YEHEZKIEL 25:4 - KITAB NU TUMPU ALLA LELE MA'IMAI'

⁴ Aku Tumpu Anu Matangkas na Kuasanyo. ‘Belemiu sanang na montoa Laigan-Ku ohumimi'i ka' mule' tano' nu Israel o, ideimo ka' mule' bansang Yahudi ohakopmo ka' oboamo itampat pompojoongan aha. Mokonyo aijo' belemiu Ku pojohokmo da nu patundu'mo nu tulunan nu bansa haha aijo' anu lengkat mae i tampat anu mateges sasu Kabete'an. Aha mompotinjomo kemah nu aha ilipu' nu belemiu lantas tataapmo ikiijo'. Aha mongkaanmo bua' nu kau' nu belemiu ka' monginumo susu nu potuu'on nu belemiu.

YEHEZKIEL 25:4 ပူးပေါင်းရင်းမြစ်များ

KAJADIAN 29:1

I Yakub nolausakonmo lajangnyo ka' nambamo i lipu' sasu kabete'an Kana'an.

2 SAMUEL 12:26

Tempo'nyo aitu i Yoab daagi hau-haunyo lewa' mahampate mongewa Raba puso nu kota' nu lipu' Amon, ka' malia'mo nu patundu'.

1 TOMU-TOMUNDO' 4:30

I to lipu-lipu' isasu kabete'an ka' Mesir madi'mo ko mian anu pande molingkudui ia.

YESAYA 1:7

Lipu' nu belemiu ingideanmo; kota-kota' nu belemiu pinapuanmo iwi-iwi'. Mian anu i salipu'an nongalamo tano' nu belemiu ka' ingideannyomo na isinyo.

YESAYA 41:2

Ihe na nompotuka anu balakuasa lengkat mae i kabete'an ka' saja'mo nompo untung ia nahampate? Ihe na nontulungi ia sahingga nompatundu'mo bansa-bansa ka' mule' nohungku'imo to tomu-tomundo' tina aluk hi ia? Bajaknyo na nombau aha da nohintutu susumo abu', pana'nyo na nompotatabumo aha susumo hat pinuhakonmo nu mombun.

MOHAANGI 1:14

Ingala-Nyomo iwi-iwi' na dosa'ku, lantas pinosa'angu'mo na nomputi, ka' pino'olo'mo mae i gogohongku, sahingga boatnyo nompolu'usmo butongku. Tumpu nombee'mo aku hi sampobali'; aku madi'mo noko ala mongewa aha.

YEHEZKIEL 25:10

Ku pojohokmo na to tulu-tulunan nu bansang anu lengkat mae i tampat anu mateges sasu kabete'an da mompatundu'mo Moab tibamo lipu' Amon, sahingga Moab madi'mo daagi' susumo sa'angu' na bansa.

IMAMAT 26:16

belemiu Ku hukumo. Ku potokamo mae na balaa' hi belemiu, panyakit ka' nusihabimo anu madi'mo opoko ala opakuli'i sahingga mata nu belemiu mapisokmo ka' belemiu tumuu'mo susa'. Belemiu mosu'an sosu'anon panyo madi' mongkaan hasinnyo, kalana anu monsampobali' belemiu toka mae mompatundu' belemiu ka' mongingkotimo apaa na anu sinu'anmo nu belemiu.

NOMBILANGMO 23:7

Lantas i Bileam nompoto'imo sisikonnyo sumo uuka, “Lengkat mae i Aram, bungkutnyo kiijo' mae i sasu kabete'an, i Balak, tomundo nu aha Moab nolagamo aku, ka' notatae, ‘Tokamo mae, poto'i mae hi belengku. Kutukimo na bansa Israel aijo'!’

PO'ULE' INGULIT 28:33

Bansa anu lengkat mae i salipu'an na mongala isi nu ale' iwi-iwi' anu i humpak i lawe nu pakalaja'an miu. Panyo belemiu madi' nohumpak apa-apaa ola mule' ahi' kasansala'an anu ma'idek hondo na i humpak.

PO'ULE' INGULIT 28:51

Nu ingkotimo nu aha na potuu'on ka' isi nu ale' miu, ka' madi'mo mompo'una'i da bau bagi nu belemiu na gandum, anggur, lanya' nu zaitun, kabai sapi' ka' mee' ka' domba nu belemiu sampe belemiu silakamo nu ohop.

TO MIA-MIAN KOPIAN 6:33

Tempo'nyo aitu aha iwi-iwi' mian nu Midian, Amalek tiba tulunan nu to bansa-bansa sangga'at i padang bone' sasu kabete'an Yordan sinihukmo. Aha notaapmo i Kaunyo nu Yordan ka' binakemahmo i hatanyo nu Yizreel.

TO MIA-MIAN KOPIAN 7:12

Mian nu Midian, Amalek tiba mian haha aijo' sangga'at anu nolengkat mae i padang bone' nonsongkohimo bangka'nyo aijo' iyaya mae. Sumomo kihi-kihi' anu nodumpukmo na otoa. To unta-unta nu aha manjoo' hondo sumomo bone' i sonibi nu ambai.

TO MIA-MIAN KOPIAN 8:10

Hau-haunyo aijo' i Zebah ka' i Salmuna tiba iwi-iwi' na suludadu nu aha kiijo'mo i Karkor. Iwi-iwi' na suludadu nu aha mian anu kiijo' i padang bone' ugat ola 15.000 na mian anu daagi' tinontuha'; 120.000 na suludadu sinilakamo.