YEHEZKIEL 3:17 - KITAB NU TUMPU ALLA LELE MA'IMAI'

¹⁷ “O, manusia anu madi' tumuu' batu, beleyum Ku hangkatmo da monjagai bansa Israel. Potokakon na pokinde'-Ku anu Ku bee' hi aha sumo uuka,

YEHEZKIEL 3:17 ပူးပေါင်းရင်းမြစ်များ

2 TAWARIKH 19:10

De to sanga-sangalu nu belemiu anu lengkat mae i kota sangga'at mongkalak hi belemiu palakala nompatei mian, nolanggaimo atulan nu agama kabai atulan nu pamalentah, belemiu tionyo ahi' mompokinde'i aha. Tiba jalan anu sumo aijo', aha madi'mo mohumpak kasala'an hi Tumpu, ka' Tumpu madi'mo montambuha'i beleyum, sumo aitumo mule' hi aha. Sabole-bole obau na palentah aiya da belemiu madi' mohumpak kasala'an.

NYANYIAN ANU TALASANGGO 3:3

Aku siningkabotan nu anu moronda kota' ka' pinokilawangkumo; “Pa' belemiu nontoa anu ku una' ikinyonyoangku?”

NYANYIAN ANU TALASANGGO 5:7

Aku siningkabotanmo nu anu monjagai kota'; binobotanmo mae nu aha ka' nombelaimo mae aku, salendang ku pinakisamo ingala nu aha.

YESAYA 21:6

Lantas Tumpu notataemo hi belengku, “Lako pojoong samian na anu monjaga ka' palentah na ia da nu poto'i hi beleyum apaa na anu saidi' mae nutoa.

YESAYA 21:8

Lapas aijo' mian anu monjaga notatae, “O, Tuan, aku nonjagamo sansina-sinaa mau pihi mau sinaa.”

YESAYA 52:8

Hongo pe'e na ais kalana i lame'mo na anu topo jagai kota', aha lewa'mo nontaligalai hingga-hinggat! Kalana posi mata nu aha na nontoamo Tumpu poule'mo ninsusule'mo namba i Sion.

YESAYA 56:10

Koonyo nu Tumpu, “To pola-polaya' nu bansang-Ku atina'mo na to mia-mian anu mapisok! Aha madi' monsumbu' apa-apaa. Aha susumo dedeng anu momo' anu madi' mohu'akon panyo ola ahi' hoyot ka' mongipi. Sanang hondo na aha hoyot!

YESAYA 58:1

Tumpu notatae, “Poloboo'mo hoso-hoson! Poto'imo hi mian anu palesayamo hi beleng-Ku na ko dosa-dosa' nu aha.

YESAYA 62:6

Ipagan mesen nu Yerusalem ku pojoong na anu monjagai, sinaa tiba pihi aha madi' ola momohokot, panyo tionyo ahi' saja' mompoingat Tumpu, te palajanjian anu binau-Nyomo.

YEREMIA 1:7

Panyo tinaaman nu Tumpu, “Boli otaloakon beleyum daagi' anak. De Aku na monsai beleyum maumo pa' hihe na kalambanan, beleyum tionyo ahi' mamba ka' iwi-iwi' na anu Ku palentahkon tionyo ahi' nu poto'i nu beleyum hi aha.

YEREMIA 31:6

Memang totu'u tokaje mae na tempo'nyo to mia-mian anu monjaga kota' moloboo'akonje mokiita ibungkutnyo nu Efraim, ‘Imbo' kita mindakomo mokiita' i Sion, hi Tumpu Allah-nto'.’ ”

YEREMIA 6:10

Tinaamanku, “O Tumpu hihe na potataeanku, ka' ihe na anu ku pokinde'i? Aha panggaga hondo ka' madi' ka oho' mompalahatikan. Nu kokojoi nu aha ka' nu ka'ideki nu aha na potuunon nu Belento anu pinoto'ingkumo hi aha.

YEREMIA 6:17

Lantas Tumpu nompo uli-ulitmo nohangkat ponjaga-ponjaga da mompotuka'akon hi aha da mompotombihing salaku tanda tolompet. Panyo mian notataemo, “Kami madi' mongka'oho' mompotombihing.”

YEHEZKIEL 11:25

Lantas sinisikkumo hi aha mian anu binoa ka' pinojoongmo kiijo' mae iwi-iwi' na anu pinotoa'mo nu Tumpu hi belengku.

YEHEZKIEL 2:7

Poto'i ahi' iwi-iwi' na potuunon-Ku hi aha pa' nu hongo nu aha kabai madi'. Boli okolilimi saba' aha aijo' mian anu saja' motomuhuk.

HABAKUK 2:1

Aku mongka'oho'mo moliba' mokiita' ilaigan tangka-tangkas anu bau pontanggalakonan mian ka' montanda'i apaa na anu kahanda' nu taloakon nu Tumpu hi belengku ka' mosia na pontaami-Nyo mae poitaonku aiya.

HAGAI 1:13

Lantas pinotokamo i Hagai hi mian da'isan na potuunon nu Tumpu tukoonyo, Hagai Tumpu binalajanji'mo monjagai aha.

MATIUS 3:7

Manjoo' suele na mian nu Farisi tiba Saduki tinoka hi Yohanes da o palamandikan. Panyo tempo'nyo ia nontoa aha tinokamo mae ia notatae hi aha, “Komiu mian ma'idek! Ihe na nontaloakon komiu timbali molapas lengkat i hukuman nu Tumpu anu tokaje mae?

1 KORINTUS 12:28

Sumo aitumo i uno nu jama'at, Tumpu nontantukanmo tampat hi ngangahan nu mian: Momonanyo to rasul-rasul; ko ohua'nyo to nabi-nabi, ko totolu'nyo to gulu-gulu', lantas aha anu mombau hahan anu okabangangi, lapas aijo' aha binee'anmo balakat da nompa'alin mian, kabai montulungi mian sangga'at, kabai anu mongatun, kabai mule' da basisik tiba ngangahan nu basa' anu okabangangi.

1 KORINTUS 4:14

Ku tulis na aiya toka hi komiu, misa' pongambangi komiu, panyo bau pompokinde'i komiu sumo posi to ana-anakku.

2 KORINTUS 5:11

Osumbu' mami apaa na alati'nyo mabuhuk hi Tumpu; mokonyo aijo' kami bala usaha da mian monsumbu' hondo-hondo butong mami. Tumpu monsumbu' hondo kami, ka' suele ku poita na komiu da monsumbu' kami i uno nu kinyonyoa miu.

2 KORINTUS 5:20

Jadi kami to posa-posaihonmo i Kristus. Tumpu na nonsai kami mompotoka potuunon-Nyo. I uno nu sanggo i Kristus sabole-bole opoita mami, da o'ala na taju nu Tumpu anu nompotimbalimo komiu nompo'ule'mo na'ima' tiba Ia.

KOLOSE 1:28

I Kristusmo atina' na anu opolele mami toka hi toto samian. Kami mompotuka' ka' mompagala hondo-hondo mompogulu' aha iwi-iwi'. Kahanda' mami aijo'mo da batu-batu mian timbali oboa hi Tumpu Allah, sumo mian anu motu'amo na pikilan i uno nu hahan rohani, kalana nosa'angu'mo tiba i Kristus.

1 TESALONIKA 5:14

Opoita mami mule' hi to Utu-utus, pokinde'i ma'i-ma'ima' na mian anu madi' mongka'oho' mokalaja; posanang na kinyonyoa nu mian anu mabuhuk; tulungi na mian anu palalu otulungi, ka' sabaan kona hi mian iwi-iwi'.

IBRANI 13:17

Obatuki na palentah nu to pola-polaya' miu, ka' otuluti na aha. Kalana aha saja' mompalahatikan santuu' miu, ka' aha mule' saja' ahi' mompalahatikan mosia na pakalaja'an nu Tumpu anu binaumo nu aha. De komiu montuluti aha, sanang na kinyonyoa nu aha mokalaja; de madi', tantu aha mokalaja susa' na kinyonyoa, ka' aijo' madi' mompo'untung komiu.