YEHEZKIEL 3:26 - KITAB NU TUMPU ALLA LELE MA'IMAI'

²⁶ Ku pojadimo na jila' nu beleyum madi'mo moko ala mongkohenggo sahingga beleyum madi'mo moko ala mompokinde'i bansa anu saja' motomuhuk aiya.

YEHEZKIEL 3:26 ပူးပေါင်းရင်းမြစ်များ

MAZMUR 137:6

Bakas da aku madi'mo daagi' timbali manyanyi de aku mongkolilimimo beleyum ka' misa'mo beleyum na anu ku kalame'akon!

MAZMUR 51:15

Sahingga ku ajanakonmo na palentah nu Belento hi mian anu baladosa', da aha po ule'mo minsusule' hi Belento.

YESAYA 1:2

Potombihing pe'e mae langit, palahatikan pe'e mae tano'! Tumpu notatae, “To ana-anak anu kinale sangkumo notomuhukmo hi beleng-Ku.

YEREMIA 1:17

Balasadiamo, Yeremia! Lako'mo ka' poto'imo hi aha, iwi-iwi' na anu pinalentahkon-Kumo hi beleyum. Boli mabuhuk hi aha da beleyum boli mule' Ku pojadi lebe mabuhuk de mompaha ahopmo tiba aha.

MOHAANGI 2:9

Sabatan anu toto daka-daka' singkapmo tinabuhan nu tano'; iwi-iwi' nasupatnyo nopato'mo; tomundo' tiba pagawe nu pamalentah kiijo'mo mae ipinomboan aha. Atulan nu Tumpu madi'mo daagi ingajanakon; nabi madi'mo daagi nontoa anu nu potoa nu Tumpu.

YEHEZKIEL 12:2

“O, manusia anu madi' tumuu' batu, beleyum jinojoongmo hi aha mian anu saja' motomuhuk. Aha ko mata, panyo madi' montoa, ko bihing panyo madi' mohongo, kalana aha mongka'ima' i saja' motomuhuk.

YEHEZKIEL 12:3

Kalana aijo' o, manusia anu madi' tumuu' batu. Bau na uuka, panyo obau sinaa potouka na bala-balang nu beleyum ka' obaluni isa'angu' na balunan susumo anu saja' nu bau nu aha anu oboamo ka' opojoongmo ilipu' sangga'at. Ka' ma'isa pe'e pihi pala'imo na laigan nu beleyum panyo boli ahi' matikohowini hi mian susumo ahi' mian anu oboamo itampat pompojoongan. Bolo'i na pimpi' nu laigan nu beleyum panyo nu toa ahi' nu mian anu sasaja' motomuhuk haha aijo', ka' boamo na balunan anu ko isinyo nu balang nu beleyum ka' posabatmo montulu bolo' ai-aijo'. Ka' simbumo na balunan atina ibekoang nu beleyum. Ka' lambamo panyo pihije ahi'; kukubi na mata nu beleyum sahingga madi' nu toa-toa na jalan anu nu tului. Pobakas da iwi-iwi' na bansa Israel montoa iwi-iwi' apaa na anu binaumo nu beleyum, da baumo salaku pokinde' hi aha. Da ihe na monsumbu' ugaat tiba jalan anu sumo aijo' aha mangalati'je taalu' aijo'mo aha na anu saja' motomuhuk.”

YEHEZKIEL 24:27

Toka isinaa aijo' beleyum suele moko alamo po ule' motatae ka' madi'mo momo'. Lantas beleyum motataemo hi mian aijo'. Sumo aijo'mo na beleyum timbali salaku tanda hi aha; sahingga nusumbu'je nu aha taalu' Akumo ahi' na Tumpu.”

YEHEZKIEL 33:22

Pihi-pihi ma'isa pe'e ia tinoka, ingoa'ankumo na kuasa nu Tumpu. Jadi salatan mian aijo' tinokamo mae hi belengku aku noko alamo notatae ka' madi'mo daagi' imomo'.

DANIEL 10:15

Tempo'nyo ia nontaloakon han aijo' aku sinaindukumo ka' madi'mo noko ala notatae.

HOSEA 4:17

Mian nu Israel talalomo hondo tinoongan nu pilogot. Kalana aijo' pojohokmo na aha.

HOSEA 4:4

Tumpu notatae, “O to imam-imam, bolimo ko anu mompisala'i kabai montambuha'i mian-Ku anu palesayamo, kalana belemiu ahi' anu Ku pisala'i!

AMOS 5:10

Belemiu mongka'ideki mian anu molawan mian anu madi' koka'adinan ka anu motatae madi' tageo' i uno nu pomputusian palakala.