YEHEZKIEL 28:4 - KITAB NU TUMPU ALLA LELE MA'IMAI'

⁴ Nu pake nu beleyum na kapandean tiba pangalati'an nu beleyum bau pomposihuk halata', mosoni', tiba salaka.

YEHEZKIEL 28:4 ပူးပေါင်းရင်းမြစ်များ

AMSAL 18:11

Panyo mian anu kaya monsangka halata'nyo mo na monjagai ia, susumo mesen anu matangkas ka' mahoson na titikup i kota.

ANU MOMPOLELE POTATAE NU TUMPU 9:11

I dunia aiya daagi mule' ko anu tinoangku; pailomba'an madi' saja'mo ko kamanangan na mian anu mopadeka', pahampatean madi' saja'mo ko kamanangan na mian anu mahoson. Mian anu pande madi' saja'mo mohumpak pakalaja'an polioan, ka' mian anu mangalati' madi' saja'mo mohumpak kakaya'an. Ka' mule' suele mian anu ahali madi' saja'mo talasanggo, Kalana maumo ahi' pa' ihe timbali nu tokai mae nu nasib soe'.

YESAYA 10:13

Tomundo' nu aha Asyur talalo molabi-labi na motatae, ia nontaloakon, “Iwi-iwi' na anu binaungkumo aijo' kalana kakuasa'anku. Aku monsumbu' monggoliliakon ka' mule' aku pande. Madi'mo pinobee'ku na kobata-batasnyo bansa sa'angu' tiba bansa sangga'at ka' mule' pinahuhuakonkumo na talakonan nu aha. Susumo sapi' pinahampeja'akonkumo na aha mian anu pompalentah.

YEREMIA 49:4

O, belemiu anu madi' tulu-tulutan! Kadaka' belemiu nontakabunakonmo bangka'nyo haha atina' nu belemiu anu toto lumba-lumba'? Apaa na sababnyo belemiu nontaha'imanimo kakaya'an nu belemiu? Iya na jadi na belemiu montaloakon, au' aitu madi' ko samian anu baani montumbuhi belemiu?

YEHEZKIEL 27:33

Salatan ndalangon tinalabutanmo nu beleyum tiba muatannyo anu pinobuke'mo hondo na pinosake' pinosukupmo nu beleyum na kapalaluan nu to bansa-bansa; to tomu-tomundo' pinojadimo nu beleyum da kinaya.

YEHEZKIEL 29:3

Tumpu Anu Matangkas na Kuasanyo nompokaumo mae aku da mompoto'i hi tomundo' Mesir potuunon sumo uuka, “Aku aiya sampobali' nu beleyum obuaa' daka-daka' hondo anu lewa' male' itotonga' nu kaunyo. Beleyum kinobubuunmo tukooyum beleyum na nombau ka' mule' tukooyum beleyumo na tumpunyo nu Kaunyo Nil aijo'.

DANIEL 5:11

Kalana i uno nu kalaja'an nu belento Tuanku daagi' ko samian na mo'ane kinuasanmo nu roh nu to pilo-pilogot anu susui'. Tempo'nyo daagi' tuuma nu belento Tuanku na nompalentah, mian aijo' pande ka' ko bukuti'nyomo, timbali mongalati'i ka' mule' ko kapandean bapikin, anu susumo kapandean bapikin nu to pilo-pilogot. Tuuma nu belento Tuanku i Tomundo' Nebukadnezar nohangkatmo ia tinimbali polaya' nu topo tahi'i tiba anu ko pangatahuan ka' to mia-mian anu ko ilimu'nyo, ka' anu pande na montoa mandala'.

HABAKUK 1:16

Lapas aijo' buani aijo' nu sombahmo nu aha ka' mule' nu sombahkonmo nu aha na koloban saba' kalana buani aijo' sahingga aha nohumpakmo lejeki manjoo' hondo ka' binilahimo na kantumuu'an nu aha.