YEHEZKIEL 27:21 - KITAB NU TUMPU ALLA LELE MA'IMAI'

²¹ Aha mian nu Arab tiba anu mongkuasai tano' Kedar nongolimo bala-balang nu beleyum tinolosan nu anak nu domba, ka' mule' domba lakinyo ka' mee'.

YEHEZKIEL 27:21 ပူးပေါင်းရင်းမြစ်များ

YESAYA 60:7

Mee', domba nu Kedar oboamo mae hi belemiu domba lakinyo lengkat mae i Nebayot pinosadiamo da okolobanakon nu belemiu. Koloban aijo' momposanang kinyonyoa nu Tumpu Ia nompokopiani ma'i-ma'ima' Laigan-Nyo anu o'angga'i.

KAJADIAN 25:13

I Ismael ko anak sampulu' ka' ohua', anu sinanggo i aiya tinampu'unan hi utus tu'a ka' lundu-lunduannyo: I Nebayot, i Kedar, i Adbeel, i Mibsam, i Meisyma, i Duma, i Masa, i Hadad, i Tema, i Yetur, i Nafis ka' i Kedma. To ana-anak haha aijo' tinimbalimo mompolee' nu sampulu' ka' ohua' na tulunan nu bansa, ka' kampung ise' ka' pombauan nu aha kemah osanggohimo susumo sanggo nu aha haha aijo'.

GALATIA 4:25

Jadi, i Hagar aijo'mo Bungkutnyo nu Sinai, i lipu' nu Arab. Ia salaku tanda nu kota Yerusalem tiba iwi-iwi' na anu jojoong, uuka aiya tinimbalimo posaihon.

SISIKON NU TO RASUL-RASUL 2:11

daagi' ko to mia-mian nu Yahudi ka' suele to mia-mian bansa sangga'at anu ninsoopmo agama Yahudi; daagi' mule' ko anu tinoka lengkat mae i Kreta ka' i Arab. Kita iwi-iwi' nohongomo aha notatae nu basa'to, toto samian mongkona hahan anu okabangangi anu binau nu Tumpu!”

YESAYA 21:16

Lantas Tumpu notataemo hi belengku, “Pas daagi' sataun kakaya'an nu to tulu-tulunan nu bansa Kedar mingkotmo.

NYANYIAN ANU TALASANGGO 1:5

Bakas mau mo'itom panyo aku handa o to lalangkoyang nu Yerusalem; mo'itom susumo kemah nu aha mian nu Kedar, panyo ma'ima' hondo susumo lalanse i laigan nu tomundo' Salomo!

2 TAWARIKH 17:11

Lengkat mae hi aha mian nu Filistin ia nohumpakmo manjoo' hondo na salaka ka' palasen sangga'at, ka' anu lengkat mae hi aha mian nu Arab 7.700 na domba ka' 7.700 na mee'.

1 TAWARIKH 1:29

Aiya na to ana-anak i Ismael: i Nebayot, tumpenyo lantas i Kedar, i Adbeel, i Mibsam,

1 TOMU-TOMUNDO' 10:15

ma'isa minsoop na ka'untungan sangga'at anu o humpak badagang ka' hasin anu o'ala hi to mia-mian anu badagang, to tomu-tomundo' nu Arab ka' anu o humpak gohi to gubo-gubolonun nu Israel.

MAZMUR 120:5

Silakamo na aha kalana tumuu'mo hingga-hinggat tiba beleyum; madi' sala' sumomo ahi' jinojoong i Mesekh, kabai hi aha mian nu Kedar.

YESAYA 21:13

Sumo uuka na potuunon mongkona Arab; O, belemiu mian nu Dedan, mian nu belemiu anu singkap mae nonsake'i unta binakemahmo itano' nu aha Arab anu kahomo kuhat.

YEREMIA 49:28

Sumo uuka na koo-Nyo nu Tumpu na aha tulunan nu bansa Kedar tiba daerah-daerah kakuasa'an nu aha Hazor anu ingalamo i Nebukadnezar tomundo' nu Babel. “O, Nebukadnezar, tumbuhimo na tulunan nu bansa Kedar ka' silakaimo na to mia-mian anu isasu kabete'an!

AMSAL 27:26

I bulu nu to domba-domba nu beleyum na bau pohumpakan pakean nu beleyum ka' sambagian na oli nu to domba-domba nu beleyum na timbali bau pongoli nu beleyum tano' anu salaje ihumpak.

YESAYA 42:11

Tionyo ahi' padang tampat anu mateges ka' iwi-iwi na kota'nyo mompuji'mo Tumpu, sahanyo ahi' anu jojoong i Kedar mompuji'mo Ia! Tionyo ahi' anu jojoong i kota' Sela lewa'mo montaligalai ka' lewa' moloboo' aita' mae ibungkutnyo!

YEREMIA 2:10

Tusakonmo na sonibi nu ambai Siprus sasu kinsoban, boamo na mian isasu kabete'an ilipu' Kedar, palesa kiijo' mae ima-ima' pa' toho'jinadi na han anu pokakana?