YEHEZKIEL 32:2 - KITAB NU TUMPU ALLA LELE MA'IMAI'

² “O manusia anu madi' tumuu' batu, pokinde'i totu-totu'u na itomundo' Mesir. Potokakon na potuunon-Ku aiya hi ia, ‘Beleyum montihomo susumo singa anu daagi' bata'nyo aijo hi aha to bansa-bansa, panyo beleyum lebe montiho susumo bua' anu jojoong i uno nu uee. Tengke nu beleyum mompohibu ka' mongkotoni iwi-iwi' na kaunyo.

YEHEZKIEL 32:2 ပူးပေါင်းရင်းမြစ်များ

KAJADIAN 49:9

I Yehuda sumo singa anu daagi' bata'nyo; ia mompatei gampanyo binatang da nu kaan, lantas po'ule' minsusule' jojoong i liangnyo; ia uminyohatmo lantas lumukutmo, ka' madi' ko samian pe'e na baani mohenggo ia.

AYUB 41:23

Madi' ko anu madi' mahoson ikilitnyo madi' bisa mobeak kalana sumomo ahi' aja' na ko kuutnyo.

AYUB 7:12

Kadaka' aku aiya me saja' Nu palahatikan ka Nu jagai? Te aku aiya molokoimbu nu ambai anu timbali mosilakai?

AMSAL 25:26

Mian anu manonong anu ta aluk mo hi mian anu palaganta sumomo mata nu uee anu mohibu kabai bubung anu nahumimi'mo.

AMSAL 28:15

Mian anu ma'idek na kinyonyoanyo mongkuasai mian anu madi' ko apa-apaanyo. Sumomo singa anu molohu'mo kabai beruang anu mololoi'mo.

AMSAL 30:30

Singa binatang anu talalo hondo mahoson hi iwi-iwi' na binatang ka' madi mabuhuk maumo pa' apaa na itina',

YESAYA 27:1

Tempo'nyo aijo' Tumpu monggunakonmo bajak-Nyo anu ko aja'nyo ka' ma katajom hondo kalana kahanda'mo mohukum ulo anu lewa'mo nombialos kahanda'mo mombutu', ka' mule' kahanda'mo mompatei talenga'nyo nu ulo i ambai.

YESAYA 51:9

Tinjomo mae o, Tumpu, ka' tulungi mae na kami, posalamatakon mae na kami nu kuasa nu Belento, Tinjomo mae susumo naipuan mae tempo'nyo Belento nompohintutumo i Rahab ka' nonjalo'mo ulo daka-daka' nu ambai aijo' sampe inate.

YEREMIA 4:7

Sumomo ahi' singa anu nosabatmo lengkat mae ipinaninsulukannyo sumo aijo'mo mule' nambamo na anu sola' mohopu'i bansang-bansang anu tokamo mae kahanda' monsilakaimo Yehuda. Kota-kota' nu Yehuda singkapmo hansun jadimo tampat anu madi'mo nu jojoongi nu mian.

YEREMIA 46:7

Ihe na ia anu nosawe'mo susumo uee nu Kaunyo Nil, susumo kaunyo anu nongiaba'imo sinin na sonibinyo? Aijo'mo lipu' Mesir. Ia notatae, ‘Aku totinjomo ka' mongkuasaimo tano'. Ku hansunimo na kota iwi-iwi' tiba mian anu jojoong ikiijo'.

YEREMIA 9:18

Mian nu Yehuda notataemo, “Pokaumo na aha da sampamo monyanyiakon nyanyian anu onyanyi de ko anumo silaka, da kita iwi-iwi' mohongo, da lumelepmo mae na lolu'to mohumpisi gagisingto.”

YEHEZKIEL 26:17

Lapas aijo' aha monyanyimo anu bau ponyanyiakon belemiu de olamunmo sumo uuka: Ihansunmo na kota' anu saja' opuji'! Iwi-iwi' na kapannyo sinapuanmo madi'mo daagi' ko anu indalangon. Mian anu jojoong aijo' hi ia binalakuasamo i ambai kinabuhukmo nu to mia-mian anu jojoong isonibi nu ambai.

YEHEZKIEL 27:32

Lantas aha nanyanyimo sa'angu' na nyanyian anu onyanyi de ko anumo olamun. ‘O, Tirus ihe na anu moko ala mongkakanai beleyum? Tirus, kaiyongmo mae i ambai tempo uuka aiya imomo'mo.

YEHEZKIEL 28:12

“O manusia anu madi' tumuu' batu hangimo na i tomundo' Tirus. Poto'imo apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia, ‘Beleyum toho'mo tinimbali tanda nu kasukupan; naipuan mae beleyum pande hondo ka' ontinganan!

YEHEZKIEL 29:15

anu madi' hondo mahoson isongko-songko na dunia. Ku pojadi na belemiu madi' hondo mahoson sahingga belemiu madi' moko ala mompalentah bansa-bansa sangga'at kabai ko bubuun hi aha.

YEHEZKIEL 29:3

Tumpu Anu Matangkas na Kuasanyo nompokaumo mae aku da mompoto'i hi tomundo' Mesir potuunon sumo uuka, “Aku aiya sampobali' nu beleyum obuaa' daka-daka' hondo anu lewa' male' itotonga' nu kaunyo. Beleyum kinobubuunmo tukooyum beleyum na nombau ka' mule' tukooyum beleyumo na tumpunyo nu Kaunyo Nil aijo'.

YEHEZKIEL 32:16

Pokinde' anu makenseng hondo aiya saidi' mae timbalimo nyanyian anu onyanyi de ko anumo silaka. To bou-boune nu bansa-bansa sangga'at saidi' mae monyanyiakonje salaku tanda ko anumo sinilaka hi aha Mesir ka' iwi-iwi' na mian da'isan nu aha. Aku, Tumpu Anu Matangkas na Kuasanyo notataemo.”

YEHEZKIEL 32:18

“O manusia anu madi' tumuu' batu, haangmo kalana ko anumo sinilaka na aha mian da'isan nu Mesir. Pakatumo na aha da mambamo i dunia nu mian anu sinilakamo hingga-hinggat tiba lipu-lipu' sangga'at anu mahoson.

YEHEZKIEL 34:18

Anu atina' hi belemiu daagi' ko anu madi' ma'osa de ola mompomingkot hemput anu ma'ima' hondo, panyo mule' ahi' mompahampeja'akon hemput anu madi' nu otot nu aha! Aha monginum uee anu molino hondo lantas mongketok da mohibu na uee anu madi' nu inum nu aha!

YEHEZKIEL 38:13

Mian anu jojoong i Syeba tiba Dedan ka' mule' to pada-padagang isinin na kota' Spanyol mompokilawamo hi belemiu sumo uuka, ‘Pa' beleyum mompalentah suludadu nu beleyum ola da mongagoi ka' montololangi mosoni', salaka, potuu'on, tiba halata' ka' oboamo na aijo' iwi-iwi'?’ ”

NOMBILANGMO 24:9

Bansa aijo' sumomo singa lakinyo ka' singa behenyo, anu natidahapamo ka' nati lukutmo. Ihe na baani moliko ia? O amalakon da mian anu mombalakati beleyum obalakati, ka' mian anu mongkutuki beleyum okutuki.”

MATIUS 7:24

“Yoh, mian anu mohongo potataeng-Ku aiya, ka' montuluti, pokakana sumo mian pande anu mompotinjo laigannyo i bawo nu batu.