YEHEZKIEL 31:9 - KITAB NU TUMPU ALLA LELE MA'IMAI'

⁹ Akumo na nompojadi ia da natali' tiba to panga-panga'nyo anu toto manta-mantan ka' tambok na honnyo. Iwi-iwi' na kau' i uno nu taman nu Tumpu, madi' sanang na kinyonyoa hi ia.

YEHEZKIEL 31:9 ပူးပေါင်းရင်းမြစ်များ

KAJADIAN 13:10

I Lot nontanggalakon songko-songko, ka' tinoanyo iwi-iwi' na Bangka'nyo nu Yordan toka-toka i kota Zoar manjoo' na ueenyo, sumomo Taman nu Tumpu kabai sumomo tano' nu Mesir. (Sumomo aijo' na balu-balu'nyo u'utu mae ma'isa pe'e Tumpu nongidei to kota-kota nu Sodom ka' Gomora.)

KAJADIAN 26:14

Mian nu Filistin nongka'idekimo ia kalana ia ko posaihon manjoo', pahasan nu domba ka' sapi'.

KAJADIAN 37:11

To utu-utus tu'a i Yusuf nasakitmo na kinyonyoa nu aha hi ia, panyo tuumanyo saja'mo nompotutugakon ipion aijo'.

NOSABATMO 9:16

Panyo belemiu Ku pobee' tumuu' da timbali Ku potoa na kakuasa'an-Ku hi belemiu, sahingga sanggong-Ku talasanggo i songko-songko na dunia.

AMSAL 27:4

Tambuha' aijo' buhingison hondo ka mohansuni, panyo mongahopi mian minsihip ihe na moko tahan?

ANU MOMPOLELE POTATAE NU TUMPU 4:4

Ku sumbu' mule' saba' manusia nakekemo hondo na nokalaja ola kalana milu montoa hasin usaha nu anu mompaha ohani na laigannyo. Iwi-iwi' aijo' madi' kogunanyo ola susumo usaha mololoi' mombun.

YESAYA 51:3

O, Yerusalem, Aku mohase'mo beleyum, ka' iwi-iwi' na anu jojoong itampat nu belemiu anu ihansunmo. Sinin na padang tampat anu kinunmo, Kupotimbalimo taman, pokakana sumo Eden, taman-Ku anu molumba' Ikiijo' mian lame'mo ka' mule' bilahimo ka' lewa'mo manyanyi salaku bau pontalima kaseh.

YESAYA 55:12

Belemiu mompala'imo mae Babel ka' sanangmo hondo, ka' oboamo minsusule' ma'i-ma'ima'. Bungkutnyo ka' puge'nyo lame'mo ka' montatigalaimo to kau-kau' aijo' i ale' nohapa'imo lima.

YEHEZKIEL 16:14

Iwi-iwi na bansa mompuji' beleyum kalana talalo handa hondo, ka' Akumo na nompojadi beleyum sahingga ihanda. Aku Tumpu Anu Matangkas na Kuasanyo notataemo.

YEHEZKIEL 17:22

Sumo uuka na anu pinoto'imo nu Tumpu Anu Matangkas na Kuasanyo “I kau' lontio' tangka-tangkas aijo' Ku pato'mo na londiknyo lantas Ku pato'akonmo na sampanga' anu ma'isa motu'a; Panga'nyo Ku su'anmo i bungkutnyo anu matunjo mokiita' i kundom.

YEHEZKIEL 17:24

Iwi-iwi' na kau' anu daagi' ilipu' nu mian saidi' mae mangalati'je taalu' Akumo ahi' na Tumpu. Kau' anu matangkas Ku taa'mo; kau' anu hede' Ku potumuu'mo da matangkas hondo. Kau' anu tumuu' molunou Ku pomanggasmo hondo-hondo; ka' mule' kau' anu nanggasmo Ku potumuu'imo sumpenyo ka' bunganyo. Aku, Tumpu, notataemo, iwi-iwi' na potataeng-Ku saidi' mae tionyo ahi' jadi.”

YEHEZKIEL 28:13

Tampat kajojoongan nu beleyum i Eden taman nu Tumpu. Pakean nu beleyum binunga-bungan nu ngangahan na mainan; batu dalima tiba intan, topas, batu pirus, batu yakut, ratna, cempaka, batu nilam, zamrud, tiba batu alkali anu momea'. Palahiasan mosoni' nu beleyum suele ahi' manjoo'. Balang haha aijo' binaumo ka' binee' hi beleyum tempo'nyo beleyum pinojadimo.

YEHEZKIEL 31:16

De kau' aijo' Ku tau'akonmo i dunia nu mian anu sinilakamo, lintupnyo nu ia manabu' mompojadimo mabuhuk to bansa-bansa. Iwi-iwi' na kau' i uno nu Eden ka' to kau-kau' anu toto ima-ima' anu daagi' i Libanon anu nohumpakmo nolabi-labi na uee ka' anu nintatau'mo i dunia anu kaiyong mae hondo i aluknyo sanangmo kalana nanabu'mo na kau' aijo'.

YEHEZKIEL 31:18

Kau' aijo' molambangakon i tomundo' Mesir tiba bansanyo. Madi' ko kau' anu kiijo' i uno nu Eden matangkas sumo aijo' ka' ma'ima'. Panyo uuka aiya susumo suele to kau-kau' i uno nu Eden, kau' aijo' mule' ahi' mintatau'mo mokaiyong i dunia nu mian anu sinilakamo ka' sihukmo tiba aha anu madi' monsumbu' Tumpu Allah ka' mule' tibamo aha anu sinilakamo i uno nu pahampatean. Aku, Tumpu Anu Matangkas na Kuasanyo notataemo.”

YEHEZKIEL 36:35

Sahingga iwi-iwi' na mian jadimo bangang kalana tano' anu u'utu mae kinunmo uuka aiya nongabali'mo tinimbalimo taman Eden, ka' mule' kota-kota' anu naipuan mae iliingmo hondo, ihansunmo ka' memo kinahansunanyo na aijo' uuka aiya jinadimo kota-kota' anu mahoson palatahanannyo ka' nanjoo'mo hondo na miannyo anu jojoong ikiijo'.

DANIEL 2:21

Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

ZAKHARIA 11:2

O, kau' daru tando'imo kalana notua'mo na kau' cemara iwi-iwi', kau' anu toto kukuut notua'mo. O, kau anu toto daka-daka' i Basan haangmo. Kalana alas anu toto ewa-ewa notoyo'mo.

1 SAMUEL 18:15

Salatan tinoa i Saul taalu' i Daud saja'mo mingkaliangan na anu nu bau nompaka pabuhukmo na i Saul hi Daud.