YEHEZKIEL 3:14 - KITAB NU TUMPU ALLA LELE MA'IMAI'

¹⁴ Kakuasa'an nu Tumpu na tinoka mae hi belengku, ka' salatan aku ihangkatmo ka' binoamo nu Roh-Nyo kinyonyoanku ingoa'anku napakatmo ka' mule' napanasmo.

YEHEZKIEL 3:14 ပူးပေါင်းရင်းမြစ်များ

1 TOMU-TOMUNDO' 18:12

De ku pala'imo na tampat aiya, ku gantang Roh nu Tumpu momboamo belento Tuuma i tampat anu madi' ku sumbu'! Ka de ku poto'imo hi Ahab tukoongku belento Tuuma i aiya mae, lapas mae madi'mo nu humpak na belento Tuuma, tantu nu pateimo na aku. Da osumbu' nu belento Tuuma, aku aiya totu-totu'u monsombah Tumpu salatan pe'e aku daagi' anak!

1 TOMU-TOMUNDO' 18:46

Tempo'nyo aijo' i Elia nohumpakmo kahosonan lengkat mae hi Tumpu. Kinekesnyomo na juba'nyo nokiita' i kompongnyo lantas ia nopadeka'mo so' i liu-liunyo na i Ahab tinoka-toka i sabatan daka' nu kota Yizreel.

2 TOMU-TOMUNDO' 2:16

ka' notatae, “Kami aiya 50 na mian iwi-iwi' to hoso-hoson. Kalana aijo' imbo' da mamba olionto na i Elia tuan nu beleyum aijo'. Ugaat Roh nu Tumpu nomboamo ia nokiita' i bungkutnyo kabai i bangka'nyo, ka' nompojoongmo i kiijo' mae.” “Bolimo pilenje!” na koonyo i Elisa.

2 TOMU-TOMUNDO' 3:15

Uuka aiya boa mae na samian anu monsumbu' mongkuti' kasapi'.” Hau-haunyo mian aijo' mongkuti'mo kasapinyo, i Elisa kinuasanmo nu Roh nu Tumpu,

YESAYA 8:11

Aku kinuasanmo nu Tumpu ka' pinokinde'anmo da boli montuluti jalan anu nu jalani nu bansa aijo'. Ia notatae,

YEREMIA 6:11

Tambuha' nu Belento hi aha suele ahi' ningoboamo ibutongku, o Tumpu! Madi'mo opokotahan.” Lantas Tumpu notataemo, “Potudunmo na tambuha' atina' hi to ana-anak anu aijo' ijalan daka' ka' hi to pomu-pomuda anu sinihukmo. Mo'ane tiba boune ohakopmo, ka' anu talalomo ilangkai' ka' binengkele'mo suele ahi' madi'mo opobebas.

YEHEZKIEL 11:1

Lantas aku ihangkatmo nu Roh nu Tumpu ka' binoamo isabatan daka' Timur i Laigan nu Tumpu, sabatan anu mo'ahop sasu kabete'an. Ikiijo' tinoangku 25 na mian, galu-galumo ikiijo' ua'aha na polaya' nu bansa aijo'mo i Yaazanya anak i Azur tiba Pelaca anak i Benaya.

YEHEZKIEL 3:12

Lantas Roh nu Tumpu nohangkatmo aku ka' aitu mae ihikungku ihongongkumo na potatae susumo gohung na kodaka'nyo nontaloakon, “Opuji' na Tumpu anu talasanggo kiita' i suluga'!”

YEHEZKIEL 37:1

Aku nongoa'imo kuasa nu Tumpu tiba Roh-Nyo nomboamo aku nintua namba ibangka'nyo anu manjoo' hondo na buku.

YEHEZKIEL 40:1

Tempo'nyo aitu tanggan sampulu'mo bitu'onmo sa'angu' i taun kino uampulu'nyomo ka' olima' na kami kijoo'mo mae itampat pinomboan, sampulu'mo ka opat na taun salatan Yerusalem pinatundu'mo, ingoa'ankumo na kuasa nu Tumpu, lantas binoa-Nyomo na aku.

YEHEZKIEL 43:5

Aku ihangkatmo nu Roh nu Tumpu ka' binoa-Nyomo na aku ipopasan anu sasu unonyo; ikiijo tinoangkumo na Laigan nu Tumpu sinaputmo nu jingka nu katokaan nu Tumpu.

YEHEZKIEL 8:1

I tanggan olima' bitu'on ko anomnyomo ka' mule', i taun anu kino anomnyomo tempo'nyo kami daagi' kiijo' mae itampat pinomboan ka' pinompojoongan, to pola-polaya' nu aha mian anu binoa ka' pinojoongmo kiijo'mae aijo'mo aha mian Yehuda tinokamo mae ilaiganku ka' kinosusuhangmo tiba aku. Mamanga ahi kakuasa'an nu Tumpu Anu Matangkas na Kuasanyo nongkuasaimo mae aku.

YEHEZKIEL 8:3

Ia nonguluakonmo mae anu susumo lima lantas nontoongimo bulu nu ubaku. Lantas tinoangku, aku ihangkatmo tangka-tangkas nokiita' ilanga nu Roh nu Tumpu ka' binoamo i Laigan nu Tumpu i Yerusalem isabatan pinsoopan mokiijo' ipopasannyo anu i unonyo sasu utaranyo. Ikiijo' daagi' ko patong nu pilogot anu nonsaduakonmo da Tumpu notambuha'.

YOHANES 4:1

To mia-mian nu Farisi nohongo i Yesus nohumpak ka' nompalamandikan lebe da'isan molingkudui anu mombatuki Yohanes. (

YOHANES 4:3

Salatan sinumbu'mo i Yesus na to mia-mian nu Farisi nohongomo lele aijo', Ia namba nompala'i Yudea ninsusule' i Galilea.

YOHANES 4:9

Boune nu Samaria aijo' nontaami, “Kita Tuan mian nu Yahudi, aku mian nu Samaria; kadaka' kita Tuan mompoita monginum hi belengku?” (Kalana to mia-mian nu Yahudi madi' mompahasumbu' tiba mian nu Samaria.)

SISIKON NU TO RASUL-RASUL 8:39

Salatan aha ninsusule'mo lengkat mae i uee, Roh nu Tumpu Allah nongalamo i Filipus lengkat i kiijo'. Anu ko pangkat matangkas lengkat mae i Etiopia aijo' madi'mo daagi' nontoa ia. Anu ko pangkat matangkas aijo' i lame'mo na nolausakon lumambanannyo.

ANU PINOTO'I HI YOHANES 10:10

Aku nongala lulunan ise-ise' aijo' i limanyo lantas kinaankumo. I nganga'ku nyamitnyo sumo juu' nu uani', panyo salatan i lonyomkumo i uno nu kompong ia napakatmo.