YEHEZKIEL 3:19 - KITAB NU TUMPU ALLA LELE MA'IMAI'

¹⁹ De beleyum mompokinde'i ahi' mian anu ma'idek na palabuatannyo aijo' ka' ia madi' mongka'oho' montibahakon palabuatannyo ma'i-ma'idek aijo' ia silakamo susumo mian anu baladosa' panyo beleyum salamatmo.

YEHEZKIEL 3:19 ပူးပေါင်းရင်းမြစ်များ

AMSAL 29:1

Ihe na ola saja' monggagakon de opokinde'i, toka na tempo'nyo timbali hansun ka' madi' daagi' opoko ala opokopiani.

YEHEZKIEL 14:14

Maumo ahi' i Nuh, i Danel tiba i Ayub jojoong itampat aijo' saba' kanonongan nu kinyonyoa nu aha totolu' aijo' ola ahi' timbali momposalamat posi nyawa nu aha. Aku Tumpu Anu Matangkas na Kuasanyo notataemo.

YEHEZKIEL 14:20

Ka mau ahi' i Nuh, i Danel tiba i Ayub jojoong ikiijo' panyo atas sanggong-Ku, Tumpu anu tumuu', Tumpu Anu Matangkas na Kuasanyo aha madi' ahi' moko ala momposalamat maumo pa' ihe sadang posi anak nu aha suele madi'. Ola ahi' posi aha an salamat kalana kanonongan nu kinyonyoa nu aha.”

YEHEZKIEL 3:18

De Ku poto'imo na samian anu ko palabuatannyo ma'idek tionyo ahi' opateimo, panyo beleyum madi' mompokinde'i ia da ia mombabali'i kalakuannyo, da ia salamat ahi' saba' ia silaka daagi' ahi' susumo samian na anu baladosa' ka' montanggungi ia sinilaka aijo', otuntut hi beleyum.

YEHEZKIEL 3:21

De mian anu ma'ima' na kinyonyoanyo aijo' nu pokinde'i ahi' nu beleyum da madi'mo mombau dosa' ka' nu tulutimo na pokinde' nu beleyum saba' ia madi'mo ahi' Ku hukum ka' mule beleyum salamatmo.”

YEHEZKIEL 33:3

De ponjagai aijo' montoamo mae sampobali' toka ia mompo'onyi'mo salaku tanda ko bahayamo da iwi-iwi' na mian balasadiamo ahi'.

YEHEZKIEL 33:9

De nu pokinde'i ahi' nu beleyum na mian anu saja mombau palabuatan ma'idek ai-aijo' ka' ia madi' ahi' belenti na mombau palabuatan ma'idek ai-aijo', saba' ia silaka sumomo ahi' mian anu baladosa', panyo beleyum na salamat ahi'.”

SISIKON NU TO RASUL-RASUL 20:26

Mokonyo aitu totu-totu'u hondo na kutaeyakon hi komiu sinaa uuka aiya, saba' de daagi' ko anu atina' hi komiu silaka saidi' mae, atina' misa' sala'ku.

1 TESALONIKA 4:6

I uno nu han anu sumo aijo' boli ko samian na mombau kasala'an hi utusnyo kabai mongakali ia. U'utu mae kami nompo'ingatmo totu-totu'u hi komiu, kalana Tumpu mohukumo to mia-mian anu mombau kasala'an-kasala'an anu sumo aijo'.

1 TIMOTIUS 4:16

Ojagai na butongum ka' ojagai mule' na pangajalanum. Tionyo ahi' beleyum saja' mombau iwi-iwi' aijo', kalana tiba jalan anu sumo aijo' beleyum momposalamatmo mau posi butongum mau mule' to mia-mian anu mohongomo beleyum.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!