YEHEZKIEL 32:12 - KITAB NU TUMPU ALLA LELE MA'IMAI'

¹² To sulu-suludadu nu bansa-bansa anu talalo buhingison Ku palentahmo da mongkeatmo bajak nu aha da mompateimo iwi-iwi' na aha mian da'isan nu beleyum. Mian da'isan nu beleyum ka' iwi-iwi' apaa na anu nu kabubunakon hansunmo ingko-ingkot.

YEHEZKIEL 32:12 ပူးပေါင်းရင်းမြစ်များ

YEREMIA 46:12

Kantumuu'an nu belemiu anu moko ambang aijo' sinumbu'mo nu to bansa-bansa. Loboo' nu belemiu kinahongoanmo isongko-songko na dunia. Suludadu samian montumpakmo suludadu sangga'at; sahingga aha sama-sama tinombahangkangmo kulu-kulup itano'.

YEHEZKIEL 28:19

Beleyum madi'mo daagi' otoa sampe toka sidu-sidutu'. Iwi-iwi' na bansa anu monsumbu' beleyum tinolokengkengmo na nohongo beleyum ka' mule' nabuhukmo de monta'up nasip anu susumo aijo'.”

YEHEZKIEL 29:19

Mokonyo aijo' Aku Tumpu Anu Matangkas na Kuasanyo notataemo: Tano' nu Mesir Ku bee'mo hi Tomundo' Nebukadnezar. Ia montololangimo ka' mongagoimo ka' mule' mongatomo iwi-iwi' na kakaya'an nu Mesir salaku bau pontamboi suludadunyo.

YEHEZKIEL 30:11

I Nebukadnezar tiba suludadunyo anu madi' monsumbu' mongampuni tokamo mae mohansuni tano' aijo'. Nu tumbuhimo nu aha na Mesir nu bajak ka' mian anu silakamo motanatamo ilipu' aijo'.

YEHEZKIEL 31:11

Sahingga Aku madi'mo montalima ia ka' mombee'mo ia hi kakuasa'an anu lengkat mae isalipu'an, anu saidi' mae monsala ia sitimbang tiba palabuatannyo ma'i-ma'idek.

YEHEZKIEL 31:12

Suludadu anu lengkat mae isalipu'an anu madi' monsumbu' mongampuni na montaa' ia ka' mompojohok ia. Panga'nyo toto ise-ise' anu nopato'mo motanatamo isongko-songko na bungkutnyo ka' bangka'nyo ilipu' aijo'. Iwi-iwi' na bansang anu jojoong i patuunyo mambamo mompala'i ia.

YEHEZKIEL 32:18

“O manusia anu madi' tumuu' batu, haangmo kalana ko anumo sinilaka na aha mian da'isan nu Mesir. Pakatumo na aha da mambamo i dunia nu mian anu sinilakamo hingga-hinggat tiba lipu-lipu' sangga'at anu mahoson.