YEHEZKIEL 26:11 - KITAB NU TUMPU ALLA LELE MA'IMAI'

¹¹ Gombuan nu suludadu anu monsake'i mae ajahan montumbuhimo iwi-iwi na jalan nu belemiu ka' nu tabasmo na belemiu nu bajak nu aha na mian anu atina' jojoong ikota'nu belemiu. Tugu nu belemiu anu toto ima-ima' ka' mahoson ohobo'akonmo.

YEHEZKIEL 26:11 ပူးပေါင်းရင်းမြစ်များ

YESAYA 26:5

Tumpu mompota'alukmo mian anu buulon; Nu hansunimo na kota'nu aha anu kobentengnyo, ka' opohatamo susumo tano'.

YESAYA 5:28

Hihis nu pana'nyo matajom ka' anu pompeletakonnyo me kokogia' opeletakon. Konuku nu ajahannyo mokuut susumo behese' ka' mule' loda nu karetanyo jokot na tumoyo sumomo ahi tombusisi'.

YEREMIA 43:13

Tugu-tugu nu bapilogotan kiijo' i Heliopolis i Mesir ohansunimo ka' mule' laigan nu to pilo-pilogot nu aha Mesir opapuimo sampe mingkot iwi-iwi'.”

YEREMIA 51:27

“O, tomundo' anu lengkat mae isasu utara! Bee'imo mae tanda da otumbuhimo! Po onyi'mo na tolompet da nu hongomo nu to bansa-bansa! Tipaha'imo na to bansa-bansa da mahampatemo mongewa Babel! Palentahmo na kalaja'an Ararat, Mini tiba Askenas da montumbuhimo. Pohangkatmo samian na bau talenga' da mompimpin belemiu montumbuhi aijo'. Tipaha'imo na ajahan anu konjoo'nyo sumo gombuan nu kihi-kihi'.

HABAKUK 1:8

Ajahan nu aha lebe malia' molingkudui macan tutul ka' lebe singgi molingkudui serigala anu hau-haunyo no ohopmo. Tompukan nu suludadu nu aha lengkat mae i iwi-iwi na lipu' anu majo'on; aha toka mae sumomo tomonsi' bonyia' nonsabutmo kaanonnyo.