YEHEZKIEL 3:12 - KITAB NU TUMPU ALLA LELE MA'IMAI'

¹² Lantas Roh nu Tumpu nohangkatmo aku ka' aitu mae ihikungku ihongongkumo na potatae susumo gohung na kodaka'nyo nontaloakon, “Opuji' na Tumpu anu talasanggo kiita' i suluga'!”

YEHEZKIEL 3:12 ပူးပေါင်းရင်းမြစ်များ

1 TOMU-TOMUNDO' 18:12

De ku pala'imo na tampat aiya, ku gantang Roh nu Tumpu momboamo belento Tuuma i tampat anu madi' ku sumbu'! Ka de ku poto'imo hi Ahab tukoongku belento Tuuma i aiya mae, lapas mae madi'mo nu humpak na belento Tuuma, tantu nu pateimo na aku. Da osumbu' nu belento Tuuma, aku aiya totu-totu'u monsombah Tumpu salatan pe'e aku daagi' anak!

2 TOMU-TOMUNDO' 2:16

ka' notatae, “Kami aiya 50 na mian iwi-iwi' to hoso-hoson. Kalana aijo' imbo' da mamba olionto na i Elia tuan nu beleyum aijo'. Ugaat Roh nu Tumpu nomboamo ia nokiita' i bungkutnyo kabai i bangka'nyo, ka' nompojoongmo i kiijo' mae.” “Bolimo pilenje!” na koonyo i Elisa.

MAZMUR 148:2

Opuji' na Ia, o, iwi-iwi' na malaekat-Nyo, opuji' na Ia o iwi-iwi' na suludadu nu suluga'!

MAZMUR 26:8

Aku mongka'ima'i hondo Laigan nu Belento, o Tumpu, tampat kajojoongan nu Belento anu talalo hondo talasanggo.

YESAYA 6:3

Aha motatae daka-daka' hi samian toka hi samian: “Susi', susi', susi'. Susi' na Tumpu Anu Daka' na Kuasanyo. Ia anu talasanggo Nu songkohi na dunia aiya.”

YEHEZKIEL 10:4

Jingka anu majingka hondo salaku tanda Tumpu tinokamo najingka lengkat mae aijo' i malaekat haha aijo' ka' nolalinmo i sabatan pinsoopan mokiijo' i Laigan nu Tumpu sahingga popasannyo najingkamo hondo.

YEHEZKIEL 11:1

Lantas aku ihangkatmo nu Roh nu Tumpu ka' binoamo isabatan daka' Timur i Laigan nu Tumpu, sabatan anu mo'ahop sasu kabete'an. Ikiijo' tinoangku 25 na mian, galu-galumo ikiijo' ua'aha na polaya' nu bansa aijo'mo i Yaazanya anak i Azur tiba Pelaca anak i Benaya.

YEHEZKIEL 2:2

Salatan potatae aijo' ihongongkumo ninsoopmo na Roh nu Tumpu hi belengku, ka' binulaakonnyomo na aku. Lapas aijo' po ule' mule' ihongongku na potatae nontaloakon,

YEHEZKIEL 3:11

Lako'mo mamba hi aha bansang nu beleyum anu binoamo ka' pinojoongmo kiijo' mae ka' potokakon apaa na anu Ku poto'i, Aku, Tumpu Anu Matangkas na Kuasanyo poto'i hi aha pa' nu hongo nu aha kabai na madi'.”

YEHEZKIEL 3:14

Kakuasa'an nu Tumpu na tinoka mae hi belengku, ka' salatan aku ihangkatmo ka' binoamo nu Roh-Nyo kinyonyoanku ingoa'anku napakatmo ka' mule' napanasmo.

YEHEZKIEL 43:4

Jingka anu jongkilaban hondo aijo' nontulu mae sabatan daka' sasu kabete'an lantas ninsoopmo i uno nu Laigan nu Tumpu.

YEHEZKIEL 43:5

Aku ihangkatmo nu Roh nu Tumpu ka' binoa-Nyomo na aku ipopasan anu sasu unonyo; ikiijo tinoangkumo na Laigan nu Tumpu sinaputmo nu jingka nu katokaan nu Tumpu.

YEHEZKIEL 8:3

Ia nonguluakonmo mae anu susumo lima lantas nontoongimo bulu nu ubaku. Lantas tinoangku, aku ihangkatmo tangka-tangkas nokiita' ilanga nu Roh nu Tumpu ka' binoamo i Laigan nu Tumpu i Yerusalem isabatan pinsoopan mokiijo' ipopasannyo anu i unonyo sasu utaranyo. Ikiijo' daagi' ko patong nu pilogot anu nonsaduakonmo da Tumpu notambuha'.

YEHEZKIEL 9:3

Lantas jingka anu majingka hondo salaku tanda Tumpu nu Israel tinokamo, jingkanyo lengkat mae aijo' hi to mala-malaekat, lantas nolalinmo namba i sabatan pinsoopan i Laigan nu Tumpu. Lantas ilagamo nu Tumpu na mian anu nompusok hude lenan aijo' ka' Ia notatae,

SISIKON NU TO RASUL-RASUL 2:2

Madi' pinin i hongo na onyi' nolengkat i langit sumo baleba' anu makansang. Laigan anu kinasuhangan nu to mia-mian aijo' iwi-iwi' sinongko nu onyi'nyo aijo'.

SISIKON NU TO RASUL-RASUL 8:39

Salatan aha ninsusule'mo lengkat mae i uee, Roh nu Tumpu Allah nongalamo i Filipus lengkat i kiijo'. Anu ko pangkat matangkas lengkat mae i Etiopia aijo' madi'mo daagi' nontoa ia. Anu ko pangkat matangkas aijo' i lame'mo na nolausakon lumambanannyo.

ANU PINOTO'I HI YOHANES 1:10

I sinaa nu Tumpu, aku kinuasanmo nu Roh nu Tumpu, lantas aku nohongomo potatae anu daka' hondo – sumo onyi' nu tolompet – binasisik aitu mae i hikungku.

ANU PINOTO'I HI YOHANES 1:15

tengke-Nyo mimboyai' sumo tambaga anu pinapuan. Potatae-Nyo sumo buhok nu uee i ombu'an anu daka'.

ANU PINOTO'I HI YOHANES 19:6

Lapas aijo' aku nohongomo apa-apaa sumo potatae nu anu sanggombu na mian da'isan hondo; lewo'nyo sumo bokon anu mingkalulun ka' sumo gohung poli-polintup. Ku hongo aha notatae, “O puji' na Tumpu! Kalana Tumpu, Tumpunto anu Matangkas na kuasanyo aijo' tempo' uuka nompalentahmo!