumbungimo ka' mule' to manda-mandala' madi'mo talalo Ku pojingka. Batu nu sinaa Ku posulukmo isambiha' nu kundom ka' mule' bitu'on madi'mo daagi' majingka.

YEHEZKIEL 32:7 ပူးပေါင်းရင်းမြစ်များ

AYUB 9:7

Tumpu Allah timbali montewa' batu nu sinaa bete' daagi' subu, ka' madi' mompobee' to manda-mandala' majingka pihi.

AMSAL 13:9

Mian anu palesaya sumomo sahaya anu majingka hondo; panyo mian anu ma'idek na kinyonyoanyo sumomo sulu' anu mopoho'mo.

ANU MOMPOLELE POTATAE NU TUMPU 12:2

De tokamo na tempo'nyo aijo' mata nu belemiu madi'mo daagi manasa na montoa, sahingga madi'mo majingka na sinaa, bitu'on tiba mandala'. Kundom tinumatampokmo momboamo mae ujan; tataap mohohungi belemiu sumomo anu mompopobuhuk.

YESAYA 13:10

Toto saangu' na mandala ka' gombuan nu mandala' madi'mo daagi' kojingkanyo; batu nu sinaa pikatmo de ia bete'mo mae, ka' mule' bitu'on madi'mo daagi' majingka mae.

YESAYA 34:4

Batu nu sinaa, bitu'on ka' mule' iwi-iwi na mandala' hansunmo. Langit olulunmo susumo lulunan nu kalatas. Iwi-iwi na mandala' singkapmo manabu' susumo hon nu kau' anu mohontangmo.

YEREMIA 13:16

Tumpu Allah nu belemiu tionyo ahi' opopodaka' nu belemiu ma'isa pe'e Ia mompotoka mae kapintungan, ka' tengke nu belemiu tosumpunmo aita' mae ibungkutnyo, ma'isa pe'e jingka anu nu taha'imani Nu bali'imo timbali kapintungan.

YEHEZKIEL 30:18

De Ku pomingkotmo na kapalentahan nu Mesir ka' mongalamo kakuasa'annyo anu nu kabubunakan aijo', Tahpanhes nu saputmo nu pikat ka' to bou-bounenyo ohakopmo ka' oboa.

YEHEZKIEL 31:15

Sumo uuka na koonyo nu Tumpu Anu Matangkas na Kuasanyo, “De kau' aijo' mintatau'mo i dunia nu mian anu sinilakamo, Kupalentahmo na uee anu i aluknyo nu tano' mongomoki ia salaku tanda ko anumo ihaangan. Sabole-bolemo Ku tahan na solok nu kaunyo ka' mongonsongimo iwi-iwi' na panga'nyo nu kaunyo. Kalana kau' aijo' inanggasmo, Ku potokamo mae na pikat aita' isinin na bungkutnyo nu Libanon ka' mompopangkalualemo iwi-iwi' na kau' i uno nu alas.

YEHEZKIEL 34:12

susumo samian na polaya' molio ka' momposihuk to domba-dombanyo anu noga'a-ga'atmo lantas mongkalesang aha. Aha Ku sule'akonmo mae lengkat mae isongko-songko na tampat anu pinoga'a-ga'atan nu aha, toka itempo'nyo sinaa pikatmo ka' sinaa anu madi'mo ma'ima' aijo'.

YOËL 2:10

Hau-haunyo aha mongahopimo tano' i lakatnyomo, ka' langit suele ilakatnyomo. Lantas pinikatmo na batu nu sinaa ka' bitu'on ka' jingka nu to manda-mandala' i madi'mo.

YOËL 2:2

Sinaa aijo' pikat hondomi' kahomo sehu' madi'mo ko sahayanyo. Suludadu kihi-kihi' singkapmo mae toka, susumo kundom anu nanintingkimo aita' i bungkutnyo. Han anu susumo aijo' ma'isa toho' jinadi ka' madi'mo daagi' po'ule' jadi sampe toka sidu-sidutu'.

YOËL 2:31

Batu nu sinaa tinimbalimo pinikat ka' bitu'on timbalimo momea' susumo baso'. Iwi-iwi' aijo' jadimo saidi' mae ma'isa pe'e Sinaa nu Tumpu toka mae, sinaa anu talalo ahi' ma'idek ka' okabuhuk!

YOËL 3:15

Batu nu sinaa tiba bitu'on pikatmo, ka' mule' to manda-mandala' madi'mo daagi majingka.”

AMOS 8:9

De tokamo na tempo'nyo. Ku bauje na batu nu sinaa sonsu-sonsu'un ia makakinsapmo ka' dunia timbalimo pikat padahan sonsu'un na sinaa. Aku na Tumpu Anu Matangkas na Kuasanyo anu notataemo.

MATIUS 24:29

“Madi' pin salatan kasusa'an aijo' lapasmo, batu nu sinaa pinikatmo, ka' bitu'on madi'mo ko sahayanyo. To manda-mandala' nanabu'mo lengkat mae i langit, ka' anu mongkuasai langa kalangkabutmo.

MARKUS 13:24

“Salatan tempo'mo nu kasusa'an aijo', batu nu sinaa timbalimo pikat, ka' bitu'on madi'mo daagi' minsahaya.

LUKAS 21:25

“Hi batuje nu sinaa, bitu'on ka' to manda-mandala' otoaje na tandanyo haha aijo'. I dunia aiya bansa-bansa mabuhukmo ka' bingongmo mongahopi buhook tiba bokon to daka-daka' nu ambai.

ANU PINOTO'I HI YOHANES 8:12

Lantas malaikat ko opatnyo nompuuhimo tolompetnyo. Sahingga o bagi totolu' na batu nu sinaa sambahagian na madi'mo najingka, bitu'on o bagi totolu', sambahagian na madi'mo najingka, ka' to manda-mandala' o bagi totolu' sambahagian na madi'mo najingka sahingga aha anu pinaha bagimo totolu' sambahagian na madi'mo ko jingkanyo. Sumo aitu mule' o bagi totolu' na sinaa, sambahagian na anu madi'mo majingka, ka' sumo aitu mule' o bagi totolu' na pihi sambahagian na madi'mo pinihi.