YEHEZKIEL 3:20 - KITAB NU TUMPU ALLA LELE MA'IMAI'

²⁰ De samian na anu ma'ima' na gau'nyo montampu'unimo mombau dosa' ka' ia Ku posingkabotakonmo isa'angu' na balaa' saba' ia silakamo de beleyum madi' mompokinde'iakon. Ia silakamo kalana iwi-iwi na dosa'nyo ka' palabuatannyo anu toto ima-ima' madi'mo Ku inau'. Panyo ia silaka aijo' Ku tuntutmo hi beleyum.

YEHEZKIEL 3:20 ပူးပေါင်းရင်းမြစ်များ

2 TAWARIKH 24:2

Tempo'nyo i Imam Yoyada daagi' tutuu', i Yoas daagi' saja' nombau anu momposanang kinyonyoa nu Tumpu.

2 TAWARIKH 25:15

Anu binaunyomo aijo' nonsaduakonmo da Tumpu nontambuha'imo. Ia nonsaimo samian na nabi namba hi Amazia. Nabi aijo' notatae, “Kadaka' belento Tomundo nonsombahmo pilogot nu bansa sangga'at anu madi' moko ala momposalamat posi bansanyo da madi' opoko kuasai nu Belento Tomundo?”

MAZMUR 119:165

Mian anu mongka'ima'i atulan nu Belento madi' ko anu mompoposia ka' kinyonyoa madi' mangada', madi' ko anu moko ala mongewa' aha.

MAZMUR 125:5

Panyo mian anu tageo' na kinyonyoanyo sahanyo nu hukumo nu Tumpu hingga-hinggat tiba mian anu ma'idek na kinyonyoanyo. O' amalakon da mian anu palesayamo hi Belento mohumpak kantumuu'an ma'ima'!

MAZMUR 36:3

Ia monsangka butongnyo ihebatmo hondo, sahingga madi'mo nu oa'i na kasala'annyo ka' madi' ahi' nu ka'ideki na palabuatannyo.

AMSAL 25:12

Pokinde' nu mian pande hi mian anu ka'oho' mohongo, sumomo sinsing mosoni kabai lawe-lawenyo mosoni'.

YESAYA 64:6

Kami iwi-iwi' mian anu nahenyumo, ka' mule' palabuatan mami anu ma'ima' na'idekmo ka' kinotonmo. Kami mingkotmo kalana palabuatan mami anu na'idekmo susumo hon anu nagayoumo nu lahabakonmo nu mombun.

YESAYA 8:14

Kalana Aku susi' hondo, Aku baumo sabab batu tosumpunan nu aha mian da'isan Yehuda ka' Israel ka' timbalimo so'o anu mohakopmo mian anu jojoong i Yerusalem.

YEREMIA 34:16

To mia-mian anu toto tangka-tangkas na pangkatnyo ipamalentahan Yehuda tiba Yerusalem ka' mule' to pangkat-pangkat anu bakalaja ilaigan nu tomundo', ka' mule' to ima-imam, ka' mule' iw-iwi' na anu monjagai tano' nu belemiu nonsahkanmo palajanjian aijo' tinanda'an nongkolot sapi' kinolong ohua' ka' ilumajangmo i'olot nu kolongannyo ohu-ohua' aijo'. Panyo mamanga ahi' sinangalasanmo na pikilan nu belemiu ka' nongalumo mae Aku. To botu-botuan anu pininmo na pinobebas nu belemiu da tumuu'mo ahi' bebas montuluti posi pongka'oho' nu aha po ule'mo ingala nu belemiu ka' pinakisamo da po ule' timbali botuan. Kalana aijo' Aku, Tumpu mompoto'i saba' belemiu nolanggaimo palentah-ngKu ka' madi'mo nontuluti apa-apaa na anu tionyo ahi' obau aijo'mo belemiu madi'mo nompobebas sangko sangalu bansa nu belemiu aha Israel. Jadi uuka Ku bee'imo kabebasan na belemiu; kabebasan da silakamo i uno nu pahampatean kabai silakamo nu panyakit anu molele kabai kalana kasusa'anmo i anu okaan. Ku baumo na belemiu susumo belemiu nombaumo sapi' anu kikinolotmo nu belemiu. Ku pojadimo da mabuhuk na bansa iwi-iwi' idunia aiya na montoa apaa na anu binaung-Kumo hi belemiu.

YEREMIA 6:21

Ku potosumpunmo na mian haha aiya da tosumpun ka' tombahangkangmo. Tuuma tiba anak, sangalu tiba sampo ohani laigan iwi-iwi' aijo' silakamo.”

YEHEZKIEL 14:3

“O, manusia anu madi' tumuu' batu, mian haha aiya nompopalesayamo butong nu aha hi pilogot sahingga aha nanabu'mo i dosa'. Te toho' mule' Aku pompokilawan mae nu aha?

YEHEZKIEL 18:24

Panyo de mian anu manonong madi'mo daagi' mombau palabuatan anu ma'ima' ka' mule' mombaumo palabuatan mule' anu ma'idek ka' iwi-iwi' na palabuatannyo okahegati susumo anu saja' obau nu mian anu ma'idek na kinyonyoanyo, te ia tataap mule' tumuu'? Tantu madi'! Palabuatannyo anu toto ima-ima' haha aijo' madi'mo daagi' ko sa'angu' na daagi' o'inau'. Ia silakamo kalana palabuatan dosa' ka' madi'mo nontuluti Aku.

YEHEZKIEL 18:26

De mian anu manonong madi'mo daagi' mombau palabuatan anu ma'ima', pakalaus mombau mule' ahi' palabuatan anu ma'idek, ia saidi' mae silakamo, kalana ia nombaumo palabuatan anu ma'idek.

YEHEZKIEL 3:18

De Ku poto'imo na samian anu ko palabuatannyo ma'idek tionyo ahi' opateimo, panyo beleyum madi' mompokinde'i ia da ia mombabali'i kalakuannyo, da ia salamat ahi' saba' ia silaka daagi' ahi' susumo samian na anu baladosa' ka' montanggungi ia sinilaka aijo', otuntut hi beleyum.

YEHEZKIEL 33:18

Po ule' pe'e minsan aiya na Ku poto'i taalu' de mian anu ma'ima' na kinyonyoanyo mombaumo palabuatan anu ma'idek, ia silakamo kalana nu saduakon nu aijo'.

YEHEZKIEL 33:6

Panyo de ponjagai aijo' montoamo mae sampobali' toka ka' ia madi' mompo'onyi' tanda bahaya aijo' lantas sampobali' mompateimo mian haha aijo' anu baladosa', Ku tuntutmo hi ia ponjagai ai-aijo' na aha sinilaka aijo'.

YEHEZKIEL 7:19

Mosoni' tiba salaka nu alinmo nu aha ijalan susumo duhehe, kalana de tokamo na sinaanyo Tumpu mompotudunmo tambuha'-Nyo, mosoni' tiba salaka aijo' madi' moko ala momposalamat aha, pakalaus aijo'mo na nontua aha i uno nu dosa'. Aha madi'mo moko ala monggunakon aijo' da mompopuas napisu nu aha kabai bau pongisi kompong nu aha.

DANIEL 9:18

Potombihingakon mae na kami, o, Tumpu, toa mae na kami ka' palahatikan mae na kasala'an mami tiba kota' mami anu nana idekmo tiba suele sanggo nu Belento. Kami binalado'amo hi Belento misa' kalana kami mian anu manonong panyo kalana Belento talalo ahi' hondo mongkalibosi.

IMAMAT 19:17

Boli lewa' mongingu mau mule' pa' ihe. Sampa baladame tiba maumo pa' ihe na mian anu nompaha sala'mo belemiu, da belemiu madi' baladosa' nusaduakon nu mian sangga'at.

ZEFANYA 1:6

Ku pateimo na aha anu madi' toka hi beleng-Ku kabai madi' momoita pangajalan-Ku, ka' mule' anu mompala'imo Aku ka' madi'mo daagi mongka'oho' mombatuki Aku.”

MATIUS 18:15

“De utusum baladosa' hi beleyum, lako' hi ia ka' opoto'i na kasala'annyo. Obau na aijo' hoko-hokot, ola posi komiu ua'aha. De ia mombatuki potataeum, saba' ko hasinnyo na beleyum po'ule' nohumpak utusum aijo'.

LUKAS 2:34

I Simeon nombalakati aha, ka' notatae hi Maria tina nu Anak aijo', “Anak aiya pinile'anmo nu Tumpu da mombahayai ka' momposalamat manjoo' na mian nu Israel. Ia timbalije tanda lengkat mae hi Tumpu, anu nugagakon nu mian da'isan,

LUKAS 8:15

Bine' anu nanabu' i tano' anu ma'omuk, sumomo mian anu mohongo lele aijo', lantas monguna' i kinyonyoa anu ma'ima' ka' hodi'. Aha moko ala sabaan sampe mohasinakon bua'.”

ROMA 11:9

I Daud notatae suele, “Bakas da bau-bauon nu aha timbali bau posi pohakop aha, ka' timbali bolo', tampat nu aha manabu' ka' mohopu'!

1 KORINTUS 1:23

Panyo kita aiya ola mompolele i Kristus anu sinilakamo sinalib. Lele aijo' momposumpu kinyonyoa nu mian Yahudi, ka' osangka palasuma nu to mia-mian misa' Yahudi. Ka' mian anu misa' Yahudi monsangka aijo' sa'angu' na kaponga'an.

PO'ULE' INGULIT 13:3

boli montapali mian aijo'. Tumpu Allah nu belemiu mompake mian aijo' kahanda' da monsobai belemiu kalana ko kahanda' montoa pa' totu-totu'u na belemiu mongkalibosi Tumpu totu-totu'u kabai madi'.

IBRANI 10:38

Ka' mian-Ku anu madi'mo ko sala'nyo palesayamo ka' tumuu'mo; panyo de daagi' ko anu aijo' hi aha na anu tolo sule', tantu Aku madi'mo sanang hi ia.”

IBRANI 13:17

Obatuki na palentah nu to pola-polaya' miu, ka' otuluti na aha. Kalana aha saja' mompalahatikan santuu' miu, ka' aha mule' saja' ahi' mompalahatikan mosia na pakalaja'an nu Tumpu anu binaumo nu aha. De komiu montuluti aha, sanang na kinyonyoa nu aha mokalaja; de madi', tantu aha mokalaja susa' na kinyonyoa, ka' aijo' madi' mompo'untung komiu.

1 PETRUS 2:8

ka' “Aijo'mo na batu anu nonsaduakonmo mian tinosumpun, batu anu nonsaduakonmo aha notua'.” Aha tinosumpun kalana aha madi' palesaya i potatae nu Tumpu Allah. Sumo aijo'mo na Tumpu nontantukanmo aha.

1 YOHANES 2:19

Anu monsampo Bali' i Kristus aijo', atina'mo to mia-mian anu nompala'imo kita, kalana aha memang misa' to mia-mian gampanto. De aha to mia-mian gampanto, tantu aha tataap hi kita. Panyo aha nompala'imo kita, da manasa saba' madi' ko samian pe'e anu aijo' hi aha na totu-totu'u tonsoop timbali gampanto.