YEHEZKIEL 27:22 - KITAB NU TUMPU ALLA LELE MA'IMAI'

²² Bau pongoli bala-balang nu beleyum, aha to pada-padagang anu lengkat mae i Syeba tiba Raema nomboamo mae mainan-mainan, mosoni', ka' lampa-lampa anu ma'ima' hondo.

YEHEZKIEL 27:22 ပူးပေါင်းရင်းမြစ်များ

KAJADIAN 10:7

Lee' i Kus aijo'mo anu jojoong i Seba, Hawila, Sabta, Raema ka' Sabtekha. Lee' i Raema aijo'mo anu jojoong i Seba ka' Dedan.

YESAYA 60:6

Lipu' nu belemiu nu sihukimo nu unta manjoo' hondo aha nolengkat mae i Midian ka' Efa. Mian momboa ame mosoni' tiba kamangian lengkat mae i Syeba, lantas mompuji'mo palabuatan nu Tumpu.

YEHEZKIEL 38:13

Mian anu jojoong i Syeba tiba Dedan ka' mule' to pada-padagang isinin na kota' Spanyol mompokilawamo hi belemiu sumo uuka, ‘Pa' beleyum mompalentah suludadu nu beleyum ola da mongagoi ka' montololangi mosoni', salaka, potuu'on, tiba halata' ka' oboamo na aijo' iwi-iwi'?’ ”

MAZMUR 72:15

Higahiakon na i tomundo salaku mian daka'! O'amalakon da nusombahkon mae nu aha Arab hi ia na mosoni'. O'amalakon da ia saja' odo'akon sansina-sinaa ka' mule' saja' mohumpak balakat.

MAZMUR 72:10

To tomu-tomundo' nu aha Tarsis ka' iwi-iwi' na togong momboamo hi ia palasombahan. To tomu-tomundo' nu aha Arab ka' Etiopia tokamo momboa mae pombayan hasin.

1 TAWARIKH 1:9

Lee' mae i Kus aijo'mo aha mian nu Seba, Hawila, Sabta, Raema ka' Sabtekha. Lee' mae i Raema aijo'mo aha mian nu Syeba, ka' Dedan. (

KAJADIAN 43:11

Lantas tuuma nu aha notataemo, “De memang tionyo ahi' sumo aijo'mo, yo boa na hasin anu talalo hondo ma'ima' i lipu' aiya o isi i uno nu kalung miu haha aijo' salaku palasen hi gubernur itina': Kismis, juu', lampa-lampa, bua' nu baya'u ka' bua' nu badam.

YEHEZKIEL 28:13

Tampat kajojoongan nu beleyum i Eden taman nu Tumpu. Pakean nu beleyum binunga-bungan nu ngangahan na mainan; batu dalima tiba intan, topas, batu pirus, batu yakut, ratna, cempaka, batu nilam, zamrud, tiba batu alkali anu momea'. Palahiasan mosoni' nu beleyum suele ahi' manjoo'. Balang haha aijo' binaumo ka' binee' hi beleyum tempo'nyo beleyum pinojadimo.

YEHEZKIEL 23:42

Kahongoan isambiha'nyo na potatae, hengge nu mian da'isan anu balasana-sanang ikiijo'. Mian haha aijo' anu ilagamo lengkat mae i padang tampat anu kaho bone'nyo. Aha nompopusokimo galang hi aha ua-ua'aha na anu moto utus haha aijo' ka' nompaha posongko'imo makota' anu toto ima-ima' i ubak nu boune haha aijo'.