YEHEZKIEL 30:9 - KITAB NU TUMPU ALLA LELE MA'IMAI'

⁹ De sinaa aijo' tokamo mae ka' Mesir hansunmo, Ku saimo na mian osake' ikapan da mompotolokengkeng aha mian nu Sudan anu madi' ko sangka'an ko sampobali mae toka, sahingga aha mabuhukmo hondo. Memang totu'u sinaa aijo' tokamo mae!”

YEHEZKIEL 30:9 ပူးပေါင်းရင်းမြစ်များ

YESAYA 19:17

Tano' nu aha Yehuda mompokalangkabutmo aha mian nu Mesir de aha tolo inau'mo ikaputusan nu Tumpu Anu Daka' na Kuasanyo mongkona aha.

YESAYA 20:3

Salatan kota' Asdod tinikumo, Tumpu notataemo, “Posaihon-Ku Yesaya totolu'mo nataun na ilanggo ka' mule' madi' nisapatu. Aijo'mo na salaku tanda apaa na anu saidi' mae jadi hi aha Mesir tiba hi aha Sudan.

YESAYA 20:5

Aha to mia-mian anu montakabunakon Sudan ka' mule' mombuulakon Mesir hentemo na mogogia' ka' madi'mo daagi ko anu nu taha'imani nu aha.

YESAYA 23:5

Ka' mule' aha mian nu Mesir tolokengkengmo ka' mabuhukmo de mohongomo Tirus ihansunanmo.

YESAYA 47:8

Kalana aijo' potombihing mae na Aku, o, beleyum anu mongka'ima'i molio kasanangan! Pa' koonyo nu beleyum, kantumuu'an nu beleyum madi'mo ko anu mompoposia, ka' madi'mo ko anu pokakana susumo beleyum. Pa' koonyo nu beleyum, beleyum madi' mule' timbali balu, ka' kantumuu'an nu beleyum madi' mule' silaka.

YEREMIA 49:21

De maluanyo Edom matundu'mo na kahengge'an anu daka' hondo sahingga songko-songko na dunia kalangkabutmo; tando' nu mian anu jojoong ikiijo' kahongoanmo toka-toka i Ambai Gelaga.

YEREMIA 49:31

‘Donganmo lambani! Imbo' otumbuhintomo na to mia-mian anu mongoa'i aman ka'madi' ko anu mompoposia. Kota' nu aha madi' ko anu mongompo kalana madi' ko tumbannyo anu daka' ka' mule' madi' ko supatnyo.’ ”

YEHEZKIEL 24:14

Aku, Tumpu Anu Matangkas na Kuasanyo notataemo. Tinokamo na tempo'nyo na Aku mohukumo. Madi' Ku kolilimi' na dosa' nu beleyum ka' madi'mo daagi' mongampuni kabai mongkalibosi beleyum. Beleyum ohukumo sitimbang tiba palabuatan nu beleyum iwi-iwi'. Aku, Tumpu Anu Matangkas na Kuasanyo notataemo.”

YEHEZKIEL 26:16

Montoa uki' nu beleyum anu sinumo atina'mo, sahingga to tomu-tomundo' nu bansa-bansa anu isonibi nu ambai tuminjomo madi'mo sumuhang i tahtanyo ka' nu ukatmo nu aha na baju' pesalin tiba baju' nu aha anu sinujian, lantas sumuhangmo panyo nu lakatmo aijo' itano'. Aha mabuhukmo ahi' hondo sahingga madi'mo tenda na nu oa'i nu aha.

YEHEZKIEL 27:35

Iwi-iwi' na mian anu jojoong isonibi nu amabai ilakatnyomo na nohongo uki' nu beleyum. To tomu-tomundo' nu aha suele ahi' nabuhukmo; tinoamo i ohup nu aha na salaku tanda aha nabuhukmo.

YEHEZKIEL 33:33

Iwiiwi' na anu nu taloakon nu beleyum atina' saidi' mae tionyo ahi' jadi, ka' de tempo'nyo aijo' tokamo mae nu sumbu'je nu aha taalu' daagi' toho' kino nabi tinoka aijo' hi aha.”

YEHEZKIEL 38:11

Beleyum montantukanmo montumbuhi lipu' anu madi' ko bentengnyo aijo', anu miannyo ikiijo' tumuu' madi' koanu mompoposia ka' ma'ima' isinin na kota' anu madi' ko pagannyo mesen ka' mule' anu madi' ko posadiaon bau pahampate.

YEHEZKIEL 39:6

Ku potokamo mae na apu da mompapu tano' nu Magog tiba isinin na sonibi nu bone anu ko miannyo monjojoongi ka' tumuu' madi' ko anu mompoposia. Sahingga nu sumbu'je nu aha iwi-iwi' taalu' Akumo ahi' na Tumpu.

AMOS 4:2

Aku na Tumpu Anu Matangkas na Kuasanyo, ka' Tumpu anu susi' Aku binajanji'mo saba' belemiu nu konamo nu peka; belemiu iwi-iwi' sumomo ikan anu kinaitmo nu peka.

HABAKUK 2:3

Tulis na aijo' kalana uuka aiya misa' pe'e tempo'nyo. Panyo tempo'nyo aijo' malia'mo mae toka ka' apaa na anu pinoto'ing-Kumo hi beleyum aijo' totu-totu'u tionyo jadi. Maumo aijo' o oa'i daagi pin, panyo tanda'imo! Tempo'nyo aijo' memang ahi' tokamo ka' madi'mo daagi opo edok.

ZEFANYA 2:12

Ka' suele mian anu jojoong i Sudan obee'imo hukuman silaka nu Tumpu.

ZEFANYA 2:15

Sumo aijo' na anu jadi saidi' mae i kota' aijo' anu talalomo hondo lame' ka' mongoa'i butongnyo madi' ko anu mompoposia. Mian anu jojoong ikiijo' monsangka au' aitu kota' nu aha aijo' kota'mo anu talalo hondo daka' i dunia aiya! Liingmo hondo na daerah aijo' madi'mo ko miannyo anu monjojoongi me to bina-binatang nu alas na mimpeta ikiijo'! Batu-batu mian anu motulu ikota' aijo' tolokengkeng ka' mongoaimo mabuhuk.

1 TESALONIKA 5:2

Kalana posi komiu monsumbu'mo totu-totu'u te Sinaa Katokaan nu Tumpu aijo', toka sumo anu buling toka pihi.

TO MIA-MIAN KOPIAN 18:7

Lapas aijo' nambamo na aha olima' aijo' nokiijo' i Lais. Ikiijo' mae aha lewa'mo nompalahatikan miannyo. Lantas sinumbu'mo nu aha na kantumuu'an nu anu jojoong i Lais aijo' sumomo kantumuu'an nu bansa Sidon. Maumo aha madi'mo nogalum ka' najo'onmo lengkat hi bansa Sidon, aha tumuu' madi' ko anu mompoposia, madi' ko anu monsampobali', bilahi, ka' madi' ko kakulangan apa-apaa.”