YEHEZKIEL 32:30 - KITAB NU TUMPU ALLA LELE MA'IMAI'

³⁰ Iwi-iwi' na anak nu tomundo' anu lengkat mae sasu utara daagi' ko anu kiijo' mae, sumo aijo' mule' aha mian nu Sidon. Naipuan mae kakuasa'an nu aha saja' mompolubat mae kabuhukan, panyo tempo' uuka aiya aha pinopo ambangmo ka' madi' pilenje sinunat aha nintatau'mo i dunia nu mian anu sinilakamo hingga-hinggat tiba aha to mia-mian anu sinilakamo i uno nu pahampatean. Ikaiyong mae aha natimale'mo ka' nontanggungmo kasala'an hingga-hinggat tiba to mia-mian anu nintatau'mo i dunia nu mian anu sinilakamo.

YEHEZKIEL 32:30 ပူးပေါင်းရင်းမြစ်များ

YEREMIA 1:15

Ku palentahmo mae na bansa iwi-iwi' anu isasu utara da tokamo mae mongkuasai Yerusalem. Pagan mesen haha aiya anu montikubi kota' aiya ka' mule' sabatan toto daka-daka' tiba iwi-iwi' na kota' nu Yehuda nu alamo nu aha.

YEHEZKIEL 26:20

Lantas beleyum Ku boamo i dunia nu mian anu sinilakamo da sola'mo humang tiba aha mian anu sinilakamo salatanmo pe'e naipuan mae. Ku pojohokmo na beleyum da tataapmo i dunia nu mian anu sinilakamo aijo' itotonga' nu anu singkapmo na'idek sampe toka sidu-sidutu', tiba mian anu sinilakamo. Sahingga tano' nu beleyum madi'mo daagi' ojojoongi ka' beleyum mule' madi'mo daagi' oposoop ilekengan nu mian anu daagi tutuu'.

YEHEZKIEL 28:10

Beleyum saidi' mae matemo susumo mian anu madi' ko angga'nyo kalana pinatean nu aha anu isalipu'an mae anu madi' monsumbu' Tumpu. Aku, Tumpu Anu Matangkas na Kuasanyo notataemo.”

YEHEZKIEL 28:21

“O manusia anu madi' tumuu' batu kutukimo na kota' Sidon.

YEHEZKIEL 28:23

Ku potokamo mae na panyakit anu molele ka' mompojohokmo baso' mo ili atina' i iwi-iwi na jalan nu beleyum. Beleyum nu tumbuhimo nu sampobali' isongko-songko na tampat ka' miannyo anu jojoong itina' opateimo. Sahingga nu sumbu'je nu beleyum taalu' Akumo ahi' na Tumpu.’ ”

YEHEZKIEL 38:15

Beleyum mamba lengkat mae itampat kajojoongan nu beleyum majo'on sasu mae utara nu sangalui mae nu suludadu anu manjoo' hondo ka' to babaani, iwi-iwi' suludadu anu monsake'i ajahan lengkat mae ingangahan na bansang.

YEHEZKIEL 38:6

Iwi-iwi' na suludadu nu aha lipu' Gomer tiba Bet-Togarma anu i sasu utara, nambamo hingga-hinggat tiba ia, ka' mule' manjoo' na bansang sangga'at anu nombatukimo ia.

YEHEZKIEL 39:2

Ku hela'mo na ia, ka' momboamo ia osabatakon lengkat mae i daerah anu majo'on sasu utara mamba i bungkutnyo nu Israel.