YEHEZKIEL 30:4 - KITAB NU TUMPU ALLA LELE MA'IMAI'

⁴ Balaa' anu daka' hondo montuda'mo mae Sudan. Kiijo' i Mesir ko anumo mahampate. Anu silaka singkapmo manimbandang; songko-songko na lipu' otololangimo ka' ohansunimo.

YEHEZKIEL 30:4 ပူးပေါင်းရင်းမြစ်များ

YESAYA 16:7

Kalana aijo' bakas da bansa Moab mompaha hahangimo. Bakas da aha tonginau' ikaanon anu to tami-tami bia-biasa nu kaan nu aha ikota' Kir-Hareset. Bakas da aha hentemo na montutugi apa-apaa ka' sola' nu bapisala.

YESAYA 18:1

Lengkat mae i sa'angu' na lipu' isantoa nu kaunyo haha kiijo' i Sudan ihongomo na onyi' nu sipuyu.

YESAYA 19:2

Tumpu notataemo, “Aku mompojadimo pahampatean utus mongewa utusnyo i Mesir: Anu mompaha ohani laigan mompaha ewa-ewamo kota' mongewamo kota', kalaja'an mongewamo kalaja'an.

YESAYA 20:3

Salatan kota' Asdod tinikumo, Tumpu notataemo, “Posaihon-Ku Yesaya totolu'mo nataun na ilanggo ka' mule' madi' nisapatu. Aijo'mo na salaku tanda apaa na anu saidi' mae jadi hi aha Mesir tiba hi aha Sudan.

YEREMIA 46:9

Popadeka'mo o to aja-ajahan! Bagalagimo o to kare-kareta! Donganmo mamba o to sulu-suludadu anu montoongi kanta lengkat mae i Sudan tiba Libia. Ka' suele belemiu o to mia-mian anu toto pande-pande na mompana' lengkat mae ilipu' Lidia.’ ”

YEREMIA 50:15

Aisakonmo na ais nu pahampatean aijo' titikup ikota' aijo'! Uuka aiya Babel madi'mo daagi' noko ala nombau apa-apaa. Sinin na pagannyo mesen singkapmo biniha-biha' ka' ihobo'akon. Aku nombalosakonmo palabuatan nu Babel. Kalana aijo' baumo na aha susumo aha lewa'mo nombau mian sangga'at.

YEHEZKIEL 28:23

Ku potokamo mae na panyakit anu molele ka' mompojohokmo baso' mo ili atina' i iwi-iwi na jalan nu beleyum. Beleyum nu tumbuhimo nu sampobali' isongko-songko na tampat ka' miannyo anu jojoong itina' opateimo. Sahingga nu sumbu'je nu beleyum taalu' Akumo ahi' na Tumpu.’ ”

YEHEZKIEL 29:12

Ku pojadimo na Mesir liingmo hondo sahingga mau lipu' sangga'at liing panyo iamo ahi' na lebe liing hondo. Patompulu' na taun na kota-kota' nu Mesir salaku anu ihansunmo nu lingkudui na kahansunan nu kota' sangga'at maumo pa' iyaya mae. Bansa Mesir Ku pojadimo mian anu nopalaimo. Aha mobagi-bagimo mamba i iwi-iwi na lipu' ka' jojoongmo hi aha bansa sangga'at.”

YEHEZKIEL 29:19

Mokonyo aijo' Aku Tumpu Anu Matangkas na Kuasanyo notataemo: Tano' nu Mesir Ku bee'mo hi Tomundo' Nebukadnezar. Ia montololangimo ka' mongagoimo ka' mule' mongatomo iwi-iwi' na kakaya'an nu Mesir salaku bau pontamboi suludadunyo.

YEHEZKIEL 29:8

Mokonyo aijo' Aku, Tumpu Anu Matangkas na Kuasanyo mompoto'i hi beleyum tukoong-Ku, Aku monsaimo suludadu da montumbuhi beleyum nu bajak ka' mompateimo miannyo tiba potuu'on nu beleyum.

YEHEZKIEL 38:5

I tomundo' sinangaluan nu to sulu-suludadu nu aha Persia, Sudan tiba Libia, toto samian nomboa bajak tiba songko anu ko aja'nyo.

DANIEL 11:43

Nu pahuhuakonmo na halata' nu Mesir sumo mosoni', salaka, tiba halata' sangga'at anu mahan na olinyo. Ia saidi' mae nu bantumo nu aha mian nu Libia ka' mule' mian nu aha Sudan.

ZEFANYA 2:12

Ka' suele mian anu jojoong i Sudan obee'imo hukuman silaka nu Tumpu.