YEHEZKIEL 27:9 - KITAB NU TUMPU ALLA LELE MA'IMAI'

⁹ To tuka-tukang kau' anu mokalaja i kapan, anu toto pande-pande na batukang mian nu Gebal. Kapan anu lengkat mae ilipu' sangga'at tokamo mae monsale'i de timbali da mamba mae badagang.

YEHEZKIEL 27:9 ပူးပေါင်းရင်းမြစ်များ

1 TOMU-TOMUNDO' 5:18

Sumo aijo' na to mia-mian anu mokalaja pinalentah i Salomo ka' to mia-mian anu mokalaja pinalentah i Hiram ka' suele to mia-mian anu lengkat mae i kota Gebal da montoukai batu tiba kau' da bau Laigan nu Tumpu aijo'.

MAZMUR 104:26

Ikiijo'mo na kapan iwi-iwi' lewa' talabut, ka' Lewiatan binatang molokoimbu anu pinotimbalimo nu Belento lewa' mahaik.

MAZMUR 83:7

bansa Edom ka' Ismael, to mia-mian nu Moab tiba Hagar;

MAZMUR 83:8

bansa Gebal, Amon tiba Amalek, bansa Filistea ka' mule' anu monjojoongi Tirus.

YOSUA 13:5

ka' mule' da'erah nu bansa Gebal, ka' iwi-iwi' na da'erah Libanon mompatui sasu kabete'an, lengkat mae i Baal-Gad sasu selatan Bungkutnyo nu Hermon, lau-laus mompatui toka-toka i jalan anu mamba i Hamat.

ANU PINOTO'I HI YOHANES 18:11

To daga-dagang i dunia suele i humaangmo ka' sinusa'mo kalana boune aijo', kalana madi' ko samian pe'e na mongoli to langke-langke' anu nu podagang nu aha.

ANU PINOTO'I HI YOHANES 18:3

Kalana iwi-iwi na bansa nonginummo anggur napisu anu binaunyo nasala'. To tomu-tomundo nu dunia nasala'mo tiba ia, ka' to daga-dagang i dunia kinayamo nu napisu anu madi'mo opoko bali'i aijo'.”