YEHEZKIEL 27:10 - KITAB NU TUMPU ALLA LELE MA'IMAI'

¹⁰ To sulu-suludadu nu Persia, Lidia, tiba Libia tinimbalimo suludadu nu beleyum. Nu paha posambitmo nu aha na kanta ka' songko' nu aha anu ko aja'nyo i pagan mesen nu kota' nu beleyum. Tinulunganmo nu aha da pinatundu'mo na sampo iwi-iwi' sahingga nompaka talasanggomo na beleyum.

YEHEZKIEL 27:10 ပူးပေါင်းရင်းမြစ်များ

KAJADIAN 10:13

Lee' i Mesir aijo'mo anu jojoong i Lidia, Anamim, Lehabim, Naftuhim,

KAJADIAN 10:22

To ana-anak i Sem aijo'mo i Elam, i Asyur, i Arpakhsad, i Lud ka' i Aram.

KAJADIAN 10:6

To ana-anak i Ham aijo'mo i Kus, i Mesir, i Libia ka' i Kana'an.

1 TAWARIKH 1:11

Lee' mae i Mesir aijo'mo: aha mian nu Lidia, Lehabim, Naftuhim,

1 TAWARIKH 1:17

To ana-anak mo'ane i Sem aijo'mo: i Elam, i Asyur, i Arpakhsad, i Lud, i Aram, i Us, i Hul, i Geter, ka' i Mesekh. Ahamo na mompolee' mae nu bansa-bansa anu sinanggohanmo susumo sanggo nu aha.

1 TAWARIKH 1:8

To ana-anak mo'ane i Ham aijo'mo: i Kus, i Mesir, i Libia, ka' i Kana'an. Ahamo na mompolee' mae nu to bansa-bansa anu sinanggohanmo susumo sanggo nu aha.

NYANYIAN ANU TALASANGGO 4:4

Gogohong nu beleyum mimbalu-balu' laigan tangka-tangkas anu binau i Daud bau pontanggalakonan mian ka' ponguna'an sanjata. Olo' nu beleyum sumomo samadala na kanta, ka' amangkun toongon nu to sulu-suludadu iwi-iwi'.

YESAYA 66:19

Aku mompo'una'mo sa'angu' na tanda aijo' hi aha. Madi' manjoo' na anu aijo' hi aha na anu Ku posalamat. Aha Kusai mamba hi to bansa-bansa, ilipu' anu toto jo'o-jo'on, anu ma'isa toho' nohongo lele mongkona Aku kabai nontoa katalasanggoan tiba kuasang-Ku: mamba i Spanyol, i Libia, tiba i Lidia tiba anu to pande-pande na mompana', mamba i Tubal, tiba i Yunani. Aha saidi' mae mombebakonmo katalasanggoan-Ku i bansa haha aijo'.

YEREMIA 46:9

Popadeka'mo o to aja-ajahan! Bagalagimo o to kare-kareta! Donganmo mamba o to sulu-suludadu anu montoongi kanta lengkat mae i Sudan tiba Libia. Ka' suele belemiu o to mia-mian anu toto pande-pande na mompana' lengkat mae ilipu' Lidia.’ ”

YEHEZKIEL 26:17

Lapas aijo' aha monyanyimo anu bau ponyanyiakon belemiu de olamunmo sumo uuka: Ihansunmo na kota' anu saja' opuji'! Iwi-iwi' na kapannyo sinapuanmo madi'mo daagi' ko anu indalangon. Mian anu jojoong aijo' hi ia binalakuasamo i ambai kinabuhukmo nu to mia-mian anu jojoong isonibi nu ambai.

YEHEZKIEL 27:11

To sulu-suludadu anu lengkat mae i Arwad nonjagaimo pagan mesen nu beleyum; laigan toto tangka-tangkas anu pontanggalakonan mian jinaganmo nu to mia-mian anu lengkat mae i Gamad. Kanta nu aha pinaha pojiji'mo na nomposambit i pagan mesen nu beleyum. Ahamo aijo' na nomposukup sahingga nompaka pa'ima'mo na beleyum.

YEHEZKIEL 30:5

I uno nu pahampatean aijo' suele ahi' opateimo na to sulu-suludadu anu tinamboan lengkat mae i Sudan, Lidia, Libia, Arab, Kub ka' mule' posi bansang-Ku ahi'.”

YEHEZKIEL 38:5

I tomundo' sinangaluan nu to sulu-suludadu nu aha Persia, Sudan tiba Libia, toto samian nomboa bajak tiba songko anu ko aja'nyo.

DANIEL 5:28

binagi, kalaja'an nu belento Tuanku obagimo ka' mule' obee'mo hi aha mian nu Media tiba Persia.”

NAHUM 3:9

Tebe mompalentah Sudan tiba Mesir ka' mule' kakuasa'annyo madi' ko batasnyo; Libia tiba Put aijo'mo na sangalunyo.