YEHEZKIEL 3:11 - KITAB NU TUMPU ALLA LELE MA'IMAI'

¹¹ Lako'mo mamba hi aha bansang nu beleyum anu binoamo ka' pinojoongmo kiijo' mae ka' potokakon apaa na anu Ku poto'i, Aku, Tumpu Anu Matangkas na Kuasanyo poto'i hi aha pa' nu hongo nu aha kabai na madi'.”

YEHEZKIEL 3:11 ပူးပေါင်းရင်းမြစ်များ

NOSABATMO 32:7

Sahingga Tumpu notataemo hi Musa, “Pintudunmo lia-lia' kalana bansa nu belemiu i laya'mo nosabat mae lengkat i Mesir, nombaumo anu ma'idek.

YEREMIA 29:20

Ka' mule' belemiu iwi-iwi' anu binoang-Kumo namba i Babel potombihing mae apaa na Aku Tumpu tinaeakon.’

YEHEZKIEL 2:4

Aha panggaga hondo ka' mule' madi'mo mae moholomati Aku. Beleyum Ku saimo mamba hi aha da mompotokakon apaa na anu kahanda' Ku poto'i aiya, Aku, Tumpu Anu matangkas na Kuasanyo mompoto'i hi aha,

YEHEZKIEL 2:5

pa' ka oho' nu hongo nu aha kabai madi'; asan nu sumbu'mo nu aha taalu' daagi' ko nabi aijo' hi aha.

YEHEZKIEL 2:7

Poto'i ahi' iwi-iwi' na potuunon-Ku hi aha pa' nu hongo nu aha kabai madi'. Boli okolilimi saba' aha aijo' mian anu saja' motomuhuk.

YEHEZKIEL 20:27

Jadi o, manusia anu madi' tumuu' batu, poto'i hi aha mian nu Israel apaa na anu pinoto'ing-Kumo hi aha, Aku, Tumpu Anu Matangkas na Kuasanyo; Aiya na sonto' sangga'at anu momponyata' mosia na mompolee' nu belemiu sola'mo mae nongalu Aku ka' madi'mo nontuluti Aku.

YEHEZKIEL 3:10

Lapas aijo' Tumpu notatae mule', “O, manusia anu madi' tumuu' batu, palahatikan ima-ima' ka' o, inau' pa apaa na anu Ku poto'i hi beleyum.

YEHEZKIEL 3:12

Lantas Roh nu Tumpu nohangkatmo aku ka' aitu mae ihikungku ihongongkumo na potatae susumo gohung na kodaka'nyo nontaloakon, “Opuji' na Tumpu anu talasanggo kiita' i suluga'!”

YEHEZKIEL 3:15

Sahingga tinokamo na aku itampat pinomboan ka' pinompojoongan to mia-mian i Tel-Abib isonibi nu Kaunyo Kebar. Kopinnyo ingipitun na aku jinojoong ikiijo'; aku madi'mo noko ala nombau apa-apaa ka'binangangmo kalana iwi-iwi' aijo' aituje na ihongongku ka' tinoangku.

YEHEZKIEL 3:27

Saidi' mae de Aku po ule'mo motatae hi beleyum ka' po ule'mo mombee' kahosonan nu beleyum da timbalimo motatae, beleyum tionyo ahi' mompotokakonmo apaa na anu Ku poto'i, Aku, Tumpu Anu Matangkas na Kuasanyo mompoto'i hi aha. Sambahagian na aha aijo' saidi' mae mompotombihing, panyo sambagian mule' na madi' ahi' kalana aha memang bansa anu saja' motomuhuk.”

YEHEZKIEL 33:12

Jadi manusia anu madi' tumuu' batu, poto'iakon hi aha mian nu Israel taalu' de mian anu ma'ima' na kinyonyoanyo mombaumo dosa', saba' kaimaannyo u'utu mae madi' moko ala montulungi ia. De mian anu palabuatannyo ma'idek madi'mo mombau dosa' ia madi'mo ohukum, ka' de mian anu ma'ima' na kinyonyoanyo mombaumo dosa' ia madi'mo oposalamat.

YEHEZKIEL 33:17

Panyo bansa aijo' nontaloakonmo tukoonyo nu aha kaputusan-Ku aijo' madi' adin! Padahan kaputusan nu aha ahi' na madi' adin.

YEHEZKIEL 33:2

“O manusia anu madi' tumuu' batu, poto'i hi bansang nu beleyum de Ku potokamo mae na pahampatean i sa'angu' na lipu', aiya na anu saidi' mae jadi. Mian anu jojoong ilipu' aijo' mompile'imo samian anu aijo' igampa nu aha da bau ponjagai.

YEHEZKIEL 33:30

Tumpu notatae, “O manusia anu madi' tumuu' batu, beleyum saja'mo bau sisik nu aha bubuu' bansa nu belemiu de aha mompaha singka-singkabotmo koko pagan mesen nu kota' kabai i ahop nu sabatan nu laigan. Aha basisikmo samian tiba samian, ‘Donganmo, da kita mohongomo apaa na koonyo nu potuunon nu Tumpu sinaa aiya.’

YEHEZKIEL 37:18

De bansa nu belemiu mompokilawa apaa na alati'nyo,

DANIEL 12:1

Malaekat nu nompusok baju' lenan aijo' po ule' mule' notatae, “Tempo'nyo aijo' tokamo mae na malaekat anu daka' na kuasanyo i Mikhael anu monjagai bansa nu belemiu. Lapas aitu tokamo na tempo' nu kasusa'an anu madi' ko'anu pokakana salatanmo pe'e kino to bansa-bansamo, panyo iwi-iwi' na mian anu atina' hi bansa nu belemiu anu sanggonyo tinulismo i uno nu kitab nu Tumpu Allah, atina na oposalamat.

DANIEL 6:13

nambamo na aha iwi-iwi' nangadap hi tomundo' mongkalak i Daniel. Aha nompoto'imo, “Te misa' belento Tuanku nontekengimo ahi' sulat palentah anu montewa iwi-iwi' na mian, kopinnyo opake na isi nu sulat aijo' tolumpulu' na sinaa na madi' timbali mompotoka poitaon hi sala' samian na pilogot kabai hi manusia, malaingkan ola ahi' samata-mata hi belento Tuanku? Ka' mule' de ihehe na molanggai palentah aijo' saba' ia olumbu'akonmo ahi' i uno nu liang nu singa?” Tinaamanmo i Tomundo', “Memang totu'u, ka' mule' palentah aijo' binaumo unda-undang nu Media tiba Persia ka' mule' madi'mo timbali obabali'i.”

PO'ULE' INGULIT 9:12

Lantas Tumpu notataemo hi belengku, ‘Pintatau'mo lia-lia', kalana bansa nu beleyum anu binoa mae nu beleyum nosabat lengkat mae i Mesir nombaumo anu ma'idek. Aha nolempangmo madi'mo nontuluti palentah-ngKu, ka' nombaumo patong da osombah.’