YEHEZKIEL 26:10 - KITAB NU TUMPU ALLA LELE MA'IMAI'

¹⁰ Ajahan nu aha manjoo' hondo sahingga galupaknyo aijo'mo na monsibung abu' kona hi belemiu. Daladak nu kareta anu taha-tahahumo na onyi'nyo aijo'mo kareta anu nu sake' mae nu suludadu anu mongato mae mantu tiba kareta anu bau pahampate, montananggahimo pagan mesen nu belemiu de aha motulumo isabatan daka' haha aijo' ka' minsoopmo i kota' anu ihansunmo aijo'.

YEHEZKIEL 26:10 ပူးပေါင်းရင်းမြစ်များ

YEREMIA 39:3

ka' Yerusalem pinatundu'mo. Jadi iwi-iwi' na mian anu kopangkatnyo hi tomundo' Babel tinokamo mae ka' lako'mo sinumuhang i Sabatan Daka' anu i Totonga'nyo. Anu aijo' hi aha daagi' ko i Nergal Sarezer, i Samgar Nebo, i Sarsekim anu mongkapalai auan nu laigan nu tomundo', i Nergal Sarezer Rabmag tiba to sulu-suludadu sangga'at.

YEREMIA 4:13

Soba toa sampobali tinokamo mae sumomo ahi' kundom. Kareta nu aha anu bau pahampate sumomo ahi' tombusisi', ajahan nu aha lebe malia' nulingkudui na bonyia nu mahap. Ado silakamo na kita! Kita mohopu'mo!

YEREMIA 47:3

Aha mohongomo galupak nu ajahan, tiba daladak nu kareta ka' mule' gelegek nu bolanyo. Mian to tu'a-tu'anyo lusekmo na butong nu aha ka' madi'mo daagi' sola' montutugi to ana-anak nu aha.

YEHEZKIEL 23:24

Aha tokamo mae montumbuhi beleyum lengkat mae isasu utara, suludadu nu aha manjoo' hondo tiba kareta-kareta anu bau pahampate, ka' mule' kareta-kareta anu momboa mantu. Kanta tiba songko anu ko aja' na mongkukubi aha de aha montumbuhimo beleyum. Ku pojohokmo na aha da mombee'imo hukuman hi beleyum susumo koonyo nu atulan nu aha.

YEHEZKIEL 26:15

Tumpu Anu Matangkas na Kuasanyo notataemo hi kota' Tirus, “Mian anu jojoong i daerah sonibi nu ambai langkakatanmo bau nu buhuk kalana mohongomo kihis nu belemiu pipinatundu'mo atina' ka' mule' tando' nu mian anu singkapmo pinatean.

YEHEZKIEL 26:7

Tumpu Anu Matangkas na Kuasanyo notataemo, “Ku boamo na i Tomundo' Nebukadnezar lengkat mae i Babel da montumbuhimo beleyum, o, Tirus. Tomundo' anu mahoson hondo aijo' tokamo mae lengkat isasu utara tiba suludadunyo anu manjoo' hondo, ka' mule' ajahan nu aha manjoo' tiba kareta-kareta anu bau pahampate ka' mule' gombuan nu suludadu anu monsake'i mae ajahan.

YEHEZKIEL 26:9

Nu hobo'akonmo nu aha napagan mesen nu pakakas anu bau pohobo'akon ka' mule' laigan toto tangka-tangkas anu pontanggalakonan sampobali' nu hobo'akonmo nu aha nu pakuen.

YEHEZKIEL 27:28

To mia-mian anu sola' talabut atina hi beleyum noloboo'mo kalana aha nabuhukmo. Kihis nu aha tinoka-tokamo i iwi-iwi na sonibi nu ambai na loungnyo.

YOSUA 6:20

Lantas pinuhanmo nu to ima-imam na tolompetnyo. Ka' salatan mian nu Israel haha aijo' nohongomo onyi' nu tolompet aijo' aha lewa'mo nolo'ais daka-daka', lantas pagan mesen nu kota Yerikho nohobo-hobo'mo. Iwi-iwi' na suludadu nu aha Israel balomo nompoliba'i ka' nompinsoopi kota aijo' ka' nahampate.

YOSUA 6:5

Lapas aijo' to ima-imam mompuhimo tolompetnyo ka' opomantanmo na mompuhi. Salatan beleyum mohongomo onyi'nyo anu pinomantanmo aijo' iwi-iwi' na suludadu aijo' lewa'mo molo'ais daka-daka', sahingga pagan mesen haha aijo' i kota; mohobo'mo. Lantas belemiu iwi-iwi' tionyo ahi' mompinsoopimo kota aijo'.”