YEHEZKIEL 24:9 - KITAB NU TUMPU ALLA LELE MA'IMAI'

⁹ Tumpu Anu Matangkas na Kuasanyo notatae, “Silakamo na kota' anu nobuke'mo nu mian anu saja'mo nompatei aijo! Posi Akumo na momposun kau' bau pompapui ia.

YEHEZKIEL 24:9 ပူးပေါင်းရင်းမြစ်များ

YESAYA 30:33

Nai puan pe'e mae na nomposadia tampat pompapuian i tomundo' Asyur. Tampat aijo' maleeng ka' mule' bola ingisianmo kau' bau pomposuli anu pinaha potambunmo manjoo' hondo. Tumpu na saidi mae momposuli apunyo, sawo-nyo na mompuhi, pokakanamo ahi' susumo kaunyo nu belerang na kobohosnyo.

YESAYA 31:9

Tomundo' nu aha mopalaimo kalana mabuhukmo ka' to sulu-suludadunyo anu toto tangka-tangkas na pangkatnyo tolokengkengmo sahingga nu pala'imo nu aha na bandela'nu aha iwi-iwi'.” Tumpu notataemo, Tumpu anu osombah ka' mule' anu oholomati nu koloban anu opotunu i Yerusalem.

YEHEZKIEL 21:2

“O, manusia anu madi' tumuu' batu, kutukimo na Yerusalem. Kutukimo na tampat-tampat ponsomban nu aha kiijo' mae. Pokinde'imo na tano' nu Israel,

YEHEZKIEL 21:3

taalu' Aku, Tumpu nompoto'imo mae sumo uuka, ‘Aku aiya sampobali' nu beleyum. Ku keatmo na bajak-Ku ka' mompateimo belemiu iwi-iwi' mau anu ma'ima' na kinyonyoanyo kabai anu manonong.

YEHEZKIEL 22:2

“O, manusia anu madi' tumuu' batu. Sinadiamo na beleyum mombee'i kaputusan hukuman i kota' anu kahomo mian anu sola' mompatei. Poto'i hi aha iwi-iwi' na palabuatan nu aha anu talalo hondo okahegati.”

YEHEZKIEL 22:31

Kalana aijo' uuka aiya Ku potudunmo na tambuha'-Ku hi aha, ka' susumo apu Ku toyo'imo na aha kalana iwi-iwi' na palabuatan nu aha Aku, Tumpu Anu Matangkas na Kuasanyo notataemo.”

YEHEZKIEL 24:10

Paka tuangi na kau'nyo! Pepehi na apunyo! Kulua'i na antoknyo nu binatang! Bubusakonmo na kulua'ian. Papuai na bukunyo iwi-iwi'!

YEHEZKIEL 24:5

Anu o, ala antok nu binatang domba anu molompo' ka' anu daagi' bata'nyo paka tuangi na kau'nyo anu bau pomposuni. Bakas da kumelebuak na ia lumua' kulua'i na antok nu binatang aijo' tiba bukunyo iwi-iwi'.”

YEHEZKIEL 24:6

Tumpu Anu Matangkas na Kuasanyo notatae, “Silakamo na kota' anu nobuke'mo nu mian anu saja'mo nompatei aijo'! Kota' aijo' sumomo ahi' kuhon anu ingatakonmo anu madi'mo toho' ginegesan. Antok nu binatang anu aijo' i unonyo toto sampadot na osangku' mae sampe mingkotmo iwi-iwi' madi'mo daagi' ko anu kiijo' i unonyo.

NAHUM 3:1

Silakamo na kota' aiya anu talalomo na leko' manjoo' ka' anu pinateannyomo, kahomo balang anu pinahuhuakon ka' anu ingagoan.

HABAKUK 2:12

Kinutukan na beleyum! Kalana palabuatan nu beleyum ma'i-ma'idek atina' sahingga noko alamo nombau kota'. Ka' nombau atina' lewa' nompatei mian.

2 TESALONIKA 1:8

ka' ko apunyo anu balea-leak. Ia mintau' da mohukum to mia-mian anu madi' mompajuli Tumpu, ka' anu madi' ka'oho' tumuu' sosok tiba Lele Ma'ima' mongkona i Yesus Tumpunto.

YUDAS 1:7

O inau' singkona na kota nu Sodom ka' Gomora tiba to kota-kota anu mompaha ohani, mian anu jojoong i kiijo' nombaumo sumo hahan anu binaumo nu malaikat haha aijo'. Aha nombaumo hahan masala' ka' anu palaganta, sahingga aha sinakisamo nu hukuman apu, anu sampe toka sidu-sidutu', da bau pompokinde'i hi iwi-iwi' na mian.

ANU PINOTO'I HI YOHANES 14:20

Bua' nu anggur haha aijo' pinao'an i sambiha' nu kota, ka' lengkat i pompao'ian nu anggur haha aijo' no'ilimo na baso' sumo kaunyo, kojo'onnyo tolu atu' na kilometen, ka' ko leengnyo mongohani ohua' na meten.

ANU PINOTO'I HI YOHANES 16:19

Kota anu daka' aijo' nobagi-bagimo tinimbalimo totolu' na bahagian, ka' i nohopu'mo suele na to kota-kota, iwi-iwi' na negara i dunia aiya. Lantas Tumpu tinonginau'mo hi Babel anu daka' aijo'. Saba' Tumpu nompo'inummo anggur anu aijo' i tampat pinongisian anggur nu Tumpu – aijo'mo anggur pusa-Nyo anu tahahumo hondo.

ANU PINOTO'I HI YOHANES 16:6

Aha nombubusakonmo baso' nu mian anu pinalesayamo hi Tumpu Allah ka' baso' nu to nabi-nabi; uuka aiya Belento nompo'inummo aha nu baso'. Memang konanyomo na aijo' hi aha!”

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”