YEHEZKIEL 27:13 - KITAB NU TUMPU ALLA LELE MA'IMAI'

¹³ Beleyum binadagangmo hi aha Yunani, hi aha Tubal, ka' hi aha Mesekh, ka' salaku pombayan mae nu aha beleyum nontalimamo hi aha to botu-botuan ka' mule' bala-balang anu tambaga na binau.

YEHEZKIEL 27:13 ပူးပေါင်းရင်းမြစ်များ

KAJADIAN 10:2

To ana-anak i Yafet aijo'mo i Gomer, i Magog, i Madai, i Yawan, i Tubal, i Mesekh ka' i Tiras.

KAJADIAN 10:4

Lee' i Yawan aijo' mo anu jojoong i Elisa, Spanyol, Siprus ka' Rodes.

1 TAWARIKH 1:5

To ana-anak mo'ane i Yafet aijo'mo: i Gomer, i Magog, i Madai, i Yawan, i Tubal, i Mesekh, i Tiras. Ahamo na mompolee' mae nu to bansa-bansa anu sinanggohanmo susumo sanggo nu aha.

1 TAWARIKH 1:7

Lee' mae i Yawan aijo'mo: Aha mian nu Elisa, Spanyol Siprus, ka' Rodes.

MAZMUR 120:5

Silakamo na aha kalana tumuu'mo hingga-hinggat tiba beleyum; madi' sala' sumomo ahi' jinojoong i Mesekh, kabai hi aha mian nu Kedar.

YESAYA 66:19

Aku mompo'una'mo sa'angu' na tanda aijo' hi aha. Madi' manjoo' na anu aijo' hi aha na anu Ku posalamat. Aha Kusai mamba hi to bansa-bansa, ilipu' anu toto jo'o-jo'on, anu ma'isa toho' nohongo lele mongkona Aku kabai nontoa katalasanggoan tiba kuasang-Ku: mamba i Spanyol, i Libia, tiba i Lidia tiba anu to pande-pande na mompana', mamba i Tubal, tiba i Yunani. Aha saidi' mae mombebakonmo katalasanggoan-Ku i bansa haha aijo'.

YEHEZKIEL 27:12

Beleyum nompobalukmo bala-balang anu opodagang manjoo' hondo hi aha Spanyol, ka' salaku pombayan mae nu aha beleyum nontalimamo salaka, besak, timah mopute' tiba timah mo'itom.

YEHEZKIEL 32:26

Mesekh ka' i Tubal suele kiijo' mae tinikuban nu kubulan nu to sulu-suludadu nu aha. Madi pinai sunat, aha sinilakamo iwi-iwi' i uno nu pahampatean. Tempo'nyo daagi' tutuu' aha saja' mompolubat mae kabuhukan i dunia.

YEHEZKIEL 39:1

Tumpu Anu Matangkas na Kuasanyo notatae, “O manusia anu madi' tumuu' batu, tambuha'imo na i Gog tomundo' anu balakuasa hondo ilipu' Mesekh, tiba Tubal, ka' poto'i hi ia taalu' Aku aiya sampobali'nyo.

DANIEL 10:20

Lantas tinaamannyomo mae, “Pa' nu sumbu' nu beleyum kadaka' aku tinokamo mae hi beleyum? Makisudnyo da mompoto'i hi beleyum apaa na anu tinulismo i uno nu Kitab anu Madi' baleko'. Uuka aiya aku tionyo ahi' minsusule'mo da mambamo mahampate mongewa malaekat anu monjagai Persia. Lapas aijo' malaekat anu monjagai Yunani tokamo mae. Madi' ko sangga'atannyo na anu nontulungi mae aku, ola-olanyomo ahi' i Mikhael malaekat anu monjagai Israel, negara nu beleyum.

DANIEL 11:2

Apaa na anu pinoto'ingkumo aijo' memang totu'u.” Malaekat aijo' nontaloakon, “Totolu' na tomundo' sangga'at mompalentahmo Persia ka' lapas aijo' mule' tomundo' anu ko opatnyo anu saidi' mae lebe kaya hondo nu lingkudui na sangga'at. De kakuasa'annyo talalomo hondo daka' tiba kakaya'annyo suele daka'mo hondo ia mahangewamo tiba kalaja'an nu Yunani.

DANIEL 8:21

Mee' lakinyo mongibalatakon kalaja'an nu Yunani ka' mule' tanduk anu tinumuu'mo mae i olot nu matanyo ohu-ohua' aijo', aijo'mo na tomundo'nyo anu u'utu mae momona.

YOËL 3:3

Aha nombuangmo onde da osumbu' pa' ihe na mongala mian anu binoamo mae aijo'. Aha nompobalukmo to lalangkoyang tiba to oli-olitau da opotimbali botuan. Ka' doinyo nu pake nu aha ikapaluan lewa' masala' ka' lewa monginum anggur.

YOËL 3:6

Mian anu jojoong i Yehuda ka' mule' i Yerusalem binoamo nu belemiu jo'o-jo'on lengkat ilipu'nyo; lapas aitu opobalukmo nu belemiu hi bansa Yunani.

ANU PINOTO'I HI YOHANES 18:13

kilit kayu manis, to lampa-lampa, dupa, mur, ka' kamangian; anggur ka' lanya', labu ka' gandum, sapi' ka' domba, ajahan ka' kereta, to posa-posaihon ka' suele mule' nyawa nu mian.