YEHEZKIEL 3:4 - KITAB NU TUMPU ALLA LELE MA'IMAI'

⁴ Tumpu notatae mule', “O, manusia anu madi' tumuu' batu, lako'mo mamba hi aha mian nu Israel ka' potokakonmo na potuunon-Ku aiya iwi-iwi' hi aha.

YEHEZKIEL 3:4 ပူးပေါင်းရင်းမြစ်များ

YEHEZKIEL 11:25

Lantas sinisikkumo hi aha mian anu binoa ka' pinojoongmo kiijo' mae iwi-iwi' na anu pinotoa'mo nu Tumpu hi belengku.

YEHEZKIEL 2:3

“O, manusia anu madi' tumuu' batu, beleyum Ku saimo mamba hi aha mian nu Israel anu notomuhukmo madi'mo montuluti mae Aku. Aha aijo saja' ahi' motomuhuk madi' sala' susumo ahi' mompolee' mae nu aha.

YEHEZKIEL 2:4

Aha panggaga hondo ka' mule' madi'mo mae moholomati Aku. Beleyum Ku saimo mamba hi aha da mompotokakon apaa na anu kahanda' Ku poto'i aiya, Aku, Tumpu Anu matangkas na Kuasanyo mompoto'i hi aha,

YEHEZKIEL 2:7

Poto'i ahi' iwi-iwi' na potuunon-Ku hi aha pa' nu hongo nu aha kabai madi'. Boli okolilimi saba' aha aijo' mian anu saja' motomuhuk.

YEHEZKIEL 20:27

Jadi o, manusia anu madi' tumuu' batu, poto'i hi aha mian nu Israel apaa na anu pinoto'ing-Kumo hi aha, Aku, Tumpu Anu Matangkas na Kuasanyo; Aiya na sonto' sangga'at anu momponyata' mosia na mompolee' nu belemiu sola'mo mae nongalu Aku ka' madi'mo nontuluti Aku.

YEHEZKIEL 3:11

Lako'mo mamba hi aha bansang nu beleyum anu binoamo ka' pinojoongmo kiijo' mae ka' potokakon apaa na anu Ku poto'i, Aku, Tumpu Anu Matangkas na Kuasanyo poto'i hi aha pa' nu hongo nu aha kabai na madi'.”

YEHEZKIEL 3:3

Ia notatae, “O, manusia anu madi' tumuu' batu, kaanmo! Isiimo na kompong nu beleyum nu kitab anu ilulunmo aiya.” Lantas kitab aijo' kinaankumo ka' nyamitnyo matami' matami' hondo sumomo ahi' juu' nu uani'.

YEHEZKIEL 3:5

Hi aha na ponsaihan-Ku beleyum, misa' hi aha anu basa' nu aha madi' osumbu' aijo'mo mian anu lengkat mae isalipu'an ka' madi' nu pangalati'i nu beleyum. De maluanyo beleyum Ku sai hi bansa anu susumo aijo' tantu aha mohongomo potatae nu beleyum.

MATIUS 15:24

I Yesus nontaami, “Aku sinai ola ahi' mamba hi bansa Israel, posi hi aha anu sala' na jalan.”

SISIKON NU TO RASUL-RASUL 1:8

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”