YEHEZKIEL 32:24 - KITAB NU TUMPU ALLA LELE MA'IMAI'

^24-25 Elam suele kiijo' mae tiba kubulan nu to sulu-suludadunyo montikubi ia. Madi' pinai sunat, aha sinilakamo iwi-iwi' i uno nu pahampatean lantas nintatau'mo i dunia nu mian anu sinilakamo. Tempo'nyo daagi' tutuu' aha saja' mompolubat mae kabuhukan panyo uuka aiya aha sinilakamo ka' tionyo ahi' montanggung ambang hingga-hinggat tiba aha to mia-mian anu sinilakamo i uno nu pahampatean.

YEHEZKIEL 32:24 ပူးပေါင်းရင်းမြစ်များ

YEHEZKIEL 32:30

Iwi-iwi' na anak nu tomundo' anu lengkat mae sasu utara daagi' ko anu kiijo' mae, sumo aijo' mule' aha mian nu Sidon. Naipuan mae kakuasa'an nu aha saja' mompolubat mae kabuhukan, panyo tempo' uuka aiya aha pinopo ambangmo ka' madi' pilenje sinunat aha nintatau'mo i dunia nu mian anu sinilakamo hingga-hinggat tiba aha to mia-mian anu sinilakamo i uno nu pahampatean. Ikaiyong mae aha natimale'mo ka' nontanggungmo kasala'an hingga-hinggat tiba to mia-mian anu nintatau'mo i dunia nu mian anu sinilakamo.

YEHEZKIEL 32:18

“O manusia anu madi' tumuu' batu, haangmo kalana ko anumo sinilaka na aha mian da'isan nu Mesir. Pakatumo na aha da mambamo i dunia nu mian anu sinilakamo hingga-hinggat tiba lipu-lipu' sangga'at anu mahoson.

YEHEZKIEL 26:20

Lantas beleyum Ku boamo i dunia nu mian anu sinilakamo da sola'mo humang tiba aha mian anu sinilakamo salatanmo pe'e naipuan mae. Ku pojohokmo na beleyum da tataapmo i dunia nu mian anu sinilakamo aijo' itotonga' nu anu singkapmo na'idek sampe toka sidu-sidutu', tiba mian anu sinilakamo. Sahingga tano' nu beleyum madi'mo daagi' ojojoongi ka' beleyum mule' madi'mo daagi' oposoop ilekengan nu mian anu daagi tutuu'.

YEHEZKIEL 16:54

Tiba jalan anu sumo aijo' atina'je ka' nu ka'ambangi na posi butong nu beleyum, ka' kasusa'an nu beleyum atina' momponyata' hi to utu-utus nu beleyum taalu' na' ima'mo ahi' hondo na kantumuu'an nu aha.

KAJADIAN 10:22

To ana-anak i Sem aijo'mo i Elam, i Asyur, i Arpakhsad, i Lud ka' i Aram.

YEHEZKIEL 44:13

Aha madi'mo daagi' timbali mombau anu Ku palentahkon salaku imam kabai mongkanyang apaa na anu pinosusi'mo ka' osombahkonmo mae hi beleng-Ku, kabai minsoop itampat Anu Susi' hondo. Aijo'mo na hukuman nu palabuatan-palabuatan anu mahumimi' bibinaumo nu aha.

YEHEZKIEL 39:26

De aha po ule'mo ma'ima na jojoong ilipu' nu aha ka' madi'mo daagi' ko anu sola' mompopobuhuk aha sahingga nu kolilimimo nu aha mosia na aha pinopo ambangmo kalana madi'mo nompajuli mae Aku.

YEHEZKIEL 34:29

Ku pojadimo molumba' na ale' iwi-iwi' nu aha, sahingga madi'mo daagi' ko tempo' kasusa'an i anu okaan, ilipu' aijo'. Aha madi'mo daagi' lewa' o, alu nu to bansa-bansa sangga'at.

KAJADIAN 14:1

Opat na tomundo aijo'mo: i Amrafel lengkat mae i Babilonia, i Ariokh lengkat mae i Elasar, i Kedorlaomer lengkat mae i Elam, ka' i Tideal lengkat mae i Goyim

HABAKUK 2:16

Uuka aiya tinokamo na tempo'nyo hi beleyum da o'ambangimo, misa' da oholomati. Kaholomatan nu beleyum timbalimo anu madi' oholomati. Nu pakisamo nu Tumpu na beleyum monginum aijo' igalas anu ingisianmo hukuman da obee' hi beleyum. Nuinumo nu beleyum ka' mahasungonanmo.

DANIEL 8:2

Aku nontoa aijo', au' aitu butongku kiijo' mae i propinsi Elam, kiijo' i kota' Susan puso nu kota' Persia. Aku tinuminjo koko Kaunyo nu Ulai,

YEHEZKIEL 36:15

Madi'mo daagi' na tano' aiya mohongo alu nu to bansa-bansa kabai sola' monta'up pompopo'ambang nu mian. Tano' aiya madi'mo daagi' mompatei bansa anu monjojoongi. Aku, Tumpu Anu Matangkas na Kuasanyo notataemo'.’ ”

YEHEZKIEL 32:21

To tale-talenga' anu toto babaani ka' mule' aha to mia-mian nu Mesir anu nahampate nolabotmo mian nu Mesir tahahumo na kinolame'nyo i dunia nu mian anu sinilakamo. Aha nontaligalaimo sumo uuka, ‘To mia-mian anu madi' monsumbu' Tumpu Allah aijo' sinilakamo i uno nu pahampatean. Uuka aiya aha tinokamo mae i aiya ka' matimale'mo i aiya!’

YEHEZKIEL 31:14

Iwi-iwi' aijo' jadimo da otampu'uni uuka aiya madi'mo daagi' ko kau' anu tumuu' sumo aijo' na kotangkasnyo; madi'mo daagi ko tuu' nu kau' anu montoka-toka kundom maumo ahi' mohumpak uee anu molabi-labi. Iwi-iwi' tionyo ahi' silaka susumo manusia anu madi' tumuu' batu ka' sihukmo mosa'angu' tiba to mia-mian anu nintatau'mo i dunia nu mian anu sinilakamo.”

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

AYUB 28:13

Kapandean bapikin madi' ko anu hi manusia; madi' ko anu monsumbu' totu-totu'u angga'nyo anu sahondo-hondonyo.

1 TAWARIKH 1:17

To ana-anak mo'ane i Sem aijo'mo: i Elam, i Asyur, i Arpakhsad, i Lud, i Aram, i Us, i Hul, i Geter, ka' i Mesekh. Ahamo na mompolee' mae nu bansa-bansa anu sinanggohanmo susumo sanggo nu aha.

MATIUS 11:23

Ka' komiu, Kapernaum! Apaa komiu timbali opotangkas toka i suluga'? Madi'! Ola komiu o alin mokiijo' i naraka! Kalana ande-andenyo anu okabangangi binau atina' hi komiu, aijo' binaumo i Sodom, Sodom aijo' daagi' sampe tempo' uuka aiya?

MAZMUR 142:5

Salatan aku nosiloi i sohipi'ku, madi' aku nontoa anu montulungi mae aku. Madi' ko anu monjagai mae aku, kabai anu mompalahatikan mae butongku.

YESAYA 38:11

Aku notataemo, aku madi'mo daagi' montoa Tumpu itano' aiya, kabai montoa mian idunia aiya.

YEREMIA 11:19

Aku sumomo ahi' domba anu madi' ko sangka'an apa-apaa binoamo itampat pompateian. Aku madi' monsumbu-sumbu' tanga'an ma'idek aijo' montanga'imo mompatei mae aku na aha. Aha notatae, “Imbo' da otaa'mo na kau' aiya hau-haunyo ia daagi' nimbua'; opateintomo na ia da sanggonyo nu kolilimimo nu mian.”

YEHEZKIEL 31:18

Kau' aijo' molambangakon i tomundo' Mesir tiba bansanyo. Madi' ko kau' anu kiijo' i uno nu Eden matangkas sumo aijo' ka' ma'ima'. Panyo uuka aiya susumo suele to kau-kau' i uno nu Eden, kau' aijo' mule' ahi' mintatau'mo mokaiyong i dunia nu mian anu sinilakamo ka' sihukmo tiba aha anu madi' monsumbu' Tumpu Allah ka' mule' tibamo aha anu sinilakamo i uno nu pahampatean. Aku, Tumpu Anu Matangkas na Kuasanyo notataemo.”

YEHEZKIEL 32:19

Poto'i hi aha, ‘Belemiu monsangka saba' belemiumo na anu talalo handa? Belemiu mintatau'mo i dunia nu mian anu sinilakamo, ka' opomale'mo hi aha to mia-mian anu madi' monsumbu' Tumpu.’