YEHEZKIEL 28:2 - KITAB NU TUMPU ALLA LELE MA'IMAI'

² “O manusia anu madi' tumuu' batu, poto'i hi tomundo' Tirus apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia. ‘Kinobubuunmo na beleyum monsangka butong nu beleyum te pilogot anu jojoong i totonga' nu ambai. Timbali na beleyum mimbalu-balu susumo pilogot panyo jaga beleyum ola ahi' manusia biasa.

YEHEZKIEL 28:2 ပူးပေါင်းရင်းမြစ်များ

KAJADIAN 3:5

Tumpu Allah nontaloakon sumo aijo' kalana Nu sumbu' de okaan nu belemiu na bua'nyo aijo', tabuka'mo na pikilan miu; komiu timbalimo susumo Tumpu Allah ka' monsumbu'mo apaa na anu ma'ima' ka' apaa na anu ma'idek.”

2 TAWARIKH 26:16

Salatan i Tomundo Uzia dinaka'mo na kakuasaannyo, ia sinombongmo ka' aijo'mo na nonsaduakon sahingga ia sinilakamo. Ia nolanggaimo palentah nu Tumpu Allahnyo kalana nompinsopimo Laigan nu Tumpu ka' nompapuimo kamangian i mezbah i tampat nu kamangian.

MAZMUR 9:20

Tinjomo mae, Tumpu, putusimo mae na to bansa-bansa, bolimo mompojohok manusia saja'mo buulon na butongnyo.

AMSAL 16:18

Mian anu takabun mohumpak kahansunan; kobubuun ahennyo madi'mo ohalagai.

AMSAL 18:12

Mian anu takabun saidi mae madi'mo ohalagai, mian anu madi'buulon oholomati.

YESAYA 2:12

Toka isina aijo' Tumpu Anu Daka' na Kuasanyo mompopo'ambangmo iwi-iwi' na anu montige-tige ka' mule' mohukumo iwi-iwi' na anu buulon tiba anu lewa' montige-tige.

YESAYA 23:8

Temisa' to pada-padagangnyo to mia-mian lee' mae ahi' nu tomundo' anu oholomati hondo i dunia aiya? Ihe na nongalamo kaputusan da momposa'angu'mo Tirus, kota' anu balakuasa hondo aiya?

YESAYA 31:3

Aha mian nu Mesir ola mian misa' Tumpu. Ajahan nu aha ola binatang biasa, misa' sumo pikilan nu Tumpu. De Tumpu mombaumo anu nu bau bansa, anu nontulungimo aijo' tosumpunmo ka' mule' bansa anu nu tulungi aijo' tondahapamo. Sahingga aha ohu-ohua' aijo' silakamo.

YESAYA 47:8

Kalana aijo' potombihing mae na Aku, o, beleyum anu mongka'ima'i molio kasanangan! Pa' koonyo nu beleyum, kantumuu'an nu beleyum madi'mo ko anu mompoposia, ka' madi'mo ko anu pokakana susumo beleyum. Pa' koonyo nu beleyum, beleyum madi' mule' timbali balu, ka' kantumuu'an nu beleyum madi' mule' silaka.

YEHEZKIEL 16:49

Sodom tibamo kampungnyo anu toto ise-ise' buulon kalana palasadia'an anu okaan nanjoo'mo ka' mule' sinanangmo na kantumuu'an nu aha. Panyo aha madi' mongkalinga mian anu tumuu' kasiasi tiba mian anu susa'.

YEHEZKIEL 26:17

Lapas aijo' aha monyanyimo anu bau ponyanyiakon belemiu de olamunmo sumo uuka: Ihansunmo na kota' anu saja' opuji'! Iwi-iwi' na kapannyo sinapuanmo madi'mo daagi' ko anu indalangon. Mian anu jojoong aijo' hi ia binalakuasamo i ambai kinabuhukmo nu to mia-mian anu jojoong isonibi nu ambai.

YEHEZKIEL 28:1

Tumpu notatae hi belengku,

YEHEZKIEL 28:17

Ohup nu beleyum anu ontinganan atina' nonsaduakonmo beleyum sahingga kinobubuunmo ka' kalana beleyum tinalasanggomo atina'mo na nonsaduakon beleyum sahingga pinonga'mo na binalatanga'. Mokonyo aijo' beleyum Ku sapahakonmo itano' ka' Ku pojadimo salaku sonto' hi aha to tomu-tomundo' sangga'at'.’ ”

YEHEZKIEL 28:9

Jadi de tokamo na tempo'nyo aijo' daagi' moko ala na beleyum montaloakon tukooyum beleyum Tumpu? I ahop nu aha anu nompateimo beleyum atina'je ka' nyata' taalu' beleyum ola ahi' manusia biasa.

YEHEZKIEL 29:3

Tumpu Anu Matangkas na Kuasanyo nompokaumo mae aku da mompoto'i hi tomundo' Mesir potuunon sumo uuka, “Aku aiya sampobali' nu beleyum obuaa' daka-daka' hondo anu lewa' male' itotonga' nu kaunyo. Beleyum kinobubuunmo tukooyum beleyum na nombau ka' mule' tukooyum beleyumo na tumpunyo nu Kaunyo Nil aijo'.

YEHEZKIEL 29:9

Mesir timbalimo tano' anu liingmo hondo. Sahingga nu sumbu'je nu belemiu taalu' Akumo ahi' na Tumpu.” Tumpu notatae, “O tomundo' nu Mesir! Kalana beleyum nontaloakonmo tukooyum Kaunyo nu Nil aijo' beleyum na tumpunyo ka' mule' tukooyum beleyum na nombau,

YEHEZKIEL 31:10

Kalana aijo' Aku, Tumpu Anu Matangkas na Kuasanyo mompoto'imo hi beleyum apaa na anu jadi saidi' mae hi kau' anu tuu'nyo toka-tokamo i kundom aijo'. Kalana de talalomo matangkas, talalomo mule' ahi' mompakabuulon na ia.

DANIEL 11:12

Lapas aijo' ia sanangmo kalana inguntungmo na nahampate ka' kalana nonsilakaimo manjoo' hondo na sampobali' panyo ia madi' ahi' saja'mo balakuasa.

DANIEL 11:36

Tomundo' nu lipu' sasu utara mombaumo yayamo na anu nu kahanda'i nu kinyonyoanyo. Ia takabunmo sahingga nu taloakonmo tukoonyo ia na lebe daka' na kakuasa'an nulingkudui na pilogot maumo pa' iyaya mae, ka' mule' lebe daka' na kakuasa'annyo nulingkudui na Tumpu Anu Matangkas na kuasanyo. Ia timbali mombau sumo aijo' sampeje ahi Tumpu madi'mo motambuha'. Kalana apaa na anu tinantukanmo nu Tumpu tionyo pe'e ahi' jadi.

DANIEL 11:37

Tomundo' aijo' saidi' mae madi' montapali pilogot maumo pa' iyaya mae anu nu sombah nu mompolee'nyo tiba suele pilogot boune anu nu sombah nu to bou-boune. Madi' nu tapali na pilogot haha aijo' kalana nu anggap na butongnyo lebe daka' na kakuasa'annyo nulingkudui na aha.

HABAKUK 2:4

Ka' o ingat: Mian anu ma'idek na kinyonyoanyo madi' salamat, panyo mian anu mombau pongka'oho' nu Tumpu saidi' mae tumuu' kalana ia tulu-tulutan hi Tumpu.”

ZEFANYA 2:15

Sumo aijo' na anu jadi saidi' mae i kota' aijo' anu talalomo hondo lame' ka' mongoa'i butongnyo madi' ko anu mompoposia. Mian anu jojoong ikiijo' monsangka au' aitu kota' nu aha aijo' kota'mo anu talalo hondo daka' i dunia aiya! Liingmo hondo na daerah aijo' madi'mo ko miannyo anu monjojoongi me to bina-binatang nu alas na mimpeta ikiijo'! Batu-batu mian anu motulu ikota' aijo' tolokengkeng ka' mongoaimo mabuhuk.

ZAKHARIA 9:2

Hamat anu mompahasipat tiba Hadrak suele ahi' anu-Nyomo sumo aijo' mule' kota-kota' Tirus tiba Sidon ka' mule' iwi-iwi' na anu nusumbu' nu bau nu aha anu jojoong ikiijo'.

LUKAS 14:9

Sahingga tumpu nu laigan anu nompaso komiu ohua' aijo', boli-boli toka hi komiu ohua' ka' motatae, ‘Tabea', tampat aiya pinotoukamo hi anu pinaso aijo'.’ Desumo aitu ma'ambangmo hondo na beleyum, sahingga tionyo ahi' mamba sumuhang i tampat anu talalo hondo i hikunyo.

PO'ULE' INGULIT 8:14

Ojaga ima-ima' da belemiu boli kobubuun ka' mongkolilimimo Tumpu Allah nu belemiu anu mompobebasmo belemiu lengkat mae i Mesir tampat nu belemiu binotuanan.

2 TESALONIKA 2:4

Kobubuunmo hondo na ia mongewa ka' mompuji' posi butongnyo molingkudui iwi-iwi' anu nu sombah nu mian, kabai iwi-iwi' na pilogot anu nu anggapmo nu mian Tumpumo nu aha. Pakalaus ia sumuhang i uno nu Laigan nu Tumpu, ka' mompoto'i tukoonyo iamo na Tumpu.

1 TIMOTIUS 3:6

Samian na anu montoongi jama'at madi' timbali mian anu sala'je tinimbali Kristen, kalana saidi' mae ia timbalimo kobubuun, lantas okutukimo sumo Ibilis naipuan mae.

1 PETRUS 5:5

Sumo aitumo na kita Utus, to oli-olitau ka' to lalangkoyang. Tulu-tulutan hi to mia-mian anu motu'amo. Kita Utus iwi-iwi' boli ko tige-tige ka' mompaha kale-kalesang ahi', boli kobubuun na kinyonyoa. Kalana i uno nu Kitab nu Tumpu tinulismo sumo uuka, “Tumpu mongewa mian anu buulon, panyo mongkalibosi mian anu madi' ko tige-tige.”

ANU PINOTO'I HI YOHANES 17:3

Lantas Roh nu Tumpu nongkuasaimo aku, ka' malaikat nomboamo aku i padang mateges. I kiijo' mae aku nontoa samian na boune suha-suhang aita' i sa'angu' na binatang anu bulunyo momea' hondo, ka' anu kaho tulisan nu to sanggo-sanggo anu mompopo'ise' Tumpu. Binatang aijo' ko ubaknyo popitu' ka' tanduknyo sampulu'.

ANU PINOTO'I HI YOHANES 18:7

Bee'mo hi ia na kasansala'an ka' kasusa'an anu pokakana na konjoo'nyo tiba katalasanggoan ka' kasanangan anu binee'nyomo hi posi butongnyo. Kalana ia ola saja' motatae hi posi butongnyo, ‘Aku aiya tomundo boune anu mompalentah! Aku misa' balu; aku madi' mongoa'i kasusa'an!’