YEHEZKIEL 30:8 - KITAB NU TUMPU ALLA LELE MA'IMAI'

⁸ De Ku papuimo na lipu' nu Mesir ka' mompateimo iwi-iwi' na anu sinangaja'mo tiba ia nu sumbu'je nu aha taalu' Akumo ahi' na Tumpu.

YEHEZKIEL 30:8 ပူးပေါင်းရင်းမြစ်များ

MAZMUR 46:10

Ia nompobelentimo pahampatean isongko-songko na dunia aiya, pelet tiba talombo' ihansunan-Nyomo, kanta toto timpo-timpodon pinapuannyo-Mo,

MAZMUR 58:11

Montoa mian anu ma'idek na kinyonyoanyo i hukumo, mian anu hodi' na kinyonyoanyo i lame'mo, ka' mombaso'imo tengkenyo i baso' nu mian anu palaganta.

YESAYA 42:25

Sahingga binau-Nyomo nakita da nonta'up tambuha'-Nyo anu taha-tahahumo, ka' nongoa'imo kasansala'an kalana talalomo ahi' na lewa' nahampate. Tambuha'-Nyo nontoyo'imo Israel susumo apu, panyo kita madi' ahi' sininsumbu', ka' madi' binalagulu' ihan anu ingoa'antomo.

MOHAANGI 4:11

Tumpu nompopiamo kapusan-Nyo ka' nompapuimo kota' Sion sampe i lata tiba tano'.

YEHEZKIEL 22:31

Kalana aijo' uuka aiya Ku potudunmo na tambuha'-Ku hi aha, ka' susumo apu Ku toyo'imo na aha kalana iwi-iwi' na palabuatan nu aha Aku, Tumpu Anu Matangkas na Kuasanyo notataemo.”

YEHEZKIEL 28:24

Tumpu notatae, “Iwi-iwi na lipu' anu mompaha ohani anu madi' toho' nompopo ise' Israel madi'mo daagi' sumo unok tiba hii' anu monsakiti Israel. Aha mangalati'mo taalu' Akumo ahi' na Tumpu Anu Matangkas na Kuasanyo.”

YEHEZKIEL 28:26

Aha tumuu' madi'mo ko anu sola' mompoposia ikiijo' ka' mombaumo laigan, ka' mule' mombaumo ale' nu anggur. Ku hukumo na aha iwi-iwi' anu mompaha ohani tina aha sola-sola'mo nompopo ise' aha sahingga Israel jadimo sanang madi'mo ko anu sola' mompoposia. Sahingga nu sumbu'je nu aha taalu' Akumo ahi' na Tumpu nu aha.”

YEHEZKIEL 29:16

Israel madi'mo momoita da otulungi nu belemiu. Uki' nu belemiu o bansa Mesir salaku mompotuka Israel da sinsumbu' taalu' sala' ahi' na talalo nontakabunakon Mesir susumo anu toho'mo binaunyo. Sahingga nu sumbu'je nu Israel taalu' Akumo ahi' na Tumpu Anu Matangkas na Kuasanyo.”

YEHEZKIEL 29:6

Sahingga nu sumbu'je nu aha mian daisan nu aha Mesir taalu' Akumo ahi' na Tumpu.” Tumpu notatae, “O bansa Mesir! Aha mian nu Israel montaha'imani tulungan mae nu beleyum, panyo beleyum ola mule' ahi' susumo tokon anu madi' mahoson.

YEHEZKIEL 29:9

Mesir timbalimo tano' anu liingmo hondo. Sahingga nu sumbu'je nu belemiu taalu' Akumo ahi' na Tumpu.” Tumpu notatae, “O tomundo' nu Mesir! Kalana beleyum nontaloakonmo tukooyum Kaunyo nu Nil aijo' beleyum na tumpunyo ka' mule' tukooyum beleyum na nombau,

YEHEZKIEL 30:14

Songko-songko na Mesir sasu salatan Ku pojadimo liing hondo ka' mule' kota' Soan anu sasu utara Ku papumo,

YEHEZKIEL 30:16

ka' kota' aijo' mongoa'imo kasansala'an. Memang totu'u Ku papumo na Mesir. Iwi-iwi na pagan mesen nu kota' Tebe mohobo'mo ka' mule' kota' aijo' nu anjuhakonmo nu iaba'.

YEHEZKIEL 39:6

Ku potokamo mae na apu da mompapu tano' nu Magog tiba isinin na sonibi nu bone anu ko miannyo monjojoongi ka' tumuu' madi' ko anu mompoposia. Sahingga nu sumbu'je nu aha iwi-iwi' taalu' Akumo ahi' na Tumpu.

AMOS 1:10

Kalana aijo' Aku mombee'imo apu mokiijo' i to paga-pagan mesen nu Tirus ka' nompapuimo to bente-bentengnyo.”

AMOS 1:12

Kalana aijo', Aku mombee'imo apu mokiijo' i kota' Teman, ka' nompapui to bente-bentengnyo nu Bozra.”

AMOS 1:14

Kalana aijo', Aku nombee'imo apu i to paga-pagan mesen i kota' Raba ka' nompapui to bente-bentengnyo. Tempo'nyo aijo' ahamo na hengge nu pahampatean, ka' pahampatean aijo' sumomo antong.

AMOS 1:4

kalana aijo' Aku mombee'imo apu mokiijo' i laigan nu Tomundo Hazael ka' mompapuimo to bente-benteng nu Tomundo Benhadad.

AMOS 1:7

Kalana aijo' Aku mombee'imo apu mokiijo' i to paga-pagan mesen nu Gaza, ka' nompapuimo to bente-bentengnyo.

AMOS 2:2

Kalana aijo' Aku nombee'imo apu nokiijo' i lipu' nu Moab ka' nompapuimo to bente-benteng nu Keriot. Mian nu Moab silakamo i totonga' nu kahengge'an nu pahampatean, hau-haunyo tolompet opo'onyi'mo ka' loboo' nu pahampatean ingaisakonmo.

AMOS 2:5

Kalana aijo', Aku mombee'imo apu mokiijo' i Yehuda ka' mompapuimo to bente-benteng nu Yerusalem.”

PO'ULE' INGULIT 32:22

Aku motambuha' sumomo apu na ko moaknyo anu montoyo'i toka-toka i dunia tampat nu mian anu natemo. Apu aijo' montoyo'imo dunia iwi-iwi' ka' isinyo, ka' to bungku-bungkutnyo toka-toka i bakatnyo.