YEHEZKIEL 26:20 - KITAB NU TUMPU ALLA LELE MA'IMAI'

²⁰ Lantas beleyum Ku boamo i dunia nu mian anu sinilakamo da sola'mo humang tiba aha mian anu sinilakamo salatanmo pe'e naipuan mae. Ku pojohokmo na beleyum da tataapmo i dunia nu mian anu sinilakamo aijo' itotonga' nu anu singkapmo na'idek sampe toka sidu-sidutu', tiba mian anu sinilakamo. Sahingga tano' nu beleyum madi'mo daagi' ojojoongi ka' beleyum mule' madi'mo daagi' oposoop ilekengan nu mian anu daagi tutuu'.

YEHEZKIEL 26:20 ပူးပေါင်းရင်းမြစ်များ

MAZMUR 27:13

Aku palesaya hondo totu-totu'u saidi' mae mongoa'ije kanonongan nu Tumpu i uno nu kantumuu'anku i dunia aiya.

MAZMUR 28:1

Mazmur i Daud. O Tumpu hi Belento na pongkakaseanku da otulungi mae, Belento na montinjohi mae aku. De Belento madi' mohongo mae aku aku sumomo mian anu mintatau'mo iliang nu kubun.

YESAYA 14:10

Aha iwi-iwi' motataemo daka-daka' hi ia, ‘O!, Uuka aiya beleyum sumomo kami, madi'mo mahoson ka' mule' madi'mo moko ala mombau apa-apaa!

YESAYA 14:9

Dunia nu mian anu sinilakamo aijo' balame-lame'mo na molabot itomundo' Babel. Sahingga mobulamo na santuu' nu to mia-mian anu naipuan mae binalakuasa i dunia aiya ka' mule' santuu' nu to tomu-tomundo' tuminjomo mae aijo' i kasuhangan nu aha.

YESAYA 4:5

Lantas aita i Puge'nyo nu Sion tiba iwi-iwi' na mian anu sinihukmo ikiita' nu potimbalimo nu Tumpu na kundom de sinaamo ka' mule tibuk lantas moak nu apu de pihimo. Kakuasa'an-Nyomo ahi' nu Tumpu na montindungi ka monjagai songko-songko na kota' aijo'.

YESAYA 59:10

Kami mahakanyangan susumo mian anu mapisok; sonsu-sonsu'un kami tinosumpunmo mimbalu-balu'mo tonga' pahu; itotonga' nu mian tumuu', kami sumomo mian anu natemo.

YEREMIA 33:9

Yerusalem mompolame'mo mae kinyonyoang-Ku ka' mompopodaka'mo mae Aku. Iwi-iwi' na bansa i dunia mabuhukmo ka' nu lakatmo ka' mule' moholomatimo mae Aku, de aha mohongomo palabuatan ma'ima' anu binaung-Kumo iwi-iwi' hi aha mian anu jojoong i Yerusalem ka' mongkona kamajuan anu binee'-Kumo i kota' aijo'.”

MOHAANGI 3:6

Pinakisa-Nyomo na aku jojoong i uno nu pikat susumo mian anu sinilakamo tempo'nyo naipuan mae.

YEHEZKIEL 31:14

Iwi-iwi' aijo' jadimo da otampu'uni uuka aiya madi'mo daagi' ko kau' anu tumuu' sumo aijo' na kotangkasnyo; madi'mo daagi ko tuu' nu kau' anu montoka-toka kundom maumo ahi' mohumpak uee anu molabi-labi. Iwi-iwi' tionyo ahi' silaka susumo manusia anu madi' tumuu' batu ka' sihukmo mosa'angu' tiba to mia-mian anu nintatau'mo i dunia nu mian anu sinilakamo.”

YEHEZKIEL 39:7

Panyo aijo' hi aha Israel, Ku poto'imo na sanggong-Ku anu susi' ka' sanggong-Ku aijo madi'mo daagi' ohumimi'i. Sahingga nu sumbu'je nu to bansa-bansa taalu' Akumo ahi' na Tumpu, Tumpu anu susi' lengkat mae hi aha Israel.”

AMOS 9:2

Mau pe'e aha moko ala mompinsoopi dunia nu mian anu silakamo. Ku humpak na aha. Mau mule' aha moliba' mokiita' i langit, Aku montau'akon mae aha lengkat i aita' mae.

YUNUS 2:2

“O Tumpu, i uno nu kasusa'anku aku motataemo hi Belento. Ka' Belento nontaamimo mae aku. I dunia nu mian anu sinilakamo aku nomoitamo tulung. Apaa na anu pinoitangkumo ihongomo nu Belento ka' pinalahatikanmo nu Belento.

YUNUS 2:6

Aku binoanyomo i aluknyo nu dunia anu i aluknyo, Idunia anu tumbannyo ginunsingmo sampe toka sidu-sidutu'. Napasku madi'mo sawe' i unonu butongku, lantas aku tinolo inau'mo ka' notataemo hi Belento. Sahingga tinokamo na do'angku hi Belento, i uno nu Laigan nu Belento anu Susi'. Lantas ihangkatmo nu Belento na aku lengkat akaong mae i uno nu ambai, O Tumpungku!

ZAKHARIA 2:8

Ihe na montumbuhi mae belemiu tantu aha montumbuhimo anu talalo hondo Ku kanonongi.” Sahingga Tumpu Anu Daka' na Kuasanyo nompalentahmo mae aku da mompotokakon potuunon-Nyo aiya hi to bansa-bansa anu nombulingimo mian anu palesayamo hi Ia,

NOMBILANGMO 16:30

Panyo de Tumpu mombau apa-apaa anu ma'isa toho' i hongo nu belemiu sumo uukamo na kopinnyo, ka' de tano' mobiha' molonyomo aha tiba iwi-iwi' apaa na anu nu aha, sahingga aha manabu'mo mau daagi' tutuu' i uno nu dunia nu mian anu sinilakamo atina'je ka' osumbu' nu belemiu taalu' mian haha aijo' pinanggagamo hi Tumpu.”

NOMBILANGMO 16:33

Sahingga nanabu'mo na aha titu-tituu' i uno nu dunia nu mian anu sinilakamo tiba iwi-iwi' apaa na anu nu aha. Tano' anu nobiha'mo aijo' po'ule'mo tinatutup ka' aha i madi'anmo, i lonyomo nu tano'.

MATIUS 11:23

Ka' komiu, Kapernaum! Apaa komiu timbali opotangkas toka i suluga'? Madi'! Ola komiu o alin mokiijo' i naraka! Kalana ande-andenyo anu okabangangi binau atina' hi komiu, aijo' binaumo i Sodom, Sodom aijo' daagi' sampe tempo' uuka aiya?

LUKAS 10:15

Ka' komiu, Kapernaum! Otutugi miu, komiu o hangkatje tangka-tangkas toka i suluga'? Madi'! Panyo komiu o alinmo i nalaka!”

2 PETRUS 2:5

Sumo aitu mule' na dunia tempo'nyo naipuan mae, Tumpu madi' mompojohok aha da opobebas madi' o hukum. Tumpu nompotoka mae iaba' daka' i dunia nu to mia-mian anu ma'idek tempo'nyo aitu. Ola i Nuh tiba popitu' na mian sangga'atnyo na anu pinosalamat, kalana i Nuh nompolelemo lele mongkona kantumuu'an anu nuka'ima'i nu kinyonyoa nu Tumpu.