YEHEZKIEL 32:19 - KITAB NU TUMPU ALLA LELE MA'IMAI'

¹⁹ Poto'i hi aha, ‘Belemiu monsangka saba' belemiumo na anu talalo handa? Belemiu mintatau'mo i dunia nu mian anu sinilakamo, ka' opomale'mo hi aha to mia-mian anu madi' monsumbu' Tumpu.’

YEHEZKIEL 32:19 ပူးပေါင်းရင်းမြစ်များ

YEHEZKIEL 31:18

Kau' aijo' molambangakon i tomundo' Mesir tiba bansanyo. Madi' ko kau' anu kiijo' i uno nu Eden matangkas sumo aijo' ka' ma'ima'. Panyo uuka aiya susumo suele to kau-kau' i uno nu Eden, kau' aijo' mule' ahi' mintatau'mo mokaiyong i dunia nu mian anu sinilakamo ka' sihukmo tiba aha anu madi' monsumbu' Tumpu Allah ka' mule' tibamo aha anu sinilakamo i uno nu pahampatean. Aku, Tumpu Anu Matangkas na Kuasanyo notataemo.”

YEHEZKIEL 32:24

Elam suele kiijo' mae tiba kubulan nu to sulu-suludadunyo montikubi ia. Madi' pinai sunat, aha sinilakamo iwi-iwi' i uno nu pahampatean lantas nintatau'mo i dunia nu mian anu sinilakamo. Tempo'nyo daagi' tutuu' aha saja' mompolubat mae kabuhukan panyo uuka aiya aha sinilakamo ka' tionyo ahi' montanggung ambang hingga-hinggat tiba aha to mia-mian anu sinilakamo i uno nu pahampatean.

YEHEZKIEL 32:21

To tale-talenga' anu toto babaani ka' mule' aha to mia-mian nu Mesir anu nahampate nolabotmo mian nu Mesir tahahumo na kinolame'nyo i dunia nu mian anu sinilakamo. Aha nontaligalaimo sumo uuka, ‘To mia-mian anu madi' monsumbu' Tumpu Allah aijo' sinilakamo i uno nu pahampatean. Uuka aiya aha tinokamo mae i aiya ka' matimale'mo i aiya!’

YEHEZKIEL 31:2

“O manusia anu madi' tumuu' batu, poto'i na potuunon-Ku aiya hi tomundo' Mesir ka' hi iwi-iwi' na bansanyo: Memang totu'u daka' na kakuasa'an nu beleyum! Madi' ko anu moko ala mongkakanai beleyum!

YEHEZKIEL 28:10

Beleyum saidi' mae matemo susumo mian anu madi' ko angga'nyo kalana pinatean nu aha anu isalipu'an mae anu madi' monsumbu' Tumpu. Aku, Tumpu Anu Matangkas na Kuasanyo notataemo.”

1 SAMUEL 17:36

Aku nompateimo singa ka' beruang ka' mian nu Filistin anu bapilogot aijo' saidi' mae ku pokakanakonmo suele susumo binatang haha aijo', kalana ia baani na mompopo ambang suludadu nu Tumpu Allah anu tumuu'.

1 SAMUEL 17:26

Lantas notataemo na i Daud, “Baani hondo na mian nu Filistin anu bapilogot aijo' mongewa suludadu nu Tumpu Allah anu tumuu'!” Lapas aijo' pinokilawanyomo hi sala' samian na suludadu, “Apaa na anu nu bee'hi mian anu moko ala mompatei mian nu Filistin aijo', ka' da bau salaku pontong ambang nu aha Israel?”

YEHEZKIEL 32:26

Mesekh ka' i Tubal suele kiijo' mae tinikuban nu kubulan nu to sulu-suludadu nu aha. Madi pinai sunat, aha sinilakamo iwi-iwi' i uno nu pahampatean. Tempo'nyo daagi' tutuu' aha saja' mompolubat mae kabuhukan i dunia.