YEHEZKIEL 3:18 - KITAB NU TUMPU ALLA LELE MA'IMAI'

¹⁸ De Ku poto'imo na samian anu ko palabuatannyo ma'idek tionyo ahi' opateimo, panyo beleyum madi' mompokinde'i ia da ia mombabali'i kalakuannyo, da ia salamat ahi' saba' ia silaka daagi' ahi' susumo samian na anu baladosa' ka' montanggungi ia sinilaka aijo', otuntut hi beleyum.

YEHEZKIEL 3:18 ပူးပေါင်းရင်းမြစ်များ

KAJADIAN 2:17

Panyo kau' anu mombee'i ilimu' da monsumbu' han anu ma'ima' ka' han anu ma'idek boli. Bua'nyo madi' timbali beleyum mongkaan; de beleyum mongkaan, beleyum silakamo i sinaa aijo'.”

KAJADIAN 42:22

Notatae na i Ruben, “Te misa' u'utu mae tinaloakonkumo hi komiu da anak aijo' boli opoposia, panyo belemiu madi' mongka'oho' mohongo. Ka' uuka aiya ia sinilakamo jadi obalosakonmo hi kita.”

2 SAMUEL 4:11

Jadi lebe maboat mule' nahukumannyo anu ku nabu'akon hi mian anu nombaumo anu ma'idek kalana nompateimo mian anu madi' ko sala'nyo ka' anu hau-haunyo hoyo-hoyot i posi laigannyo! Uuka aiya ku balosakonmo hi belemiu kalana belemiu nompateimo ka' belemiu madi'mo tumuu' i dunia aiya!”

2 TOMU-TOMUNDO' 1:4

Poto'iakon hi tomundo' saba' Tumpu notataemo sumo uuka, ‘Beleyum madi'mo ma'alin, beleyum silakamo!’ ” Salatan pinoto'imo i Elia na palentah nu Tumpu aijo',

AMSAL 14:32

Mian anu ma'idek na kinyonyoanyo mohumpak kabinasa'an kalana palabuatannyo anu ma'idek; panyo mian anu manonong madi' opoposia kalana hodi' na kinyonyoanyo.

YESAYA 3:11

Panyo silakamo na mian anu ma'idek na kinyonyoanyo! Aha osakisamo susumo aha nonsakisamo mian sangga'at.

YEHEZKIEL 18:13

Ia momposaboli mian panyo mongala bunganyo Pa' mian anu sumo aijo' opotumuu'? Tantu madi'! Kalana ia nombaumo iwi-iwi' na palabuatan anu ma'idek ka' anu okahegati aijo' jadi ia tionyo silaka! Ia silaka kalana posi palabuatannyo ahi'.

YEHEZKIEL 18:20

Mian anu mombau dosa' ia ahi' na silaka. Anak na madi' ahi' tionyo montanggung hukuman anu binaumo nu tuumanyo na kasala'an, ka' suele tuuma madi' ahi montanggung hukuman kalana dosa' iwi-iwi' anu binaumo nu anaknyo. Mian anu manonong na mohumpak ahi' hukuman anu ma'ma' kalana palabuatannyo ma'ima'. Ka' mian anu palabuatannyo ma'idek na monta'up ahi' hukuman kalana palabuatannyo anu ma'i-ma'idek.

YEHEZKIEL 18:4

Nyawa nu mian Aku na tumpunyo, mau nyawa nu anu tu'anyomo kabai nyawa nu anaknyo. Mian anu baladosa' aijo' ahi' na silaka.

YEHEZKIEL 3:20

De samian na anu ma'ima' na gau'nyo montampu'unimo mombau dosa' ka' ia Ku posingkabotakonmo isa'angu' na balaa' saba' ia silakamo de beleyum madi' mompokinde'iakon. Ia silakamo kalana iwi-iwi na dosa'nyo ka' palabuatannyo anu toto ima-ima' madi'mo Ku inau'. Panyo ia silaka aijo' Ku tuntutmo hi beleyum.

YEHEZKIEL 33:12

Jadi manusia anu madi' tumuu' batu, poto'iakon hi aha mian nu Israel taalu' de mian anu ma'ima' na kinyonyoanyo mombaumo dosa', saba' kaimaannyo u'utu mae madi' moko ala montulungi ia. De mian anu palabuatannyo ma'idek madi'mo mombau dosa' ia madi'mo ohukum, ka' de mian anu ma'ima' na kinyonyoanyo mombaumo dosa' ia madi'mo oposalamat.

YEHEZKIEL 33:6

Panyo de ponjagai aijo' montoamo mae sampobali' toka ka' ia madi' mompo'onyi' tanda bahaya aijo' lantas sampobali' mompateimo mian haha aijo' anu baladosa', Ku tuntutmo hi ia ponjagai ai-aijo' na aha sinilaka aijo'.

YEHEZKIEL 34:10

Aku, Tumpu Anu Matangkas na Kuasanyo notataemo hi beleyum, taalu' Aku aiya sampobali' nu beleyum. Dombang-Ku haha atina' po ule'mo Ku ala, ka' madi'mo Ku poki kalesang hi beleyum; belemiu madi'mo daagi' Ku pobee' mompotutugakon apaa na posi kapentingan nu beleyum. Dombang-Ku haha atina' Ku posalamatmo sahingga aha madi'mo daagi' bau kaanon nu belemiu.’ ”

NOMBILANGMO 26:65

Pinoto'imo nu Tumpu tukoonyo aha iwi-iwi' tionyo ahi' silakamo i padang bola. Ka' memang aha sinilakamo iwi-iwi' me i Kaleb anak i Yefune tiba i Yosua anak i Nun, na anu daagi' tutuu'.

LUKAS 13:3

Totu-totu'unyo misa'! Panyo o inau': de komiu madi' balatobat i dosa-dosa' miu, komiu suele iwi-iwi' matemo sumo aha.

LUKAS 13:5

Totu-totu'u misa'! Daagi' minsan na kutaeakon: De komiu madi' balatobat i dosa-dosa' miu, komiu suele iwi-iwi' mate sumo aha.”

YOHANES 8:21

I Yesus notatae mule' hi aha, “Aku mambaje, ka' komiu molioje Aku, panyo komiu mateje i uno nu dosa' miu. I tampat kalambanan-Ku madi' opoko toka miu.”

YOHANES 8:24

Mokonyo aijo', Aku notatae hi komiu tukoong-Ku, komiu mateje i uno nu dosa-dosa' miu. Ka' memang mateje i uno nu dosa-dosa' miu, de madi' mompalesaya ‘Akumo na Ia, anu osa-osanggohi AKU DAAGI'.’ ”

SISIKON NU TO RASUL-RASUL 2:40

Sumo aitumo na i Petrus nompotalangakon hi aha. Ka' manjoo' na potatae sangga'at, suele pinoto'inyo hi aha da butong nu aha boli maninggalo' i bansa anu ma'idek aiya, anu nu hukumje nu Tumpu.

SISIKON NU TO RASUL-RASUL 3:19

Mokonyo aijo' to Utu-utus, balatobatmo i dosa-dosa' miu ka' pinsusule'mo mae hi Tumpu, da Ia mongalinakon dosa-dosa' miu.

1 TIMOTIUS 4:16

Ojagai na butongum ka' ojagai mule' na pangajalanum. Tionyo ahi' beleyum saja' mombau iwi-iwi' aijo', kalana tiba jalan anu sumo aijo' beleyum momposalamatmo mau posi butongum mau mule' to mia-mian anu mohongomo beleyum.

1 TIMOTIUS 5:22

Boli talalo malia' mombalakati toto samian kahanda' mompotantumo ia da o hangkatmo baumo salaku posaihon nu Tumpu. De mian sangga'at baladosa', boli maninggalo' i dosa' aijo'. Ojagai na butong miu da tataap susi'.

1 SAMUEL 8:9

Mokonyo aijo' popo ii'mo na poitaon nu aha; panyo pagala ahi' pokinde'i na aha ka' poto'i mosia na aha saidi'mae de nu palentahmo nu tomundo'.”