YEHEZKIEL 32:32 - KITAB NU TUMPU ALLA LELE MA'IMAI'

³² Akumo na nonsabapi i tomundo' Mesir saja' mompolubat mae kabuhukan hi aha to mia-mian anu daagi' tutuu', panyo ia tiba suludadunyo saidi' mae silakamo ka' opomale'mo hingga-hinggat tiba mian iwi-iwi' anu madi' monsumbu' Tumpu Allah ka' mule' anu sinilakamo i uno nu pahampatean. Aku, Tumpu Anu Matangkas na Kuasanyo notataemo.”

YEHEZKIEL 32:32 ပူးပေါင်းရင်းမြစ်များ

KAJADIAN 35:5

Salatan i Yakub ka' aha iwi-iwi' sa'anakan nambamo, Tumpu Allah nompobuhukmo anu jojoong i kota haha aijo' iwi-iwi', sahingga aha nabuhukmo, jadi aha madi'mo nololoi' i Yakub ka' sangalunyo iwi-iwi'.

AYUB 31:23

Madi' hondo aku mombau sumo aijo', kalana hukuman nu Tumpu Allah na nompopobuhukmo hondo kinyonyoangku.

YEHEZKIEL 29:1

Itanggan sampulu' ka' ohua' bitu'on anu kinosampulu'nyomo i uno nu taun suele kinosampulu'nyomo tempo'nyo kami ihakop ka' binoa, Tumpu notataemo mae hi belengku,

YEHEZKIEL 30:1

Tumpu po ule' mule' notatae, Ia notatae,

YEHEZKIEL 31:1

Itanggan sa'angu' bitu'on kinototolu'nyomo i uno nu taun anu kino sampulu'nyomo ka' sa'angu' tempo'nyo kami ihakop ka' binoa, Tumpu notataemo mae hi belengku,

YEHEZKIEL 32:27

Aha madi' nohumpak pinongkubulan salaku bau poholomati susumo to tale-talenga' naipuan mae, anu nintatau'mo i dunia nu mian anu sinilakamo tiba toongon nu aha anu bau pahampate. Talenga' haha aijo' ilamun tiba bajak nu aha pinolangon i ubak nu aha ka' mule' kanta pinotudu isaha'an nu aha. Tempo'nyo aha daagi' tutuu' talenga' haha aijo' baani hondo sahingga iwi-iwi' na mian mongkabuhuk aha.

YEHEZKIEL 32:31

De i tomundo' Mesir tiba suludadunyo tokamo kaiyong i dunia nu mian anu sinilakamo ka' montoamo mian haha aijo' iwi-iwi' anu sinilakamo i uno nu pahampatean sanangmo na kinyonyoa na nu oa'i nu aha. Aku, Tumpu Anu Matangkas na Kuasanyo notataemo.

YEHEZKIEL 33:1

Tumpu po ule' mule' notatae mae hi belengku, Ia notatae,

2 KORINTUS 5:11

Osumbu' mami apaa na alati'nyo mabuhuk hi Tumpu; mokonyo aijo' kami bala usaha da mian monsumbu' hondo-hondo butong mami. Tumpu monsumbu' hondo kami, ka' suele ku poita na komiu da monsumbu' kami i uno nu kinyonyoa miu.

IBRANI 10:31

Palias na ko sansalanyo de manabu' i lima nu Tumpu Anu Tumuu'!