YEHEZKIEL 32:22 - KITAB NU TUMPU ALLA LELE MA'IMAI'

^22-23 Asyur natimale'mo aijo' mae, tinikubanmo nu kubulan nu to sulu-suludadunyo. Aha iwi-iwi' sinilakamo i uno nu pahampatean. Kubulan nu aha kaiyong mae itampat anu talalo hondo maleeng i dunia nu aha mian anu sinilakamo. Tempo'nyo aha daagi' tutuu' saja' mompolubat mae kabuhukan i dunia.

YEHEZKIEL 32:22 ပူးပေါင်းရင်းမြစ်များ

YEHEZKIEL 32:26

Mesekh ka' i Tubal suele kiijo' mae tinikuban nu kubulan nu to sulu-suludadu nu aha. Madi pinai sunat, aha sinilakamo iwi-iwi' i uno nu pahampatean. Tempo'nyo daagi' tutuu' aha saja' mompolubat mae kabuhukan i dunia.

YEHEZKIEL 32:24

Elam suele kiijo' mae tiba kubulan nu to sulu-suludadunyo montikubi ia. Madi' pinai sunat, aha sinilakamo iwi-iwi' i uno nu pahampatean lantas nintatau'mo i dunia nu mian anu sinilakamo. Tempo'nyo daagi' tutuu' aha saja' mompolubat mae kabuhukan panyo uuka aiya aha sinilakamo ka' tionyo ahi' montanggung ambang hingga-hinggat tiba aha to mia-mian anu sinilakamo i uno nu pahampatean.

YESAYA 30:33

Nai puan pe'e mae na nomposadia tampat pompapuian i tomundo' Asyur. Tampat aijo' maleeng ka' mule' bola ingisianmo kau' bau pomposuli anu pinaha potambunmo manjoo' hondo. Tumpu na saidi mae momposuli apunyo, sawo-nyo na mompuhi, pokakanamo ahi' susumo kaunyo nu belerang na kobohosnyo.

NOMBILANGMO 24:24

Panyo lengkat mae i Siprus tokaje mae na sa'angu' na kapan anu mompahampateakon, aha mompatundu'mo Asyur ka' Heber, lapas aijo' suele kapan anu mompahampateakon aijo' tompumo ka' mohopu'mo na miannyo.”

YEHEZKIEL 27:23

Kota-kota' Haran, Kane, Eden, to pada-padagang anu lengkat mae i Syeba, kota-kota' Asyur tiba Kilmad, iwi-iwi' binadagangmo tiba beleyum.

NAHUM 1:14

Sumo uuka na putusan nu Tumpu mongkona bansa Asyur, “Aha madi'mo daagi ko tulunan anu mombolosakon bansanyo. To pato-patong nu pilogot anu daagi kiijo' i laigan ponsomban, Ku hansunimo. Polamunan bansa Asyur Ku toukaimo kalana aha madi'mo pantas na tumuu'!”

YESAYA 14:25

Aha mian nu Asyur anu jojoong i Israel lipu'-Ku aijo' Ku silakaimo ka' anu jojoong aita'mae ibungkutnyo anu Aku na tumpunyo, Ku pahampeja'akonmo. Aku mompobebasmo bansang-Ku da boli lewa' osakisa ka' lewa' obee'i pakalaja'an anu maboat opa-opakisakon nu aha mian Asyur hi aha.